مجلس ....بناااات !!

**جــواهــر** · 11-12-2004 02:51

[align=center]

ريـــم شـــمـــر ..

يــامــن تـكـتـبـيـن بــرزمــة مــن الــمــصــداقــيــة .. والــطــيــبــة.. والــتــلــقــائــيــة ..

ألــم أخـبـركِ مسبقاً...بتقديري لكِ

يبدو بأني لم أخبركِ ذلك ... فلتعلمي به إذاً الآن

فأنا أقدركِ .. وأقدر قلمكِ

تحياتي لحضورك المفعم بعبق الأخوة الصادقة ..

لاعدمتكِ صديقة ريم شمر ..

واهلين وسهلين بالضيفات الرحــمــن ..

الان ترحيب واعتذار للتاخيري في الحضور ..

وان شاء الله راجعه لكم بمناقشتكم وطرحكم جميل ..

ايضا شكرا لإبداعاتك ريم شمر ..

فكرة جميله وتميز رائع ..

تحياتي لكم ..

جــواهــر

[/align]

**طَيْبَةْ الْفال** · 11-12-2004 06:31

فاصله بيضاء يا هلا وغلا فيك
وانا سعيده بتقبلي اخت جديده بمضايفكم
وبارك الله فيكم

اختي مجد وعليكم السلام بس لا تطولين ترى نحتريك

اختي جواهر حياك الله

.

**طَيْبَةْ الْفال** · 12-12-2004 14:12

يا بنات وينكم بارك الله فيكم

**ريم شمر** · 12-12-2004 14:55

[align=center]هلا ومليوووون غلا باحلى بنات في النت

تصدقون اني احبكم كلكم

محبه في الله ادعو الله ان يبارك لنا فيها

و ان يجمعنا على الخير والدعوة اليه

----------------

مجوده المضايف

نورتي ياعسل وحنا بنتظارك

جواهرنا ودررنا

جواهر

تسلمين ياغاليه على كل كلمه قلتيها في حقي

وتأكدي ان الشعور متبادل

اسعدني جدا جدا جدا وجود بصمتك الغاليه هنا

من زمااااان ياجوجو

الغاليات طيوبه وفصوله

الله لايخليني من قلوبكم

كفو يابنيات

مشكورات على التواجد والمشاركه

-----------------

خلونا ندردش شوي على مايمتلي المجلس ويجون باقي البنات

بمناسبه الكوره ودوره الخليج والحوسه هذي كلها

وش رايكم بتشجيع البنات واهتمامهم بالمباريات

هل يعتبر شي عادي وطبيعي

او هو امر بعيد عن الانوثه والرقه اللي المفروض

تتحلى بها البنت وكيف نظرتكم للي تشجع وتتابع

بالنسبه لي ماانكر انه في فتره ماضيه

ايام المراهقه كنت اتابع واتحمس

وشوى ويطق راسي السقف اذا سجل الهلال هدف

كنت هلاليه متعصبه ومباريات المنتخب مستحيل تفوتني

بس الحمدلله كبرت وعقلت :192r:

يالله بفتح المجال للسواليف والدردشه

تفضلوا :[/align]

**طَيْبَةْ الْفال** · 12-12-2004 15:01

يا هلا ومليوووووووووووووووون غلا في ريم

وباقي الشله

اعذروني الحين مقدر اسولف معزومه بس لي رجعه

**بـنـت النـور** · 12-12-2004 18:06

سلام عليكن

الله يجعله مجلسٍ عامر

اخباركن بنوتااااات

خيتكن توه واصله

وتبي تسلم عليكن

الله يعافيكن ويسلمكن

**تركواز** · 12-12-2004 21:23

[align=center]

هلا فيك بنت النور و نورتي << من اسمك المجلس و المضايف كلها .
ريم قومي اذبحي حاشي لبنت النور و خلي طيبة الفال تطبخه و عطوا فاصلة الكبدة تحمسها و الكرشة تنظفها .

انجزن بيضن وجيهن و انا بقعد معها اوسع صدرها لين تجن

هلا بريم الهلالية و بكل البنوتات

اما تشجيع المنتخب انا اشوفه جزء من الوطنية << تترجى احد يسمعها و يعطيها شرهة

بصراحة انا مجتوتة كورة بس في بيتنا و مع اهلي و اخواني و صديقاتي .
اما الأنوثة تتعارض مع الكورة فهذي طلعة من طلعات ريم .

ما قد شفتي المباريات النسائية ريم .؟
وربي وناسة لا تفوتك

الا ماتبون نكون منتخب بنات المضايف و أصير الكابتن . الله يعني عليكن بس كل شي علي

[/align]

**طَيْبَةْ الْفال** · 13-12-2004 08:53

[align=center]يالله انك تحييهم هلا والله باختنا نور اسفرت وانورت واستهلت وامطرت

تركواز والله تستاهل اختنا بنت النور من يذبحلها بعير مهو حاشي

بس مو انا اللي اطبخ انا ما اعرف اطبخ الا شرايتس يا تركواز انتي تطبخين خابرتس مشاء الله طباخه
وانا ابقعد ما اختنا بنت النور اسليها لين يخلص المفطح
تركواز ها شرايتس [/align]

.

**بـنـت النـور** · 13-12-2004 17:01

تركواز طيبه الفال

هلا بكن اكثر
على فكره ماحب اكل المطاعم
لازم طبخ يالله انجزن خلصني ترني جويعانه
مابي منكن وناسه ابي طبخكن
موكلٍ تقول ابي اقعد عنده اونسه
خلصن وين السفره
والحلا على مين

الله يحييكن ويخليكن
ويطول اعماركن

بنات وشلون احط صور علمنن