[align=center]بسم الله الرحمن الرحيم
هذه أول مشاركة لي في
مضيف الشعر المنقول
وأرجو أن تحوز على إعجابكم[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/5.gif" border="outset,4,gray" type=2 line=0 align=center use=ex num="0,black"]
بين حلم الله وحلم ماتضيق فجوجه=وبين جلاٌد الزمن ومجالٌدة كرباجه
شف هذيك الديار العامرة معموره=فلم لا يمكن تخيل فكرته وإخراجه
وشوف بنت طالما عاشت وهي مبهوجه=وأصبحت تبكي وهي خلف العدو وسياجه
كفكفي وش جمع الدمعات والتغنوجه=جعل يفدى دمعك الخراجة الولاجه
وطوحي بالصوت قبل الموت ياعمهوجه=يمكن يلامس ضمير اللي يفذ حجاجه
نخوة الرجل العزيز اللي يكن هروجه=إخسئوا يابايعين الحكي يالهراجة
رأس ماله قطعتين من الكفن منسوجه=والثمن بالشربة اللي ثابت معراجه
وعلميه إن الحصان اللي تطيح سروجه=ينذر إن الفارس المغوار طفي سراجه
وعلمي من كان له أم وخوات وزوجه=عن فتاة ساقها الجزار ضمن نعاجه
وعلمي من جاته التخمة من أكل الكوجه=عن صغير مات من جراء نقص علاجه
وعلمي من كان همه في بناء بروجه=علميه إن هم هذاك السجين إفراجه
وعلمي من يبكي المأسآه عبر الموجه=علميه إن الشهادة تضٌحيه ومواجه
وأهتدي بالنصر وإلا ردديه إهزوجه=ولا يهمك فتنة المرجف ولا لجلاجه
دام في الفلوجة رجال تذيب ثلوجه=يزهق الباطل وبأمر الله يزيد إحراجه
الرجال اللي لهم جولة كفاح ودوجه=جعٌل تفداها نفوس في الخنا دوٌاجه
النفوس اللي مبادئها غدت ممزوجه=عشقها للصمت عشق الطفل للدراجه
ياجدار الصمت هات الكلمة الممجوجه=لأجل ماء الوجه قل بأفعل وأسوي حاجه
إكذب وعطنا أمل خل العذر وحجوجه=العذر ماينفع المحتاج والمحتاجه
وكان في ظنك جدار الظلم محد يموجه=حائط يقدر يهده من يهد أبراجه
كلنا ياسين وأيضا كلنا الفلوجه=لعنبو رجل هجر ولا جهل منهاجه
كان ماقمنا على غم الزمن وعلوجه=آآآآه ياعز تقفى والرياح أدراجه
وآآآآآه ياشين الزمان اللي نعيش وعوجه=كان ماقمنا بدحر المعتدي وإخراجه
فإن غفلنا عن مراد الغازي ومدروجه=ولعت من حد جاكرتا إلى غرطاجه[/poem]
[align=center]الشاعر/سنيد بن صالح الدعيٌه المري[/align]
رد مع اقتباس
المفضلات