مجلس ....بناااات !!

[ريم شمر]

عندي سؤال غبي

وابي عليه اجابه تكون اغبي من السؤال ؟!!

لماذا تشرق الشمس بالرياض قبل مكة المكرمة ؟


يالله يابنات

هاتو الاجابات

وترى مافيه جوائز

لاتقعدون تنشبون لي وين الجوايز ووين الهدايا



.

[غاده]

[align=center]لاني صحيت متاخر ه خخخخخخخخخخخخخخخ[/align]

[ريم شمر]

حلوه ياغيدا


بس ابي اغبى من كذا

[نعومه]

[align=center]شموخه

الله الله بصفر الدلال الي بهن ناعم الليف

والطعمه ما عليك منها

كثري الزعفران وماجاتس علي

وبعدين انتي اي شي يجي منتس زين<< اهم شي يجي

اقول ريم شمر

لا تشرهين ..

قبل امس بس حولوني من عضو مسير الى عضو ممرح

عاد وانا ادوْر بمطرحتي ادوِِر متسان افرشها لقيت مجلسكم [/align]

[لحظـات]

[align=center]السلام عليكم كلكم

بما انه المجلس هذا مجلس بنات .. و سمعت انه فيه قهوة عندكم .. ودي اطلب منكم طلب صغيرووون ..

كل وحده فيكم تعطيني طريقتها في عمل القهوة العربية .. ترا مش لي للوالدة .. هي اللي عاجبتنها قهوتكم و تقول ودي اعرف الطريقة [/align]

[مجموعة إنسان]

[align=center]

القاضي :

دنيت لي مـن غالـي البـن مـالاق
بالكف صافيها عن العـذق منسـوق
احمس ثلاث يا نديمـي علـى سـاق
ريحه على جمر الغضى يفضح السوق
وايـاك والنيـه وبالـك والاحـراق
واصحا تصير بحمسة البن مطفـوق
دقـه بنجـر يسمعـه كـل مشتـاق
راع الهوى يطرب الـى دق بخفـوق
لقـم بدلـه مولـع كنـهـا ســاق
مصبوبـة مربوبـة تقـل غرنـوق
خله تفوح وراعـي الكيـف يشتـاق
الى طفح له جوهـر صـح لـه ذوق
زله على وضحا بها خمسـة ارنـاق
هيل ومسمـار بالاسبـاب مسحـوق
مع زعفران والشمطري إلى انسـاق
والعنبر الغالي على الطـاق مطبـوق
إلـى اجتمـع هـذا وهـذا بتيفـاق
صبه كفيت العوق عن كـل مخلـوق


السديري :

بجاد شب النار وادن الدلالي
وأحمس لنا يا بجاد ما يقعد الراس
ودقه بنجر يا ظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشمه بالانفاس
فنجال يغدي ما تصور ببالي
روابع تضرب به أخماس وأسداس



[blink]لحظات[/blink]


[لوحة8] هلا بك [/لوحة8][/align]

[نعومه]

[align=center]وشذا الريحة الطيبه

حاطين دخووون

المهم اقعدوا ابيكم بسالفه

وابي فزعتكم الله لا يهينكم

هذا الله يسلمكم عرس وخيتي الوحيده

بيكون بالصيفيه ( ان شاء الله ) وان ماصار شي يغير المسار

عاد ابي اكشخ .. وابي ابين اني اخت عرووووس

وما يحتاج اعلمكم وش ابي

1- كوافيره تكون لاختي وفي نفس الوقت لي

يعني عصفورين بحجر واحد .. وابيها تكون سبشل

مفكرين نجيب من مشغل المعالي ( اماندا ) طبعا خبرتها 15 سنه

بس مترددين .. لان مكياجها ثقيل .. نبي شي اخف و متقن في نفس الوقت

2- الفستاااااان .. وهذا لي فقط ..

قسم بالله مقطعني ابو الحيره .. مدري وش احط الموديل

كل مره اشوف شي اقول لا خل اصبر يمكن ينزل موديلات جديده في الصيف

وتعجبني .. عاد انا ابي شي جديد .. وفي نفس الوقت حلو ..

من ناحية الخياطه .. عندنا وحده متعاملين معها .. بس السالفه كلها بالموديل

اذا عندكم اشياء حلوه .. او صادفتوها وانتم تدوجون بالنت .. لا تبخلون علينا ..

3- وهي هديتي لاختي ..

ابي اعطيها هديه عينيه .. مدري وش بتكون .. يعني فكروا معي

ما ابيها ذهب و طقوم .. كل خلق الله بيجيبون لها ذا الخرابيط

ابي شي سبشل .. بس عجزت وانا افكر مالقيت ..

قلت البوم صور ( يكون حركه وغالي من قزاز ولا مدري من وين ابدور )

وابحط اول صفحه قصيده ( عاد هنا طلب خاص من الريم )

اختي تموت على شي اسمه لغه عربيه .. وانتي ماشاء الله .. شهادتي فيتس منجرحه < الله يشفيها

فياااريت وما عليك امر .. تكنبين قصيده فيها << ولا تنسيني خخخخخخخ مدري وش ابي

يعني منيب متشرطه .. بس انتي و قريحتك .. وحاااقه كذا على ذوقتس

ها وش قلتي .. اذا موافقه عطيتس اسمها واسم رجلها ( الي مدري وش يبي محكوم علي احطه تهئ تهئ )

وبعد ابحطها نفسها في بداية دفتر الزوار << موب كنه قلب موقع

4- ابسوي لها زفه .. ومدقره بالشعر .. شكلي ابروح لمنتدى الشعر وابطلب من حدا هالشعار يقصد لنا

ولا اختصروا علي ودلوني على الشاعر النبطي المفطحل بالمنتدى .. واطلب منه على طول

كوووده يواافق

وبعدين ابودي الابيات لاحد محلات التسجيل يسويها زفه

وذي بعد ماعندي خبره فيها .. اذا تعرفون يابنات محل زين دلوني ..

لاني ضاايعه .. وهذا اول عرس في عائلتنا .. يعني مادبر شي و لا ادري وش المطلوب

واذا عندكم افكار للزفه .. او للورود او للكوش .. او هدايا العرس.. او اي افكااار جديده شفتوها وعجبتكم

اي شي يتعلق بالزواج وتعرفون عنه شي علموني

بانتظاااااااركم[/align]

[مجموعة إنسان]

.


[align=center][لوحة]اللـــــــــــــــــه

يعينكــــــــــــــم[/لوحة]


فعلا حاسه بموقفك يالغاليه نعومه

بس عندي لك طلب

كل شئ يجيبونه لك ومايعجبك احذفيه علي وانا خيّتك

[لوحة4]

تراني يمكن يعجبني ويحل لي أزمه

[/لوحة4]


الف ألف مبروووووووووك

وعقبال البكاري لأختك الله يوفقها

[/align].

[الشامخة الخالدي]

ههههههههههههههههههههه
ريومة من عيوني لاتوصضين حريص
لا وربي الرومانسية كلها عند عيال عمك اجل وش اللي خلاني اترك ديرتي واللي فيها
فديـــــــــــــــــــــــــــــــــــــ ـــــــــت شمر
ا
تسلمين يانعومة وانتي الصادقة كفاية اني مسوية له القهوة حتى لو انها مو ذاك الزود بعد المدح يوصل ههههههههههه
وبادور لج حركات واخبرج

[الشامخة الخالدي]

نعومة هذي موديلات واااااااااااااااااايد عجبتني بس بالله عليج ان عجبك موديل ماتحلينه مكشوف وانا اختج ويمكن مايعجبونج بس حبيت اساعدج حبيبتي

موديلات لنعومتي

موديلات ثانية روعة لبوربي