[align=center]بعد التحية أقدم أمام أنظاركم الكريمة هذه القصيدة
وهي رسالة من عاشق لجبال سلمى الشامخة
( ضـلـع سـلـمـى )[/align]
[poem=font="Arabic Transparent,5,black,bold,normal" bkcolor="transparent" bkimage="backgrounds/24.gif" border="ridge,7,burlywood" type=1 line=0 align=center use=ex num="0,black"]
.
لي شعورٍ من كتبته ما قريته في زمانه =
يمكن إنه ما توفق في زمانٍ يرغبونه
شعري اللي لا كتبته مثل فرخ الكيروانه =
كل ما يكبر جناحه .. كثروا اللي يطلبونه
آه يا قلبٍ بلاني بين همه وهذيانه =
وأدري إنه ما تعدى حاجتينٍ يشغلونه
( ضلع سلمى ) لا ذكرته .. وافتكرت الديدحانه =
كنها سلمى تمايل في عيونٍ يعشقونه
أتمتع بالشوامخ .. وأتلذذ برقيانه =
لين أنا بآخر مداها .. هيّض الخافق شجونه
جيت لك ياغلا رواسي .. يملك الخافق حنانه =
كنها قالت هلا بك .. والمدامع يحرجونه
ماخذن قلبي غلاها .. وارتفع عندي مكانه =
ضلعها لونه بدمي ما وطى درب المهونه
ما يذوب الحب فيني .. لو تذوب الشمعدانه =
لو بقى باخر رمقها لمعة الصبح الفتونه
ديرتي .. ماهي غريبة ياهل العرف التكانه =
من سمع عنها يجيها .. سيرة الصمّ الحنونه
ريحة الطلح بشعيبه يسوى عندي قحويانه =
للنحل قمّة مراده للتعافي يوصفونه
ياحلو هاك البطاحي .. نومةٍ به ومشيانه =
أو بها شبت غضاةٍ تبري الكبد الغبونه
مع رفيقٍ ما يجيني بالخطأ باسم الميانه =
عارفٍ قدر الصداقة مع صديقٍ ما يخونه
بيننا دلة قراحٍ فاح منها زعفرانه =
قدرها مدت يميني للنشاما يشربونه
ذالك ضلعٍ لو تكلم ما بغيت الترجمانه =
قال أنا عشقي لسلمى عشقت القيس وجنونه
يا جبل سلمى طلبتك شاعرٍ بيّن زمانه =
بيننا خل المحبة كل خلقٍ يذكرونه
جيت لك ثالث ثلاثة ما لقوا فيك المهانه =
ياعسى ديرة خوالك ( يايبه ) تكثر مزونه
.
[/poem]
[align=center]وتقبلوا تحياتي [/align]
رد مع اقتباس
المشاركة الأصلية كتبت بواسطة زيـــد
المفضلات