[poem=font="Simplified Arabic,6,black,bold,normal" bkcolor="transparent" bkimage="backgrounds/11.gif" border="solid,4,gray" type=1 line=0 align=center use=sp num="0,black"]
بسم الله الرحمن الرحيم
اخواني واخواتي في مضايف شمر
السلام عليكم ورحمة الله وبركاته
بدون مقدمات
اقدم لكم هذه المتواضعه
ارجو ان تحوز على رضاكم
***********************
سقا الله وقت(ن) شافت العين مظنونها=بصادق خيال(ن) يتضح بارق مزونها
وقت(ن) عساه يعود يمي على عجل=بشايره من والي العرش مضمونها
الى اقبل بشير الخير تاقف مدامعي=وان غاب عيني هيّضت مخزونها
عليه نفسي قفّلت خافي الحشا=وتشاعلت نيرانها وحزونها
وجدي على اللي ضرني مارحمني=وجد العجوز اللي يزيد الحونها
حطوا ولدها بساحة الموت واعلنو=وقت القصاص وحالو الناس دونها
يوم ارتفع سيفه لمع بين الملا=وجدي عليها وجدها لمظنونها
الله واكبر يوم تطري وليفتي=النفس تكشف ماخفا مكنونها
سم(ن) يلف القلب وعروق دمي=والقلب وش عنّاه غير طعونها
يالايمي يكفي من اللوم والعتب=اترك حمول النفس ترجي عونها
خاويت نجم سهيل واشهر كواكبه=ولقيت بثياب الظلام اشجونها
ترسم خيوط الليل منها ملامح=واشوف ضحكتها واشوف عيونها
وآآقف بلحظات الهوى في خيالها=وارجي جواد احلامنا وجنونها
ويغيب ذاك الطيف واجلس بعبره=واقول (فرحه)ياهلي وشلونها
والله مبغى ياهلي غير قربها=ماظن عمري عايش(ن) من دونها
ان حل موتي وان بغيتولي الدوا=مالي دوا ياغير شوف عيونها[/poem]
رد مع اقتباس
المفضلات