البرق يبرق والرعد له ضبابه ..،،،
[align=center]يقول خضير الصعيليك ,,, بمحمد العبدالله بن رشيــد :-[/align]
[poem=font="MS Sans Serif,5,orange,normal,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
مزن نشا به ريبة وارتهابه=من ريبته كل الخلايق مريبين
مخايل شـرب الخمر من سحابه=كمع من الصافـي على مشـرع زين
البرق يبرق والرعد له ضبابه=هلّت على ابن حميد هو والشيابين
حقـّت ولابقـّت جداه إنصبابه=على مغاتير الشيوخ القديمين
ما قلتها بك يابن فيصل سبابه = حسن تـدبيـر الـولـي بيه راضيـن
يوم انها ذري ٍ هبوبه ذرى به = وانتم لكم كل القبايل مطيعين
ويوم انها سكن هبوبه وعابه = الله حريب ومهزل ٍ يا مساكين
سبحان رافـع بابة ٍ فوق بابه = وهتسع عقب للي بالأدراج عالين
نجد من المـولى قضبنا نصابه = لمحمد ٍ وحمود ما به تظانين
محمد بضـرب السيف ما ينهقى به = عليه ابا زيد يلحن تلاحين
محمد بنى صيوانكم وإرتكى به = مثل الفهد صكّت عليه الغلامين
صكوا بضاري الهيش حام القرابه = لبّاسـة الجوخ الحمر والتوامين
وبيض شكن حر اللهب صد بابه = يلعب بها الشطرنج بوسط الدواوين
من مال شيخ ما يدور البقا به = حطّاط غالي الزاد فوق المواعين
له هدة ٍ خيل المعادي عثى به = تلقا به الطوعات مثل الحراذين
تقدمت غلبا سواة الذيابه = شمر هل العادات ما هم ذليلين
لا البرذويل ولا بجيل الصحابه = ولا البرذويل ولا بجيل المتلِّين
ولا اللي بنى بيت الشعر بي طنابه = ولا اللي بنى بيت المعزه هل الطين
الضاري الضرغام وإن عض نابه = مدمي المخالب من فنادِ المعادين
وخوه ابو ماجد على كل بابه = قوّك ياشيخ الصخى منقع اللين
بجاه الولي ومحمد والصحابه = واهل الكهف واللي بالألحاد غافين
وبجاه من له طلبة ٍ مستجابه = ربي هو العلاّم عدل الموازين
في ستة ايام حصاها حسابه = متكوّن وأمره على الكاف ماعين
ومن مطلع البيضا لغربي مغابه = تغاب ولا تطلع على مثلكم شين[/poem]
[align=center]
وسلامتكــم يابعـدحي ..!![/align]
رد مع اقتباس
المفضلات