[align=center]كانت البداية..بزواج أبو غازي وأبو مشاري اللي إلى اليوم وعلمه عند الله..
والذي شكلّ - وكطبيعة أي موضوع- مؤيدين للموضوع ومعارضين له..
واستمرت الدعوى(مساكتات)..إلى أن صرخت أختنا(الريم)..قائلة ً
((تراكم مصختوهااا عاد))
فدّب النشاط في حزب المؤيدين وكانت هذه..البداية![/align]
[align=center]***(( في هذه القصيدة الأولى..المطلع وبعض الأبيات ليست لي..))***[/align]
[poem=font="Arabic Transparent,5,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
بنات سوري بهـن منفـوع=هن اللي يمشن على رضانـا
ولو ندنا بنت أبـو جـدّوع=مانقري الضيـف لاجانـا
لولا اليماني ذبحنـا الجـوع=والكـل لاشـك يشنانـا
والمشكلة هالذهب للكـوع=وعند الزعل هـي تناسانـا
يمّ (العياده)تهـف اسبـوع=وحنا على البيـت ملفانـا
لورعاننا..نلّبـسْ القبـوع=وبعض السوالف..بها نهانـا
وبجوّالهـا ينفتـح مشـروع=بإخـوان عـلاّن وفـلانـا
وتر عمّهن ياولـد ممنـوع=أصنـاف بالطبـع وألوانـا
البعض منهن جميل طبـوع=والـزوج تجزيـه باحسانـا
ولزوم الرجل دايم.ن.مسموع=تحني لـه الـراس بإذعانـا
وتر وضعنا أول.ن.مبلـوع=واليـوم ماشـي يخفـانـا
وإن طعتني قفـل الموضـوع=والعـرس لايّـاه وليّـانـا
وتسان الولي ماذن.ن.برجوع=ينـزاح ضيم.ن.توطـانـا
ولامن كل.ن.رقد بهجـوع=نرفـع يدينـا.. لمـولانـا
ياربّ..ياموّصـل المقطـوع=بالخـيـر يارب..تجـزانـا[/poem]
[align=center]وبعد ذلك توالت قذائف حزب المعارضة..
وكان أوّل تلك القذائف هي قذيفة المتحدث الرسمي باسم حزب المعارضة ..
الشاعر(بو رائد)..والذي يقول:[/align]
[poem=font="Arabic Transparent,5,black,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
كلامهم مابه المنفوع=يا الريم حنا لك اعوانا
بناتنا طيبات طبوع=ماهن من اللي يلادانا
فيهن حياء والحياءمزروع=جيران للطيب جيرانا
الهرج من دونهن مقطوع=بنات عم(ن) وخيلانا
مابهرج ابو مقرن(ن)مسنوع=يصب حانا على مانا
وان كان صالوا عليك جموع=مهزوم يابنت من جانا
بنات نجد(ن)جموع جموع=لكن السلام وتحايانا
واللي يبي ديره ام ردوع=هذاك محنا له اعوانا[/poem]
[align=center]وبما (إن التالية لازم تصير بيدنا)<<<صار مشاوش
نقول..وبلسان.ن.واحد..
إلى جبهة المعارضة..وعلى رأسهم الشاعر(بو رائد)
تحية طيبة وبعد: (إنطحوووا عن روحكم يامعارضين السفرة)
أصواتنا ترتفع..ومعارضتكم ماتزيدنا إلا تصميماً وإصراراً
وحتى لايظن ظان..سفرتنا للشام مابه من المغازي..إلا دورة بنت الحلال..
وستر مولانا..!![/align]
[poem=font="Arabic Transparent,5,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
الحرب به خادع ومخدوع=ولانرمي إلا..لنيشانا
لرمي العدو لابسين دروع=وننقل له السيف بأيمانا
وإن تسانها قاضع ومقضوع=ماظنتي.. تفلح عدانا
وليا حصل جارع ومجروع=خصيمنا.. يغرقه مانا
وأقول بالصوت..أنا المسموع=ياربعنا..يارعايانا
طرد الهوى ياملا مشروع=ومذكور بكتاب مولانا
بكتاب ربي لهن موضوع=في محكمه وضعهن بانا
أربع بنات.ن.مشن لك طوع=والشرط توزين ميزانا
دامك لهن قايد.ن.متبوع=حظيظ ياللي لهن صانا
حب النسا بالحشا مطبوع=ولأجله نسيّر مطايانا
على الشرف سايرين جموع=للشام وأطراف لبنانا
حلو البيارق غدى مرفوع= نقولها بجهر وإعلانا
أم الولد لو تهلّ دموع=ماهزّنا عن نوايانا
للشام يلّه بدون رجوع=ماغيرهن يبخص دوانا
مانتبع العاري المبيوع=مهما مع السوق نادنا
ولاناخذ إلا نقيّ ينبوع=الليّ لها بالشرف شانا
بالدين هي ساسها مزروع=مسك.ن.وفلّ.ن.وريحانا
ويارب يامذري الجربوع=يارازق الداب عميانا
ياخالق.ن.صانع المصنوع=يامدير الأفلاك بإتقانا
مالغير سترك.. ضوينا شموع=يارب يامقدّي خطانا[/poem]
[align=center]***
مع تحيات:
قائد المعارضة..العمدة أبو غازي..وعديله المبجل أبو مشاري
ويشد أزرهم كل.ن. من(متفاءل..المخاوي..الأصيل..النطول..)
عنهم...
المتحدث الرسمي : ((واللي مولم.ن.الشناط بس يحتري الربع ياما يزهبون))
(أبو مقرن)[/align]
رد مع اقتباس
أكييييد[/align]
المشاركة الأصلية كتبت بواسطة أبو مقرن
المفضلات