[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(( مبّارّك أنياقي ))
أنا أمبساطي في مبّارّك أنياقي = يرتاح بالي بين نوق(ن) .. مجاهيم
هي غايتي .. هي منوتي .. وأشتياقي = حبه ولع قلبي عليّ .. الملازيم
ماينوصف حبه تعلاء .. وفاقي = ماهو مثل حب(ن) قفاه .. الملاويم
البل طرب قلبي عليّ .. الطلاقي = والعمر عند مقسم العمر .. تقسيم
ومن لامني جعله يزود .. أحتراقي = أمشي بهواها بين رحّال .. ومقيم
سجيت رجلي ماكسر عضم ساقي = قطع الفيافي تجلي الهم .. والضيم
عفت البلد ياناس والصدر .. ضاقي = ملّيت سجنه حطم القلب .. تحطيم
أنشهد أنه لوعتي .. وأحتراقي = عجزت لا أصبر يالعقول .. المفاهيم
وشلي بناس(ن) بين كذب .. ونفاقي = هجيت عن سود القلوب .. المضاليم
مجلاسهم يسقيك مر .. المذاقي = أمرافق الانذال عيب .. وتلاويم
ماني أبحار(ن) يحب .. الحداقي = ولاني بتاجر حب .. جمع الملاليم
ولاجاني(ن) طلع النخل .. والعذاقي = دنياك هذي بين غش .. ومواهيم
البر هوايا مع أرجال(ن) .. أصداقي = وعن الرداء تكرم الحاها .. محاشيم
أسهيل بان .. وشع نوره .. وواقي = ذعذع براد الجو .. ونخايل الغيم
شبيت ناري فوق روس الفلاقي = زين الشمال أن هب وقت .. المواسيم
وصفيت صفر أدلال (صنع العراقي ) = وصبيت فنجاله لربع(ن) .. غوانيم
يستاهلون الكيف / عز الرفاقي = لادرّت الخلفات .. كله مواليم
يشهد خفوقي له عهود .. وثاقي = حبه مثل حب المطر لاأنتثر .. ديم
هذا غرامي من صميم .. العماقي = ماني على الدنيا كثير .. التناديم
أنا أمبساطي في مبّارّك أنياقي = يرتاح بالي أن جيت .. بين المجاهيم
شعر /
خليف الجهيلي[/poem]
رد مع اقتباس
[/align]
مشرف مضيف الترحيب والتعارف
المفضلات