ممنوع دخول الحريم

**الـمـحـروووم** · 01-12-2004 23:30

وين اللغز ترن متحمس
,,,,,,,,,,,,,,,,,,,,,
بسرعة الله يخليكم
,,,,,,,,,,,,,,,,,,,

**أحمد المشتاق** · 02-12-2004 10:22

السلام عليكم جميعا

نظرا لإنشغال ابو مشاري وصاني ابدأ باللغز اللي عندي

لكن هالمره نبغى الحل من شخصين يعني اللي يحله الأول يرسل الحل على الخاص ويكتب هنا انه حله اذا حله صحيح برد عليه هنا ان حلة صحيح( لأن فيه ناس حلهم سريع ماشاء الله عليم وودي نعطي فرصه لأكبر كمية) وننتظر أحد غيره يحله والثاني لا يرسل لي الحل يكتب هنا مباشره وطبعا لصاحب الحل الأول الحق في طر اللغز القادم او التخلي عن دوره

قبل ما تقروا اللغز جهزوا دفتر ابو مية وجهين

هناك 5 بيوت بألوان مختلفه في كل بيت يسكن شخص جنسيته مختلفه عن الآخر.

ملاك البيوت الخمسة لكل منهم:
مشروبه المفضل-أكله المفضل-وحيوانه المفضل (يربيه عنده)

لا يمكن ان يشترك شخص من الخمسة مع الآخر في نوع الشراب او الأكل او الحيوان.

أحدهم يربي سمكة.

البريطاني يسكن بيت لونه أحمر

السويدي يربي كلب

الدنماركي يشرب الشاي

البيت الأخضر يسار البيت الأبيض

مالك البيت الأخضر يشرب قهوة

اللي ياكل رز يربي عصفور

مالك البيت الأصفر ياكل بسكوت

اللي ساكن بالوسط يشرب حليب

النرويجي يسكن البيت الأول
اللي ياكل مكرونه يسكن بجانب اللي يربي قطه

اللي يربي خيل يسكن جنب اللي ياكل بسكوت

اللي ياكل لحم يشرب بيره ( اكيد بيهضم اللحم ثقيل)

الألماني ياكل بروستد (عزوبي ما ينلام)

النرويجي يسكن جنب البيت الأزرق

اللي ياكل مكرونه جاره يشرب ماء.

تمنياتي لكم بالتوفيق مدرس الماده

**المطنوخ** · 02-12-2004 16:54

[align=center]تبوني احل هاللغز؟؟

والله تبطون عظم

انا من قريتوه يوم وصلت لاخره وانا انسى اوله [/align]

**أحمد المشتاق** · 03-12-2004 20:18

يمكن انك مستعجل تقرا سطر وتنط سطر

لكن لو معك دفتر ابو مية زي ما قلت لك وترسم جدول <== جداول بتصير

كان حليته بدقايق

شد حيلك وحل اوله على الأقل

**طَيْبَةْ الْفال** · 03-12-2004 23:30

[align=center] ان شاء الله يكون حلي صح

البيت الاول هو الاصفر ويسكنه نرويجي يربي قطه
وياكل بسكوت ويشرب ماء
البيت الثاني هو الازرق يسكنه دنماركي يربي خيل
وياكل مكرونه ويشرب شاي
البيت الوسطي (الثالث) لونه احمر يسكنه بريطاني
يربي عصفور وياكل رز حليب
البيت الرابع هوالابيض يسكنه سويدي يربى كلب (اعزكم الله )
وياكل لحم ويشرب بيره
البيت الاخيرلونه اخضر يسكنه الماني يربي سمكه
وياكل بروستد ويشرب قهوه

اتمنى يكون الحل هذا صحيح [/align]

**المطنوخ** · 04-12-2004 03:07

[align=center]طيبة الفال والله ان حليتيه يا ويلتس
اول شين علمينن وبعدين بكيفتس<<<<هذي والله النشبه [/align]

**طَيْبَةْ الْفال** · 04-12-2004 05:39

[align=center] النطول ليه اعلمك
عشان تسري قبلي وتكتب الحل
<=== والله مصدقه ان حلها هو الصحيح
همن يقولون عنك ذيب وانا ليلي كله اقلب بهالدفتر ادور
الحل [/align]

**المطنوخ** · 04-12-2004 06:25

[align=center]^
^
^
^
لعنبو ابليستس ولد ديرتس

علمينن ياملا الغنيمه

اروجي=يعني بسرعه=جلدي للناطقين بلغة الاوردو [/align]

**طَيْبَةْ الْفال** · 04-12-2004 06:30

[align=center]النطول هني مافي ولد ديرتي
هني اللهم نفسي وبس هههههههههه
<==== بدى العرق يظهر
تبيني اعلمك وش الحل
اصبر لين يجي راعي اللغز واعلمك

ولا تنسى ترى نبي الحذيه من الميتين
اللي مالله هون عليهن ينزلن [/align]