[align=center]القصيدة التاليــة من بين القصائـد التي قيلت بالقهوة !!
قائلها هـو اميــر النيصيـة ( راع الـوقيـد ) منيــع السليمان بن منيع بن فتيح
الجعفري الشمري ردا ً / مجاراة لإبن عبيكة في قصيدته عن القهوة...
وقد كان ذلك على عهـد الأميـر / محمد العبدالله بن رشيــد
يقول بن منيع :[/align]
[poem=font="Simplified Arabic,5,orange,normal,normal" bkcolor="black" bkimage="backgrounds/15.gif" border="inset,4,gray" type=0 line=0 align=center use=ex num="0,black"]
قال الذي يبني حليات ما دير = مثايل ٍ عد الغوازي حسابه
يالله يا منشي مزون ٍ محادير = ويا مغطي ٍ شهب النجوم بسحابه
من ضيق غيثك كبر روس الزنابير = تسيّل محاشيك الرياض ورعابه
وتطفر زماليق الفياض المعاطير = ويرعن معاويد القرايا خصابه
حيث إننا نفرح بشوف المسايير = ولا نشتهي هرج القفا والسبابه
ولا ضاق صدري جبت هدف المناقير = من شغل بغداد ٍ حلي زهابه
ومحماسةٍ تشكي اللهايب من الكير = متقصي ٍ لي به حسين ٍ وجابه
وكبيتها بمبرادة ٍ به دواوير = شغل الشدوخي زاعجه لي وجابه
وصفقتها بمنبه ٍ كنّه الزير = من جوف عمرو مقطعه من هضابه
ليا لقمن بالزعفران المباهير = لا دم لا سيلان لون إنصبابه
يا ما حلا ليا قلطن عقب توخير = اللي كما سلك الحرير إنصبابه
ويبرا لهن من مير غيد ٍ مباكير = والرزق بالدنيا حلاته نهابه
صبّه لمن ينصى ويلقى اليا دير = اليا حرجدن عوص النضى عند بابه
وعقب السرا يلقون شل المعاشير = وكل ٍ يقسّم من حضايا حبابه
ومن كثر ما تشكي الركاب البواكير = تدرج بعصمان الشوارب ركابه
وخيل ٍ تناحى مثل افام الخنازير = وجيش ٍ على العداد يبلش حسابه
يالله يا جيّاب ذيب المغاوير= سور الصبايا كان صارت ضبابه
مر ٍ على يام ومر ٍ على النير = ومر ٍ على حسبا يبني هضابه
والله ما قيله بزور ٍ وتنكير = إلاّ من المولى ندور الجزا به
ولابد ما نلغف بلجف الحفافير = وعزّاه من يوم ٍ علينا النعى به[/poem]
[align=center]
الدايــم الله والفانــي خلقه ،،،
وسلامتكــم ...
[/align]
رد مع اقتباس
المفضلات