ثنيانيات

[ابوعلي]

ثنيانيات
ذكر عن يوسف أنه مره المنتخب كان مهزوم في مباراة مهمة جداااااا وكان جميع اللاعبين متضايقين وحالتهم حاله أما أبويعقوب تعرفونه ينسى الكورة لما يطلع من الملعب فجأة يوسف شاف قدامه خالد مسعد المسكين جالس يصيح من القهر مسك راسه يوسف وقاله: يأخي قم حنا السعوديين ما صحنا تصيح أنت ..........هاهاهاهاهاها
============================================================
احد الحكام المتقاعدين قال لي عن سالفة ليوسف في مباراة كان ه حكمها....... يقول في مباراة الهلال وفريق احد من المدينة المنورة قبل تقريبا 15 سنة وكانت المباراة في المدينة المنورة يقول لما نزلوا لاعبي الفريقين لتحية الجماهير امام المنصة والدرجة الاولى ( طبعا معروف عن ملعب المدينة انة يوجد فية بس مدرجات درجة اوللى فقط ولا فية مدرجات ثانية مثل بقية الملاعب) وعندما قام اللاعبين بتحية الجماهير وخلصوا راح يوسف الثنيان لجهة المدرجات الثانية وطبعا مافية جمهور ولا مدرجات ولكن فية جبل كبير مرة وقام يوسف راح الين وصل عندة ورفع ايدينة للجبل وحياة؟؟ههههههههههههههههه يقول الحكم فلا كان موقف يضحك للجميع؟
>وفي نفس المباراة يقولي نفس الحكم موقف اخر مضحك ليوسف الثنيان.........
>يقول كان فية اوت للهلال وكان يوسف يبي يرمي الاوت لكنة تقدم عن مكان الاوت عشر خطوات تقريبا ولما جيت عند يوسف وقابلتة وجه لوجه وقلت لة يوسف ارجع لمحل الاوت الاصلي فرد علي وقال لي بالحرف الواحد( يابن الحلال احد خبلان مايدرون عن شي مشيها بس) فكان موقف مضحك ومحرج للحكم في نفس الوقت...
-----------------------------------------------------------------------------------------
خذوا هالموقف..... يقولون مه في احد تمارين الهلال كان المدرب عمر بوراس كان تذكرونه.....وكانوا معولين على الثنيان كثير لمباراتهم بكره مع النصر المهم الكل متحمس والمدرب متوتر مره والكل محترق في التمرين......المهم في عز التمرين استاذن يوسف الثنيان دقيقه من المدرب اللي يحسبه رايح لدورة المياه......وطلع يوسف من التمرين.....المهم ينظرون الرجال يرجع ربع ساعة ساعة ساعتين الى ان خلص التمرين وماجا وقامت قائمة النادي يدورونه على شان مباراة بكره......المهم الكل مختبص يدور هالثنيان.....وحرق اعصاب الليل راح وابو الشباب ماجا.....يوم جت الساعة 11 يلا جاك الهندي حق الملابس يركض ويقول ثنيان نوم نوم.....وطلع ابو الشباب صاكها نومه في غرفة الكور..........ووقفوه ذيك المباره......يبقى ملح الكره السعودية
================================================================
موقف اخر للفيلسوف الثنيان ؟
في احدى مباريات المنتخب الودية في الدمام لعب المنتخب مع الاتفاق مباراة ودية وبعد ان انتهى الشوط الاول وقف الثنيان يسولف مع حارس مرمى الاتفاق فؤاد المقهودي عند مرمى الاتفاق لا وجلس مربع على رجلية يسولف مع فؤاد وترك المنتخب ولا راح معهم غرفة الاستراحة ول سمع خطة الشوط الثاني ولاهم يحزنون ؟
وبعدين دخلو لاعبين المنتخب داخل الملعب للعب الشوط الثاني ثم راح ووقف في مركزة الجناح الايمن وسط ضحك الجماهير واستغراب كارلوس البرتو اللي قام يومي براسة يوم شاف الثنيان داخل الملعب ورفع ايدينة فوق معبرا عن استغرابة لتصرفات الفيلسوف؟
==============================================================
في معسكر للمنتخب السعودي كان يوسف مشارك أحمد جميل الغرفه في الفندق ، وبعد تمرين شاق ومتعب وتوترت فيه الأعصاب شوي ، قام يوسف وكتب لافته وعلقها على باب الغرفه مكتوب فيه ( ممنوع دخول السود ) ، وزعل أحمد جميل من هذي الحركه وكلمه ، والرجال ما قصر ، خلع اللافته .
وفي اليوم الثاني رجع أحمد جميل الغرفه ولقى اللافته موجوده مرة ثانيه ، بس مكتوب عليها ( ممنوع دخول السود عدا أحمد جميل ) ... ها ها ها ها
=========================================================
يوسف الثنيان له صديق قريب غالى قلبه أسمه إبراهيم القصيمي (إداري
نادي الرياض السابق ) إبراهيم يحب أبو يعقوب حبا جما.. قام الأستاذ
الحكير بوضع إبراهيم القصيمي ضمن الجهاز الإداري لنادي الرياض .. وفي
أحد باريات الهلال والرياض مررت كرة ماكره للثنيان فأحرز منهاهدفا
جميلا فأنطلق يجري بأتجاه إحتياطي الرياض وبالضبط في أتجاه القصيمي
ولم يكذب إبراهيم خبرا.إذ قفز فرحا وأحتضن الثنيان ومن يومهاوإبراهيم
القصيمي خارج نادي الرياض
منقول

[برزان]

الاخ ابو علي مشاركه رايييقه جدا
للفيلسوف ابو يعقوب
وعلى فكرة ابو يعقوب مفروض يترك على راحته
ولاله شغل لا بمدربين ولا خطط ولا كلام فاضي لانه فيلسوف بالفطرة
وبعدين اللي يعجبك فيه انه رجال صح
والكل يعلم ان الفلسفه الزايدة من لاعبي الفرق الاخرى تنتهي عندما يكون ابو يعقوب موجود هو وكوعه المشهور اللي اعتقد ان جميع اللاعبين اللي تفلسفو معه كلو هالكوع وبلعو العافيه
مثل الداوود والقهوجي والحمراني ضهير النصر والبلوشي
_______________________
اذكر في احد المواسم كان ابو يعقوب في قمة مستواه وصدر له توقيف من ادارة النادي وكل مباراة يجلس احتياطي ولا يلعب وكان في حوالي عشر مباريات يطلبون منه الاداريين
التسخين قبل نهاية المباراه ويتعب الرجال من التسخين ولا يلعبونه المهم قفلة مع ابو يعقوب
الزبدة في تلك الفترة لعب الهلال مع الرياض في الرياض
ايام النعينه وكانت النتيجه 2/1 للرياض واما مطالبة الجماهير وضغطهم ت اشراك ابو يعقوب في اخر الدقائق
وبعد دخول الثنيان وفي اخر دقيقتين احتسب الحكم بلنتي للهلال وتقدم ابو يعقوب للبلنتي ( وانا كنت موجود بالملعب)
وشات الكور بشكل غريب جدل وبعيد عن المرمى وعلى ما اذكر ان شوتته كانت قريبه من الاوت وطبعا مستحيل يكون خطاء لانه الثنيان بعد تنفيذ البلنتي خرج من الملعب للبيت مباشرة

,,,,,,,,,,,,,

[سيف الاسماء]

حلوه ذي يابوعلي ...

الموقف هذا شخصي صار لي مع ابويعقوب والقصيمي ..

المهم رحت لواحد من المعروفين بصراحه ابي منه فزعه ( واسطه )
المهم لقيت عنده ابويعقوب والقصيمي وهات يا ضحك المهم اذن العصر وقمنا نصلي.. من القراده جاء ابويعقوب يميني والقصيمي يسار مني المهم صلينا يوم ركعنا اول ر كعه الواحد لازم يقول سبحان ربي العظيم ثلاث مرات قام القصيمي بصوت عالي يقول سبحان ربي العظيم ضرب 3 يعني نطق كلمه ضرب انا شفت الموقف ذا وقام الجميع يحكون وقلبوا وقطع علينا الصلاة الله يهديه وقام يوسف ومسكه لين خلصنا صلاة عقب جا وكل قام يصلي لحاله وكل شوي قاطعين الصلاة من الضحك ..

[موج البحر]

ابو علي

والله مواقف حلوووه الفيلسوف...اللاعب الكبير لليوسف الثنيان

..................

اذكر مره مباراة بين الهلال والاتحاد

وكان ابو يعقوب يسحب بااحمد جميل

قال المذيع ..شوفوا الثنيان يسوي فحص ل احمد جميل قبل ضمه
للمنتخب......

والله ياهووووووو سحبه شووووووووارع

مشكوووووووووووور على هذه المواقف


تقبل تحياااااااااااااااااااااتي

[الفيتو]

تسلم ابو على على هذه المواقف المضحكه
:D:D:D:D يعني ياموج البحر لازم تجيب لاعب اتحادي والله غريبه
لالالالالالا عاد برزان ما طق خبر الا وهو جايب المسكين حسن حمراني
لييييييييه التعصب الزايد
يعني هذي ضريبة الشهره حقة الاتحاد والنصر الله يعينهم من الجمهور الهلالي

[ابوعلي]

برزان

السمن العرابي

موج البحر

ابو مرزوق

مشكورين على التعقيبات الحلوه..

والحقيقه ابو يعقوب عنده حركات قرعه واجد

اذكر مره كان يلعب الهلال بجده ضد الاهلي وقام ابو يعقوب

بنرفزة القهوجي..كل ما مر من عنده طلب منه يجيب شاهي ابو اربعه

والا شيشه تعميره ( يطنز من اسم القهوجي) ...الين انطرد القهوجي

...المواقف كثيره ...بس مين يجمعها؟؟؟