[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( الوسواس .. والخناس ))
أنا أعرف اللعين أبليس يوسوس في صدور .. الناس = يوسوس بالنفوس المخطيه يسبح بها .. ويعوم
برب الناس أنا أتعوذ من الوسواس .. والخناس = أعرفه طاغي .. وشيطان شره بالبشر .. معلوم
لعنت المارد وبلّعن عدد ماذعذع .. النسناس = لعنته لا بغيت أقعد .. لعنته لا بغيت أقوم
دحرته ماقدرلي وأذكر الله خالق .. الانفاس = يحّسب أني ضعيف النفس .. يحّسب أني ردي أعزوم
عجز يمنع طموح النفس .. ونفسي ماعليها .. باس = يبي نفسي يجره للهلاك ولا قدر .. ويحوم
تعب شيطانه يحاول .. وضاعت حيلته .. بفلاس = على الله متكل مسلم .. اصلي للولي .. واصوم
نفسي عالي(ن) شانه .. كذا له بالوفاء نبراس = رفيع(ن) قدرها نفسي .. عزيزه مايذله .. قوم
اقابل قوم بلحالي .. بسيف(ن) يكتم الانفاس = آبين ولا اتقي وانطح عددهم والعدو .. مخزوم
ليا حل اللقاء جينا ونافي بدقة .. الاجراس = نعز النفس ما نرضى يذله غادي .. ومنجوم
مادام أني عزيز النفس حر(ن) ماأنكسر .. قرناس = قالوا ما يعرف الحر ؟ يشوي والمثل .. مفهوم
شديد ومثل حد السيف للعايل .. قوي الباس = أداري زلتي ومحد(ن) عن الزلات .. أبد معصوم
أحب المرجله ماهي سوالف تكتب .. بقرطاس = ولاهي ترجمة شاعر يقوله .. بالورق منضوم
رقيت المجد للقمه .. رقيت بهامتي .. والراس = فخور(ن) وأفتخر والناس به ضالم .. وبه مضلوم
أحب المرجله ماني كذوب .. ومسرد .. وهلاس = انا والله .. ثم والله .. أحس أني بها .. ملزوم
أحب المرجله مادام كل أعلومها .. نوماس = وأحب الطيب .. واهل الطيب فعل(ن) لا نخانا .. نزوم
فعل الطيب .. باأهل الطيب مثل الدر .. والاماس = يوازي للذهب فعله نبيع .. ونشتري .. ونسوم
أحب المرجله مادام ربعي بالفخر له .. ساس = أنا من قوم لاهدو حرار(ن) للعدو .. وقروم
لهم تاريخ يوم السيف .. ويوم الدرع .. ولبس الطاس = لهم بالمجد نبراس(ن) .. وصيته بالفخر .. معلوم
أنا يابنت وافي بالعهد ماني .. عديم أحساس = أنا حبي نزيه ويشهد الله .. ما أخونك يوم
أنا وافي بحب(ن) ما يوصف لا .. ولا ينقاس = أنا المغرم .. أنا الهايم .. بحبك أيه .. أنا المحروم
على وضح النقاء حبي شريف ولا يجي .. بدناس = شريف(ن) للشرف أرفع مقامي عن الرداء .. وأشوم
أنا ماني بجيب أعلوم أوديها .. ولا بلاس = على منهج تقاليد العرب عادات لي .. وأسلوم
ولا أحّب الردي لله ولاله عندنا .. مجلاس = أجنب عن مجالسهم سراد(ن) كلهم .. ورخوم
أنا رجل(ن) كذا طبعي وتلقى بالرجال .. أجناس = رجل(ن) بالرداء يمشي .. ورجل مقدر .. ومحشوم
لعنت أبليس دام أنه يوسوس في صدور .. الناس = لعنته كل مايطري .. لعنته كل يوم .. ودوم
شعر /
خليف الجهيلي [/poem]
رد مع اقتباس
مشرف مضيف الترحيب والتعارف
المفضلات