الخيانه برمضااااان....

[الشبث]

[align=center]اول شي ياويل واحد يقراء ولا يعلق ترونن متحدي عليكم



اما موضوعنا وهو الخيانه بهالشهر فهي ماتحصل بين زوجين ولله الحمد

ولا تحصل بين اخوان

هالخيانه من نوع اخر وهو خيانة الخويا اللي معك بالاستراحه

فأذا جت الساعة 11 ولا 12 بالليل تقامزوا واحد واحد

ليما تغدي لحيلك تقل وجه سلوقي

والسبب الجوع ملعون الصلايب

فتلقى كل اثنين يولون يم لهم بوفيه ولا مطعم

وانت ياللي مالك عشير تقعدبه

فما رايكم بهالخيانه ؟؟؟؟؟؟؟؟؟؟؟؟؟؟




واسألوا اخو سعدى عنه !!!









وتقلدوا تحيتي[/align]

[ابو خليف]

[align=center]عنااااد ماني معلق[/align]

[عبدالله الجعيثن]

اراخو ابوي..

راحت شمر..

يخلونك وينحرون هالبوفيات..

والله ماعمله..

وانت ياخو سعدي يوم انك تنهج وتخليه, جب له معك سندويسه..

ولا ماتخلون طبعكم انت والمهيني..

[اليم]

[align=center]ههههههههههههههههههه

والله اني جيت مطبدز قلت وش هالخيانه

قلت هذا واحد(ن) مسويه بهالرمضان مار اشوى

طلعت سهود ومهود يالشبث

مادامه من البطن وجاي تيسر وانا اخوك

شد الحزام

وربعك هذولا قبل لاتدخل الاستراحه عليك بكفرات سياراتهم

خلهم لياطلعوا كلن يلتفت يم الثاني

وحط رجل(ن) على رجل وتفنجل وانا اخوك

قل اسروا هالحين [/align]

[اخو سعدى]

[align=center]افاااااا شبوووث
البارحه افطرنا سوا وقبلها بيومين مفطرين مع العيال
ولكن بعض الناس يسوي فطور ويعزم الهنود الحلاقين
اللي يحلق عندهم هذا وش رايكم به يا عيااال

وراك وراك والزمن طويل يا شبوووووووووث [/align]

[شنقل]

[align=center]شبيثاااااااااااااان

لك وجه تشره على العيال
انت وجهك

اللي تقل جهاز العنيد ومرهمن له بلوتوث

ماتقول لي يوم تعزم الهنود الحلاقين وشووووووووووله

انا ياوليد عمك جيتك ولاعزمتن ولك شهور ماشفتن

مااقول الا



سقهاااااااااااااااااااااااااااا[/align]
شكريااااااااااااات
ماني عشيرك
زعيم فلة الحجاج

[سالم]

[align=center]عادي خيانه بس !!!
تراها تحصل بأكبر العائلات




راجع لك بعد العيد
عن قولة ليه يقرا الموضوع ومايرد [/align]

[الشبث]

[align=center]

عنااااد ماني معلق

منهو عناد

والله يا ذيب علقت ولا لا كلهن سوى

اهم شين انك علمتن انك منت معلق بس

اخوي نبراس مادري ليه ما علق ؟؟؟؟؟



اما البنات فهذا مهو اختصاصهن

وعااااادي ردن ولا لا


بس انصح اللي مايبي يرد على مواضيع الشبث ولا يدانيه لا يقراهن

والرجال بالاشارة يفهم




وتقلد تحيتي[/align]

[الشبث]

[align=center]

اراخو ابوي..

راحت شمر..

يخلونك وينحرون هالبوفيات..

والله ماعمله..

وانت ياخو سعدي يوم انك تنهج وتخليه, جب له معك سندويسه..

ولا ماتخلون طبعكم انت والمهيني..

ايه اخوي الغازي عندك ياهم

ترهم بيدوا حيلي



يابعد صماصيم قلبي انت






وتقلد تحيتي[/align]

[الشبث]

[align=center]

شد الحزام

وربعك هذولا قبل لاتدخل الاستراحه عليك بكفرات سياراتهم

خلهم لياطلعوا كلن يلتفت يم الثاني

وحط رجل(ن) على رجل وتفنجل وانا اخوك

قل اسروا هالحين

عز الله انك جبته ياليم

هين باتسر تشوف وش اعملبهم


تسان ماجيتك مدبوب








وتقلد تحيتي[/align]