[poem=font="Simplified Arabic,4,orange,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واللة لود الود يابوي ودي=لاصبحك بالخير وبالليل امسيك
واجلس بجنبك لين عني تصدي=تبغا المنام وفي يميني اغطيك
واقومك للفجر ويدك بيدي=ندي الصلاة والى رجعنا اقهويك
وابهر الدلة وشاهيك عندي= مخدرا يابوي واناللي اقهويك
وافطر انا وياك والما بحدي= تاكل على هونك وتشرب واهنيك
وتقوم تلبس بشتك اللي تودي = بشتن مزرا لا لبستة يحليك
يابو سعد يابوي بس قل ودي= اطلب تدلل وشتبي قل واعطيك
بيظ الصعولو تطلبة قلت عندي= ماقول انا لك لا مادام يرظيك
باردلك دينن وفيتة الجدي= دينن علي واليوم لابد انا اوفيك
وياعبرتن قامت تكسر بصدري= لو بينت يابوي واللة تبكيك
لامن ذكرت امي تعبرت مادري= يومنها قالت اهلا هلا فيك
اهلا هلابك لية ماجيت بدري = وانا اتحرى كل ماحل طاريك
تكفا يا بوعابدترى الوقت ضدي=لاتنتظر عجل ترى الوقت حاديك
دوك الورم اشلون عشعش بخدي= ياحسرتي وشلون لو الورم فيك
الخد وارم والورم لون وردي=ماشفت انا مثلة عسى اللة ينجيك
اسهر ولاامرح واتصبر ولاادري=كلة على شانك ولاودي اشقيك
اللة كتبلي اترك العمر بدري= عمري قظى والخد والعين تفديك
اتعبتكم واليوم ذا صار قدري=وياللة عسى المولي يعزك ويبقيك
عبداللة العريفي[/poem]
رد مع اقتباس
مشرف مضيف الترحيب والتعارف
المفضلات