من الحزب المؤيد..إلى حزب المعارضة..وعلى رأسهم الشاعر(بو رائد)

[أبو مقرن]

[align=center]صح لساااااااااااااااااانك مليااااااااااااااااااار والله انك فتيت تسبودهم
سنايدي يالقائد[/align]

[align=center]القافله تتقدم والاعلام تقود والمؤيدين في حالة انصراف للشام
للأماااااااااااااااااااااااااااااااااااا اااااااااااااااام



تعهد واقرار
اقر انا المدعو النطول بأن لا انكث عهدي بالعمده ابوغازي وساعده الايمن ابومشاري
وانني اضع نفسي تحت تصرف قائد ثورة المعارضه ابومقرن
وانني سوف امضي قدما في دعمهم ماديا ومعنويا ويمكن ان يحصل به اخاويهم لسوريا
واعرس معهم وانني ماضي في دفاعي المستميت ضد المعارضين
والله على ما اقوله شهيد

عريف ركن\ النطول[/align]

[align=center]عريف ركن\ النطول

صح بدنك..ولاهنت..والوعد دزدااااام

تحياتي[/align]

[أبو مقرن]

[align=center]ياحلوه ياصرت تفرج ولا لك شغل



يعني محايد


يعني أكثر لا من هنا ولا من هناك


والله يا عيال مافيه ازين من العزوبية


لاهم ولا مغثه ابد


بس تبون الصحيح ازين ما بالموضوع هذا

انه طلع لنا شاعرن جديد

ومانا حلو قصيدووووووه


تشاوووو[/align]

[align=center]هلا بالمهيني
أطعن يالبناخي..وتماكن روحك وخلك معنا
تر الدعوى مصيرية..
تحياتي[/align]

[أبو مقرن]

[align=center]

والله وكفؤ يابو مقرن
هذي الهقوة بك داااااااااااايم لاعدمتك

7
7
7
الأصيل >> انت دايم اصيل يالغااالي
نبرااااس >> خلك والم والبشت ببطك
النطول >> تسلم وهذي الهقوة بك >> قليبك اخيضر دايم
المهيني >> شف ياراعي الرياض مامن محايده ابد اما تسنع >> ولاترنا نقطع الماء عن اهل الرياض
7
7
7
بورايد
حتى وإنت معارض مع نقاشات شطب مروان >> غااالي على قلوبنا لايمكن نصخي بك ابد والظاهر قلبتك عليهن ماهي بعيده قل ماقالوه ابو غازي
7
7
7
المحروووم
هاللي يناقز بك وشو تقل راكبن لك جيب شـــــــــــــاصي بدون صندوق
ههههههههههههههههههه

الرفيدز ابو مقرن
لايهمنك ترنا ماشين ماشين والعرس صاير
هو ماكلمك العديل اليوم تروه لوه حويجه وتخص المحروووم


[/align]

[align=center]هلا بعمدتنا..حيا لله أبو غازي
معك ونسير بخطا ثابتة..والوعد قرّب..
بس يمكن يكون على حين غرة..
<<<<<<أول يبونه مجاهرة..بس ماصارت على الكيف
تحياتي[/align]

[أبو مقرن]

صح لسانك يابو مقرن

تشوفوني حول المفرق والماريه شنطتن حمراء وبيدي الجواز الاخيضر وباليد الاخرى مظلة شمسيه بس مهو عن الشمس عن المطر

[align=center]صح بدنك يالعشير..
إيه ولاتبعد..وتر ماريتنا كابرس.ن.أخيضر عليه لوه علم..مكتوب.ن.عليه
(وفد المضايف..للبحث عن الوظايف) <<<أي وظايف..توميه عن الحاجة الأصلية
تحياتي[/align]

[أبو مقرن]

صح لسانك اخوي ابو مقرن كذا الرد والا بلاش ياعلي ماعدم خيالك
@@@@@@@@@@@@@@@@@
انا مع بنات ديرتي مااخذ الا منهن وانت بكيفك لكن ابي اكلمك بالعقل
ياخذيت من سوريا او لبنان بالله عليك من ياخذ بناتنا قلي بكل صراحه وتجرد؟
ابو مقرن-ابو غازي -ابو مشاري كلكم عندكم عيال الله يخليهم لكم ويطول عماركم لهم
ترضون عيالكم ياخذون من (برا) من خارج السعوديه قولوا لي؟
بالله عليكم جاوبوني الدعوى بالهدؤ والتأني وبدون انفعال.....
^^^^^^^^^^^^^^^^^^^^^^^^^^^^^^^
الاصيل انت اصيل والف نعم بك ولك معزه خاصه لكن لايلعبون بعقلك تر بنت ديرتك ماحلا منه
نبراس والله اني اغليك يانبراس اي والله لكن موقفك متذبذب قل الحق لمن تخلي بنت ديرتك
النطول هالشيبان لايلعبون بعقلك اخبرك ذهين ياملا الغنيمه من تخلي بنت عمك لوه
اركد حيي واصغ لعقلك لاتاخذك العاطفه
المهيني قل الحق يامهيني لو على نفسك يابغيت تزوج منين تزوج قل لنا
ابو غازي ابو غازي ابو غازي انت الرقم الصعب عندي لكن غديك تغير رايك وانت حر ولو تطلب
الروح ترخص لك
المخاوي انت خوي الماشي اركد وندور لك من بنات الحلال مدرسه من بنات ديرتك
ماعندك الا هالشنطه تهف على غاربك اركد اخبرك ثقيل
انا اجزم مليون بالميه ان امهات العيال مادرين والا يسمع دبكم الي بيروت
يوم كبرتوا تدورون الجيزات

[align=center]هلا وغلا ببو رائد
وهالموضوع لو مابوه من البركة إلا جيتك تكفينا..ولايهونون(إخواني وأخواتي)..
تحياتي لك..[/align]

[أبو مقرن]

[align=center]طيب أنا هذا انتظركم على الدايري الشمالي وبالعلامه ملابسي بكيس وردي( لزوم الرومنسيه )..ولابسن شورت بردغاني وكنادر موف..وتسان جيتوني بنهار تبون تشوفون سن الذهب تلمع وان تأخرتوا الى الليل تبون تشوفون الشموع يميني ويساري

====

ابومقرن.....بورائد......الاصيل
اتحفتونا بهالمعارضات الحلوه
صحّت ألسنتكم..

ولاعدمنااااكم [/align]

[align=center]هلا وغلا..بالزميل
خوش حلايااا ياشيخ الفله..
يالعزوة..والله إن ردك موضوع.ن.لحاااااالوه

تحياتي[/align]

[أبو مقرن]

آمر .. وحنا بأمرك طوع
هذا (بومقرن ) وينخانـا

حبك بوسط الحشا مزروع
ماشح عن زرعكم مانـا

حريمنـا لوعنّـا لــوع
من شافهن صار عميانـا



معكم الى الامام

[align=center]هلا بالذيب..ومساندتك فخر
لو ماهذا فعلك....ماتسميت بالذيب
وعسى الخير دزدامك..
تحياتي[/align]

[أبو مقرن]

[align=center]أبو مقرن صح لسانك
ولسان من شارك بهالموضوع
عقب هالسالفه
والشعر
انني قررت وابو غازي قرر
اننا رايحين يعني رايحين
بس
لديرتن يقولون انك تسكن بلك فندق وفي الدور الخامس عشر
ولكن هالدور
على مستوى الارض
والباقي حافرينةالاف المترات تحت الارض
ويقولون جّوون ماهنا زينه
مطر وخيرات
وبناتهم جمال وكمال
ومحترمات ومتحشمات
ولو انهم بهم لهم قليلا من خشومهم فطس
ولكن انهم ينبلعون
كرش مافيه
اجسامهم رياضية
فمن اليوم وصاعد قررت انا وعديلي
اننا نبي نتزوج يعني نتزج
والعرس صاير يعني صاير
بس ماهو من عربووووووووووووه
يم هالديرة اللي تذكر
ويقولون انك بالطيارة على ارتفاع حوالي خمس وأربعين الاف قدم فوق
الارض
وبسرعة 900 كيلوا متر بالساعة
ولكن شي يستاهل
يم ماليزيا
واللي يبي معنا حيالله
يجهز عفشة
عن قريب[/align]

[align=center]هلا بابن العم الغالي..أبو مشاري
صح بدنك..ياعديل العمدة..
إنت ماسمعت باللي يقول( جاور السعيد تسعد)<<<تر هالمثل على أبو غازي..بس خلك حوله..
وخلنا هالمرة يم سوري..والشرق لووه مشرق.ن.يدوورووووه
تحياتي[/align]

[أبو مقرن]

1)اخوي ابو مقرن والله ثم والله ماني بشاعر واللقب منك اعتز به
وانا اعترف اني مانا حولك بالشعر انت شعرك جزل وتجيد الشعر وكلماتك طيبه
والا انا اصف هالكلمات وارجوك السموحه انت والاخوان والخوات الاعضاء وغيرهم
لكن بالحكي الثاني والمنطق ادافع باللي اقدر عليه..........هذا اولا
^^^^^^^^^^^^^^^^^^^^^^^^^^^^^^^^^^^^^^^^^^
2)شف بعض خوياك تخلوا عنك ابو مشاري يبي يم هالشرق هو وبو غازي
وش معجبهم بالشرق هالي تقول فتوق فروة عيونهن وظني انهم مالهم نيه ابد
والله لو يبكي غازي عند ابوه فلا ينهج ابد قلبه رقيق ويغلي وغيدانوه الله يخليه لهم
^^^^^^^^^^^^^^^^^^^^^^^^^^^^^^^^^^^^^^^^^^^^^^
النطول جذعن وبعد غير رايه تقل مايبي الروحه و14 لابسن شورت بهالشلتا
لاينمرض عليكم مابقىمعك الا الاصيل ويمكن يغير رايه....لكن خذ هالنصيحه مجانا

[poem=font="Arial,5,black,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
نصيحتي اجل المشروع=نصيحه تشرى بالاثمانا
عطني لو مهله مقدار اسبوع=ياخوك لاتفرح اعدانا
غلاك في ضامري مطبوع=لاتخلي الناس تشنانا
بنت البلد له غلا مطبوع=نذود عنهابالايمانا
وام الولد رايها مسموع=هي اللي تامر وتنهانا
لاصار به صارع ومصروع=نفوز حنا على عدانا
تبي تسافر بدون رجوع=هل كيف ياخوك تنسانا
مقرن وخواته لهن دموع=قلبك حديدن فلا لانا
عسا ابو مقرن يجينا طوع=ونجوزه من رعايانا <-- بنت البلد
ياظني تعود لنا باسبوع=وتقول لاعاد مسرانا
تر الزعل بيننا مرفوع=حنا حبايب وصدقانا
ياالله عساها تجي بسنوع=ياعالمن في خفايانا[/poem]
[align=center](أبو مقرن..سيّر عليك..وشرب فنجال.ن.بهذا..وتشرّف بتنسيق أبياتك)[/align]

[align=center]هلا بالشاعر بو رائد..نوبة.ن.بعد نوبة..ومرحبا بك مرة.ن.بعد مرة..
وكلامك ياأستاذي كله على الراس والعين..
وبنت الديرة اللي هي نصف هالدنيا..مابه إلا قوووود وجهه..
<<<<<<<<يلّمح إنوه يبي يعترف بالحق..
لكن هالسوالف وهالعلوم مالنا عنه..ولو بهالحتسي..وصفّ هالكلام..
(بعد إذنك..بس أبي هالقصيدة الأخيرة ..وعقبه أبي أهوون وأترك الموضوع[/align]
[poem=font="Arial,5,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
الشك ياصاحبي منزوع=وغير العَدَلْ مِنْكْ ماجانا
بس الحقيقة تلوعن لوع=وينغث بالي بها احيانا
ياصاحبي بنتنا..دلّوع=تبغى على الراس تيجانا
وتبغى بطاقة(سوا)مدفوع=وبالسوق تاخذ له أزمانا
وجاكيتها بلندن.ن.مصنوع=ماركات (ننيجا)و(سيلفانا)
ومن الذهب ساعة.ن.ودروع=من صدرها لفوق الامتانا
لاصار لي راتب.ن.مقطوع=مطلوبها منين؟! يافلانا
من سبته صرت أنا متبوع=والعسكري دوم يقفانا
أفزّ من نومتي مفزوع=لادّق لي باب..ديّانا
واليوم دام العتب مرفوع=والذيب يرعى مع الضانا
لأجلك نويت أترك الموضوع=وأقفل عن العرس بيبانا
وارتاح من لافع وملفوع=وعسى الولي ياصل رشانا
ومع النشاما نغيب اسبوع=نرتاح..ونرّيح..أبدانا
في فيضة.ن.كل أبوها فقوع=والعشب ماجاه رعيانا
وصوت الرعد بالسما مسموع=يجلي عن النفس الاحزانا
عزوبية.ن.قلبنا موجوع=والناس قامت تحاشانا
من وين مانتجّه ممنوع=ماحيّ ياخوك.. يقمانا!
حقيقة.ن.صغتها بسجوع=من قلب يالذيب.. ولسانا[/poem]

[align=center]وتحياااااتي لك..ولإخواني وأخواتي..[/align]

[أبو مقرن]

[align=center]هم بيعملووووو ايه هنا

القماعه دلولا[/align]

[align=center]هلا بذيب شراف
خلك مع الجماعة..وتبي تشوف الي يسرك إن شاء الله..
تحياتي[/align]