بدون مقدمـــات !!
([poem=font="Simplified Arabic,5,sandybrown,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بدون مقدمات )
على مركب بحر حبك نوى قلب العناء الابحار= تحت جنح الظلام بجوف غبات الهوى الهامي
يبي يعبر محيطات الغرام ويعبر الاقطار= ولا همه عواصيف الابحار وموجها الزامي
يهمه شي واحد شخص واحد اذكره اسرار= ولاكن حدني وقتي على النيشان والرامي
وانا والله ماودي ابين واذكراللي دار = وانا اللي عن عيون اهل الحسد واهل العذل كامي
لاشك الوقت غربل بي وحالي بين نار وغار=عسى الله يفرج الضيقه ويبرد لاهب الحامي
ولايشمت بي العاذل ولايشمت بي الثرثار= ولايحزن على حالي يماني او بعد شامي
الاياوقت وقتها وابعلن حالة استنفار= ولاتسترحم القاضي وانا اللي دونها محامي
صبرت ولا نفع صبري غريب الوضع والاطوار=وذا سبت شتات افكار فكري مصدر الهامي
اسرح نوب واحيان استفيق ولاذكر اللي صار=سوى اني كنت جالس واستلذ بعضه ابهامي
كذا ياوقت خليت العواذل تلعب المزمار= كذا ياوقت خليت ام سالم تكسر قطامي
ترى سبت حنين ام الحوير فقدها لحوار=وترى سبت جضيض اللي يعاني مخطراً حامي
وترى ميزة قوانيص الرهو لامن رموه طيار=وترى ميزة قصور اهل الفخامه فرشها رخامي
ولايحتاج اوضح لك عن الدينار والدولار=ولايحتاج اوضح لك عن الرويان والضامي
مواضيعٍٍ كثيره ويش ابذكر والحروف كثار= ولاكن ماتفيد ان كان حرفي مابلغ سامي
مثل سبع البنات اللي تربوا في كنف عطار=وصار الحاج متولي يبيع ويشتري خامي
تغير كل ماتصبوا اليه وعـــــــــــادة الاقدار= تبدل كل ما تتوقعه في لحظه شمامي
انا وشلون اوضح لك بدل ما نلفت الانظار= على الطاير كذا افهمها قبل ما تنشف اقلامي
علامك خفت وش فيك اختلفت وليه عزمك خار= ترى الموضوع مايحمل تخاف وتمسك حزامي
ترانا بالسعه لا ما وصـــــــــــلنا للحطب والنار=ماغير ابيك ماتسقط علي تصير قدامي
ترى مافيه ابد حاجه مثل ماقال ابو مختار= هذا بيتي وعنواني وسجل نمرة ارقامي
عرفت اللحين وش وضعي معاك مقيدٍٍ بهجار=وزودٍ فوق ذلك به رسن ولجام وخطامي
هذا حالي معاك من اول الرحله بهالمشوار= احاول اخفي جروحي ولاكن بانت الامي
الاهالحين مافكرت بالموضوع ياغوار= ترى ياسين ابو عنتر خويه بس ما دامي
حصل بنهاية الشارع تقاطع عرضي ودوار=وعنده لازم اتوقف وهذا طبعاً الزامي
ولاكن ذاك ماوقف ولافكــــــــــــر يجيه انذار=خذا تاج العباطه باللكاعه جاله وسامي
تطول السالفه والابعد تقصر خبر واندار= على صدر الصحافه وابتدا تفسير الاحلامي
هذا وضع الفتاة اللي يغازلها خفى وجهار=حبيبٍ ما خفى سره رجل مشهور واعلامي
حضر ميدانها واسمه كتب في صفحة الزوار=ولاكن ضاع بالزحمه وهو رجالٍٍ عصامي
ورست به باخرة حزنه بعد ماطول المسفار=على نفس الرصيف اللي بدت به رحلة اثامي
انا وشلون ما فكرت في حالات الاستعمار=وانا توي بلد ثالث مصنف بالأسم نامي[/poem]
رد مع اقتباس
[/align]
مشرف مضيف الترحيب والتعارف
المشاركة الأصلية كتبت بواسطة فهد النايف
أضاءة
المفضلات