عندي الحل وانا أبوهندي
حطي لهن أول مايجن
شاهي ....وقهوه
وليا كيفن بالمهيلة وقضن...... جيبي لهن حميض وجهق.....هذا زين مع الشاهي ....وأن صار عندكم لومي جيبيه....تريه مع الشاهي(يزغت) ماااااهنا حلووه
وليا جا وقت الغدا أوالعشا وعينتن من الله خير
جيبي لك طلي من شبك الغنم و(وذتسيه) يعني (أذبحيه)
وقطعنه على كيفكن
شي للمشاوي وشي للكبسة وشي أطعميبه جيرانكم
ولاتكثرين البهار مع اللحم
يعنب براس الملعقة وكثي من(السمن العرابي)*
و(الزلطة) قطعي طماط وبصل
قطع صغيرة
وكبيه على الكبسة لاقضت
تطلع (زلطة) تزغت
عاد كانتس تبين تحطين (شقلاط)مع العشا
ماعرفله
شوفي لك وحدة تعلمتس
مع أني أنصحتس ماتحطين (شقلاط)
لأنه مرة من المماريت جابلي مغص
وبعدين ماهو من زينة
جربته مره مع لقمة الرز
طلع ماهو زين
التمر أزين
وعقبه كل وحدة توكل لبيته
علشان تقوم الصبح .......ترغفن وتشعم النار وتظبط المهيلة لرجله و تحش للغنم وتفجر للنخل.
وسلامتكم
*السمن العراب يرمز للسمن اللي ماغيره سمن و شيخ من العلي كان يصب السمن على العشا للضيوف ويرمز أيضآ لشيخ بمضايف شمر
رد مع اقتباس
المفضلات