[frame="9 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اشمئزاز
لو تدس كفك بقوة
بثلج مطحون وقزاز
دم
اشمئزاز .. هم
* * *
قلق
لا تصالح داخلك
لا تحط كفك بكفك
لا تحب الناس
في النهاية ..
منتهى الإفلاس .
* * *
أكبر طفل ..
لو يحجزونه بغرفة
فيها شوك وأسئلة
فيها مليون مفتاح
بس مالها أبواب ..!!
وقصدهم
يتعلم الكفاح
* * *
بنت .. وحضارة فارغة .. ورجال
جاء للقريه حنينه
يحمل الجوع بيدنه
ما يلين هامته إلا .. لربه
تاه في وسط المدينة
بدوي ولابس عقال
بنت حلوة .. شافته
التفت له .. نادته
" شويت أصباغ وخيال "
صد عنها.. لامته
وما بقى للبنت شيء من الغرور
كل اللي بقى له ..
هم وأطراف احتمال .. ؟؟
* * *
مدآئن ..
ناس
سيارات
زحمة أنفاس
صراع
تحترق فيه الثواني
أناني ..
من يخاف من المباني
لا تطيح من الصداع ..
ولو تطيح ..
دفني وأخذ مكاني
لو يكون العمر خوف
ما يهم
العمر فاني[/poem][/frame]
رد مع اقتباس
المفضلات