[align=center]
فصوله << دلع جديد
والله ما عندي شي ازيده . البنات كفوا ووفوا
عند اهلنا هالنظره ممنوعه
وفكرتهم في النظره نفس فكرة اختي مجد
وانا وياهم طقاق .. انا اقول تجوز والرسول امر فيها
وامي وجدتي يقولون هي لعبه ؟ اها وان ما بغاها تروح الشوفه
وعجزت اقنعهم ان الشوفه ميب له لحاله .. حتى للبنت
وهو ماراح يشوفها الا لما تتم الموافقه بنسبة 90 %
يعني هو موافق .. واهله جادين .. وبعد السؤال عنه والتقصي
والعشره بالميه بتكون للراحه هل ترتاح له ولا هو يرتاح لها
وقلت لهم انا ماراح اتزوج قبل ما اشوفه ويشوفني
وكانكم تبوني اعنس عيو .. واصملوا على رايكم << شكلهم بيعنسوني
مثال عن فائدة الرؤية.. وحده من قريباتنا
مضربه عن فكرة الزواج ..
ولما جوا ناس يخطبونها .. قالها ابوها ادخلي واجلسي شوي
وموب لازم تاخذينه ان ما عجبك
وطبعا هي داخله تقول لهم ابدخل بس عشانكم وزواج منيب متزوجه
وطبعا يوم طلعت قالت ( يا حليله والله حبيته )
ووافقت على طول وهي الي من اصل رافضه الفكره
يعني في هذي الحاله ( الرؤيه هذي خدمتها هي موب هو )
وبعد صديقتي يوم دخلت على اول خطيب لها وشافته
قالت تراني ما ارتحت له .. اسالوا عنه اكثر
ويوم سالوا اكتشفوا انه شخص فاشل وبلا شخصيه
يعني الرؤيه هذي تخدم البنت اكثر
وبعدين يشوفها وما تعجبه وهم على بر اهون من اذا تزوجوا
ذيك الساعه التدبيسه محترمه .. ولا راح يدفع ثمنها الا البنت
نرجع للموضوع الاصلي . الي هو وش تسوين
والله منيب مسويه شي
وش بسوي يعني ؟؟
يمكن قبل ادخل بس ابسأل وين جالس
النفسيه قبل هاليوم بتكون كلها هواجيس
( وش شكله ووش بيقول ووش ابقول انا و وش بيصير من مواقف )
وسلامتكم
الا ما قلتوا اهم شي
كل وحده وشلون راح يكون شكلها لما تدخل ؟؟ هل هي من النوع الي يتصلح ويتضبط
لدرجة انها ممكن تروح الكوافيره تصلحها؟؟
ولا تفضل الشكل الطبيعي تمام؟؟
من ناحيتي لو الموضوع بيدي اقولهم خلوه يشوفني من دون ما ادري
لان ما ودي يشوف فيني ولا شي موب طبيعي
واذا بدخل حتى الكحل ماراح احطه والشبشب شحاااااطه
<<< ولو بيدي دخلت زحفن << تحمست
[/align]
رد مع اقتباس
المفضلات