اخواني(سوف تأتيكم هذه المرة مختلفه....لانها مرتبكه بعض الشيء)
ارجو ان تتقبلوها.......
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
استح على دمك
كل عام وانت بخير..يااغلى الحبايب
يااجمل ملاك(ن)انتحل شخص مخلوق
هديتي هالعام فيها غرايب
ورد وقصيد وبحة انسان مخنوق
الله عليك ان نكستك الهبايب
والله عليك ان زدت في قلبي عروق
ودي اقول اني من الشوق ذايب
وخايف تقول استح على دمك وفوق
اخوي مره قال:ان طحت خايب
اطيح تمر(ن) امتلت منه عذوق
وانا اقول ان طحت ماطحت تايب
اطيح مذنب طهرت وجهه حروق
وياعاذلي وشلون شكل النصايب
لاتحسبني مت من دمعة الموق
وانا احمد الله قاسي(ن)بالنشايب
مصيرها الايام تضحكلي وتروق
بس انت ياخلي نويت المصايب
من شاف زولك قال يلعن ابو الذوق
فستانك اللي ساتره بالذوايب
والا كحل عينك مزع كم معلوق
والا رموشك جيش جزل النهايب
ماينهب الا طيب الخيل والنوق
و(ف)مشيتك تفسير سبع العجايب
و(ف)وقفتك كنه يميلك طاروق
و(ف) شفتك جمر(ن)غذته اللهايب
و(ف) ضحكتك نلمح تباشير وبروق
وماكن بطنك افتقد غير غايب
ضم الظهر يوم التقابه من الشوق
وتبي الصراحه ماحسدت القرايب
اللي يشوفونك على غروب وشروق
ماأحسد الا قاسيات النوايب
اللي تزيدك بالدلع ترفعك فوق
ويحقلك لا صرت سيد الحبايب
ويحقلك ان زاد في جرحي فتوق
ويحقلك دامك تسوق السحايب
جبت المطر همال مع ديم مرفوق
بس الحقيقه عيشي كله شوايب
بذمتك ماشفتني منك مشنوق
زدت الهبال...هبال...زدت الخرايب
واقسى الجنون....جنوووون...عاشق ومطفوق
وحتى الشجاع (ف)حضرتك صار هايب
يالعنبو هالعشق سارق ومسروق
وعلى العموم ان طبت يازين طايب
جرح السنين وعزوتي...لهفة الشوق[/poem]
رد مع اقتباس
المفضلات