[poem=font="MS Dialog,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
بسم الله الرحمن الرحيم
السلام عليكم ورحمة الله وبركاته
اهدي هذه الابيات المتواضعة 000لها0000 ولكم
وكل عام وانتم بخير ودمتم سالمين
((دروب منسية))
***************
بعد ماملّني صبري بكيت وجيت لك شكّاي =بعد ماملني ناسي كرهت الدار والديرة
بعد ماماتت الدنيا بعيني وانهدم مبـــناي =بعد ماحلمي الغالي توفى وابتدا غيره
بعد ماجفت الدمعة وملّت من كثير بكاي =بعد مالحظ عاندني بعد ماطالت الحيرة
بعد ماضاعت ايامي وضاع العمرمن بلواي=بعد ماصحّ للعراف تفكيره وتفسيره
بعد ماصحت للفرحة تعالي بالهوى وياي=بعد ماهدني وقتي ولا جتني تباشيره
بعد ماحزني الظالم لفا يم الفرح غزّاي=بعد مااستوطن بعمري ولا قدم محاذيره
رحلت وقلت للفرقا عسى العمر الجديد الجاي=يكون اوفى من الماضي يعم القلب تنويره
سلكت دروب منسية واشوف النارفي ماطاي=مريضآ طالت دروبه ومل الدرب من سيره
جلست بعبرتي ساعة بكيت وقلت يادنياي=فقدت انسان يادنيا وقلبي مارضى غيره
اذا شفتي (فرح) قولي تعبت وملّني ممشاي=بربك يافرح عودي بحق الله والجيرة
فرح:قومي ,تعالي , وافهمي معناي=رسمتك لوحة الفنان بافكاره وتصويره
كتبتك في رواياتي احبك حيل هي مبداي=كثر ماخطها العاشق بحبره وسط تعبيره
احبك والله احبك ورب البيت يارجواي=كثر ماهالزمان يخون ,كثر ماجبتلك سيره
ترا هذي هي احوالي عسى ياليت يامشكاي=اعيش احلى طموحاتي واعيشك فرحة الديرة
(واذا مليت من صبري بكيت وقلت وين غطاي=عسى القى وسط غفواتي لجرح البعد تخديره
[/poem]
رد مع اقتباس
المفضلات