<--((( خـــواطر واحـــاسيس)))--> مصافحه اولى
خواطر وهوجيس واحاسيس وتأملات وجدانيه
صالت وجالت بالفكر
وقلت بدونها لكم يمكن يتكرم الزمن
ويثبتها
ولا القلب ماهقوتي يحفظها...!!
وابي انبه ان القصيده يشهد الله اني منزلتها الى بمنتدى واحد فقط
لقيمة القصيده عندي لكن
مثل مايقولون لاجل عين تكرم مدينه
واخليكم مع القصيده..
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اقفى النهار وغابت الشمس والنور = والليل غطا كل شئ ظلامه
راح النهار اللي به البال مسرور = وحا ابمحله دامس في عتابه
الليل كله كن بالقلب سامور = والعين والله ماهتـنت في منامه
اسهر كما يسهر على البنك ناطور = الليل كله لين يكمل دوامه
تضوي على بالي هواجيس وكدور = أطلب من الله تنتهي بالسلامه
بأسباب ماشافت إعيوني من الجور = بالناس والدنيا وصاخب نظامه
دنيا تخدع الناس بأوهام واغرور = ولا فيه مخلوق بلغ به مرامه
دنيا تعم الناس بخيور وشرور = ولا ميزت بين طير الرخم من قطامه
ترفع وضيع بالمخاليق مطمور = وتاضع شريف بالوفا والشهامه
وناس لهم تضحك وتعطي لهم دور = وترفع لهم فوق الخلايق علامه
وناس عليهم هدت السور واقصور = ورصت عليهم كل زايد هدامه
وين البيوت اللي كما نايف الطور = وين الطروش اللي تدك العدامه
لا شك ياغاوي ابدنياك حاذور = حذرى تغرك في زخارف تمامه
كم واحد مغرور ماطاوع الشور = سبب بنفسه شقى والملامه
وكم واحد قبلك على الشوك مجرور = وكم واحد طوت مباني خيامه
هذا الوكاد وباقي القول مقصور = ما قل دل وحكمته في ختامه
صلاة ربي عد ماغرد إطيور = على النبي الهاشمي واحترمه
وسلامتكم
[/poet]
رد مع اقتباس
[/align]
المفضلات