[poem=font="Simplified Arabic,5,orange,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
(( شهـــــر الـــفـــضــــيلــــه ))
يا هلا بشهر الفضيله يا هلابه=يا هلا به عـد ّ ما مرّت سنينا
جيت ابارك في قدومه للقرابه=يا عساكم فيه فوز ً ضامنينا
كل يومً فيه رضوان ومثابه=كل يوم ً فيه خير ومنعمينا
فرصة ً للي يداري من عذابه=فرصة ً من ربنا للعالمينا
الحظيظ اللي يسجّل في حسابه=كل خير ً واكتنز شي ً ثمينا
ياصل ارحامه ويقرا في كتابه=صايم ً شهره وليله قايمينا
راحة ً للعبد يجليه ارتيابه=يا عسى ينعاد وحنّا سالمينا
يسأل الرحمن ويدري عن جوابه=في صيام العبد جل ّ السائلينا
يفتخر فينا وحنّا في رجا به=وليت لو نوفي حقوق الداينينا
لاعب التقصير فينا والتهابه=لاعب التقصير فينا وهايمينا
هايمين بــدنية ً كـلـّه نهابه=تسرق الايااام وفيها ضايعينا
يا آله الكوون يا منشي السحابه=بين حرفين ً اموورك خاتمينا
يطلب الغفران عبدك لو مشابه=دربه التقصير وادري عارفينا
يا آله الكوون اعتق له رقابه=من ((جهنم)) يا آلهي خايفينا
منوة المسلم جنان ً في شرابه=كوثر ً به لــذة ً للشاربينا
موتنا للدين حنّـا ونحيا بــه=ديننا المضمون وبه حنّا عَـلينا
لو يقولوا : عنّه ارهابي شبابه=مايهم ّ اليوم نبح الجاهلينا
ماعلينا من مناديب الرداا به=ما علينا لو يقولوا مسلمينا
ردّدوا زيف الدعااوي واجتلابه=ويشهد الرحمـن حنّا فاهمينا
دربنا درب المعزّه والهيا به=دربنا الاسلام درب الواثقينا
فردنا بالدين سنـّن له حرابه=ما يهاااان وكل ّ عدوانه تهينا
زارع الايمااان في قلبه زها به=ثابت ً تهتز ّ منه الفاتنينا
شامخ ً بالجد ّ وشامخ في دعابه=حي ّ من هو شامخ ً في كل حينا
ترجف الكفران لا اوحت سرابه=كيف لامنّه حضر عنده يقينا
عزّنا القرآآن وكلّن اعتزابه=لا دعى جينا وكلّ ً فازعينا
ما تخلّفنا ولا بان اكترااابه=كود يوم انّا عن الدرب انتحينا
ومن قرا قافي يقول انّه طلابه =وش بلاه الشمّري به مبتلينا
المراد اليوم يا ناسي وشا به=قلبي المطعوون من شي ً بنينا
عزّنا الليّ راح في لحظة غيابه=يشهد التاريخ لو حنّا خفينا
هم لقونا واعرفوا وشّو حسابه=هم ّ لقوا بالدين انّا مرعبينا
وغرّهم في بعض ايااام الرتابه=انّهم صاروا علينا واليينا
عادة الايام والدنيا تشــابه=ومن قرا االتااريخ يلقى الفاطنينا
خوذوا الايجاز با تلى اكتتابه=عزّنا بالدين وغيره ما لقينا
ويا هلاااابه شهرنا ولله هلابه=يا هلابه عــد ّ مامرّت سنينا
جيت ابارك في قدومه للقرابه=يا عسااكم فيه فوز ً ضامنينا
؛
؛
؛
ومبروك عليكم الشهر
نسأل الله تعالى ان يكتبنا وإياكم
فيه من صوّامه وقوّامه
وأن لا يحرمنا اجره ..
ويوفقنا لصالح الأعمال فيه
اللهم امين
نبض : نواف السويدي[/poem]
رد مع اقتباس
المفضلات