تراكم مصختوها عاد !!

[بو رائد]

***كلامهم مابه المنفوع00 يا الريم حنا لك اعوانا***
***بناتنا طيبات طبوع00 ماهن من اللي يلادانا***
***فيهن حياء والحياءمزروع00 جيران للطيب جيرانا***
***الهرج من دونهن مقطوع00 بنات عم(ن) وخيلانا***
***مابهرج ابو مقرن(ن)مسنوع00 يصب حانا على مانا***
***وان كان صالوا عليك جموع00مهزوم يابنت من جانا***
***بنات نجد(ن)جموع جموع00 لكن السلام وتحايانا***
***واللي يبي ديره ام ردوع00 هذاك محنا له اعوانا***


لايهمونك يا الريم يعني مايعرف يقصد الا هم ابشري بسعدك

[طَيْبَةْ الْفال]

[align=center]رد على قصيده ابو مقرن بقصيدة الشاعر طلال الرشيد رحمة الله عليه


يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

صح لسانك ولاهنت

[/align]

[الجازي]

[align=center]أبو مقرن ,,

لو انك صادق تسان مدحت عنزهم

الحين أنا ناويتن أستفزع بك تقفل الموضوع ,, واثرك من جنس الربع

الأصيل ,,

انطلقو إلى .. الزين والرخص

ماعمري سمعت بشيء رخيص وزين إلا ان كانه تقليد ومغشوش

تركواز ,,

الريم و لا يهمك حبيبتي

من باعنا بريال بعناه بلاش

تركواز ,, والله مادريت عنهم يابعدي ,, وعساهم ينشبون بهالسوريات ولا يلقون من يضفهم غيرهن

وبعدين هم أصلا ماقووا يشتروننا عشان يبيعوننا

بس اللي مطفشني إني لازلت أنا أحتسي عن العنز وهم الظاهر ان ترجمة العنز عندهم يعني البنت السورية

مع احترامي لأخواتنا السوريات الأباضايات >>> مسوية أخلاق

مناكد ,,

الله على اللبا بالمربعانيه...
أكيد ماعمرك ذقتيه يالريم...

^
^
هذي بيت شعر والا وشو

لا والله ماذقته ولا أواطن ريحته بعد مع انهم يقولون انه كنه الشكشوكة بس مابعد غامرت وذقت طعمه لا بالمربعانية ولا بالشبط

وبعدين من قال لك اني زعلانة ,, بالطقاق درب يودي مايجيب

بس اللي مضيق صدري ........ رجعنا لنفس الموال من رايي يكفيك كلامي لتركواز فيه نفس الشرح

بو رائد ,,

صح لسانك ألف ,, بس ماعندك مثلها في عنزنا

ابو مقرن يابو رائد راعي طويلة ,, حاطن له موضوع خاص متفرع عن موضوعي وان تسانك تبي شوري ,, أنا أقول عطهم أشكل وخلهم مايلقون أحد يرد عليهم ترى هذا أحسن رد عليهم

طيبة الفال ,,

بعدي والله وتسلمين ,,

الله يرحمه ,, هذا اللي يعرف السنع والله ,, [/align]

[طَيْبَةْ الْفال]

الريم سلمك ربي من الشر

[بو رائد]

الريم شورك مبروك ونعطيهم اشكل وان بغيتي فزعه اخوك حاضر

[الجازي]

[align=center]ماتقصر والله وأنا أختك ,, وأنت قدها وقدود ,, بس خلهم يفحطون شوي وياليت أبو مقرن تسان وده ينتقم مني انه يقفل موضوعي [/align]

[مفتاح14]

[align=center]

الحين أنا ناويتن أستفزع بك تقفل الموضوع ,, واثرك من جنس الربع

وياليت أبو مقرن تسان وده ينتقم مني انه يقفل موضوعي

نعين ونعاااون [/align]

[ابو غازي]

[align=center]حنا ندور اللي يزعل هالبنيه وصدره اوسع من الدهنا
انتي ماتاكلين شطه يالريم
ههههههههههههههه
7
7
7
هذي هي هقوتنا بكن يابناتنا دااايم وإنتن
اما بالنسبة للموضوع يالريم
حنا فاهمين مقصدك مار مالنا حيله التيوس اللي كتبتي عنهن الواحد منهن بقيمة شبح
تصدقين اعرف واحد من المبحبحين شراء لوه تيس بقيمة 750 الف ريال
وثاني يوم والتيس ميت
والرجال ينجن وهالحين يهلوس ويلعن التيوس واللي يشريهن
ههههههههههههههههه
7
7
7
نعتذر منكم جميعاً اخوان وأخوات تسان بدر منا خطأ

[/align]

[المطنوخ]

[align=center]يالريم
الله يعطيتس العافيه

على الموضوع اللي جمعتينا فيه

وضحكنافيه

واستمتعنا
وحنا يوم نشحط بالموضوع مالنا نيه غير رسم البسمه وهذا كله بفضل الله ثم فضل معزاتس

الف شكر والف اعتذار عن اي كلمة طلعت من غير قصد مار الله العالم انكن غاليات
ومثل ماقال اخوي بورائد
بناتنا طيبات طبوع00 ماهن من اللي يلادانا

وتحياااااااااااااااااتي الصاخنه [/align]

[الأصيل]

[align=center]اصبرو شوين


تسنكم رفعتو الرايه الكركميه

( نسبة إلى كركم ، قرية من قرى القوقاز وهكا الديار )
،،،،،،،،،،،،،،

صفحة جميله جمعت الإخوة والأخوات


لايسعني بالأصاله عن روحي ، وبالنيابه عن رفيدزي أبوزبون والبادزين

أتقدم بالشكر لكل عنز شاميه تسببت في إثارت وإثراء هذا الموضوع

................

بعيداً عن المزاح

بنات الخليج ..

وبنات الشام




دائماً

وأبداً

نقول



بناااااااااااااااات الشاااااااااااام وبسسسسس











لكل أحد .. ولكل أحده لاتواخذونا [/align]