[poem=font="Simplified Arabic,4,white,normal,italic" bkcolor="tomato" bkimage="backgrounds/15.gif" border="double,4,indigo" type=1 line=1 align=center use=ex num="0,black"]
يالشمري ماينفعن الدموعي = ولو صحت باعلى صوت ياهل الحميه
يالزوبعي كثرة علينا الفجوعي = مصابكم مهو بهين عليه
من دمعتك قامت تكسر ضلوعي = واقول وين اللي بهم غايريه
اجهر بقول الحق ونخ الجموعي = من لانصركم لا رحم والديه
اجسادنا تفداك كله دروعي = ولو صنفوها بقولهم ذي جنيه
يهوم صدري وقاصرن عنك بوعي = من دونكم صارت حدود اجنبيه
من دونكم اعوان بوش ٍ تروعي = سدودٍ بوجه مناصرين القضيه
تجمعة مابين كافر وشيوعي = واهل الكراسي والنفوس الدنيه
كبار البطون مشكلين البلوعي = جزم القرود افضل منهم سجيه
مافيه بالميه واحد جزوعي =يقول فعلٍ تفعلونه..... خطيه
الى متى وحنا نعيش بخنوعي = من القهر نجرع كما سم حيه
حكامنا من اي جنسٍ ونوعي = اظن عن التعريف ماهي غنيه
إما سبات نعيش ولا ركوعي = وحنا بفلك ثالث تدور الرعيه
كراسي ماجاه غير الندوعي = والكل منهم ماوثق من خويه
يسفه جمعه وللمعادين طوعي = ظعنا ولا ندري منيا هويه[/poem]
رد مع اقتباس
المفضلات