الشرقاوية واهل العرف بالخيام يجون لاهانو

[عبدالعزيز]

هذا سلمكم ربي بمخلافنا العام جاب حدى الربع معوه خيمة من الشرقية ساح كويلي معه لأني يوم اطقه ماخذت مني جهد على كبره(5×9) ولاخليت من هكا المتعافين اللي انا كومتهم الا واحد يشتغل به معي ويوم انه جازت لي خذيت رقم وكيله بالسعودية لكني ضيعته بين هالقراطيس مع الوقت واتصلت على راعيه ولمار يالله يذكر احداث المخلاف والخيمة طلع آخذه من بين قطعة خيام عندوه ولايدري ايهن.... غسلت يدي منه خصوصاً عقب ماكثرت النشدة ولااحد عرفه
ويوم الله جمعنا بالنعيرية مصعن تسلاي هكا الخيمتين اللي ننام بهن من اول ماشفتهن < (خبز وخبازوه ).. هذولن اللي انا ابي لكني نكست ونسييييييت لاشوف كليشات موردهن

واللي ابيه منكم طالت اعماركم يااهل العرف مورد هالخيام اللي مواصفاته-للعمودين:
مترين بين كل خيزران والثاني بالرواق عدى اللي حول الباب وهذولي على بعد متر من اطرافه
اطنابه كله 12طنب للخيمة 5×9
غاطين واحد الشراع اللي عليه الكلام والثاني القطاعة الخضرا
صناعته بـــــــــــاكســــتانية

وكيله بالشرقية
ولو يقال لي اسمه وكاد انه يبي يطري علي

ادري انه اردى من الصباحية وفرق بعد لكن هذي اللي يميزه خفه وسهل طقه عند ام اثنين وثلاثين طنب

[سلطان الشمري]

[align=center]اخس يالاقشر تبي خيمه انت وفرّتك ..



عندي خيمة العامل تجوز لك ..




شفه بالخطه .. مره ان جازت لك ما نتخالف..[/align]

[اليم]

[align=center]هلا عزوز

يمكن تبي خيام القاضي

هقوتي انه تصنع هنيا بالشرقيه

بس وش لك بهالبلشه كله عليك بهاللي تقل ظهر حمار [/align]

[محارش]

[align=center]هلا بالعزي

هذولن الله يسلمك خيام باكستانيه بمواصفات عاليه وبالحقيقه مهن غاطين مثل ما ذكرت بل ثلاث غطيان اذا انك تعني اللي ببالي وهي الخيمه اللي قبّه


وهالنوعيه من الخيام متينه وعمليه جدا جدا . واذا انت من النوع اللي يحافظ على الخيمه فصدقن انه راح تكد معك بالقليل عشر سنين وهي تجدد .

وحسب علمي يالعزي ان مالهن وكيل معيّن لكني اخبر محيلاتن يبيعونهن

المقاسات مختلفه والمواصفات مختلفه يالغالي ويعتمد عليهن السعر .
( على خبري موجود مواصفات الصباحيه )
مسألة الخفه اختلف معك به فهي ثقيله نوعا ما .

واسعارهن مهي غاليه بالحيل من الالفين ريال تقريبا وانت مديور
السعر يعتمد على المواصفات والمقاس.

تحياتي.[/align]

[سلمان النبهان]

[poem=font="Simplified Arabic,5,black,normal,normal" bkcolor="white" bkimage="backgrounds/17.gif" border="outset,10,gray" type=0 line=0 align=center use=ex num="0,black"]
مشاء الله اقول الشمس منينهي طالعة اليوم..
عبدالعزيز انت وين والخيام وين ...
يعني اني راعي بر وراعي... مكشات الله ...الله.
اقول شوي وتنشد عن الخلفات وبيوت الشعر ..
اقول خلك الله يسلمك من سوبرمركت الراية وجاي
دوار الملعب ان ابعدت يالغالي .....
***************************
عموما الخيام الي تذكر مثل ماقال الشيخ محارش
باكستانية ويقال لهن ثلاثة غاط ...
ولهن اشكال مختلفه واحجام كذلك ...وحسب الطلب
ورغبة الزبون تعمل عند المحلات بالدمام ....
واسعارهن مثل ماذكر لكن اذا تبي الجودة هي
(( خيام القاضي بالشرقية ))
وهناك الصباحية والنمران بالكويت ايضا ...
***********************
جوالي عندك يابو العز وحاضرين للشباب الطيبين
نشحنه لك بالنقل وعليك الفاتورة الامر سهل ..
******************************[/poem]

[عبدالعزيز]

هلا بجماعة الربع والنشامى
نبراس
واجلينن قايل ن ابي فلة يانصير الربوع ؟؟
وعلمن بمتسان مزرعتكم تسان به تويسات ابروح آخذ الخيمة

اليم ومحارش وعمو سلمان
خيام القاضي اسمع بهن سمع ولاشفتهن ويجيبونهن بحايل على الطلب لكنهن مايفرقن الضاهر عن الصباحيات بالتصميم وكثر الاطناب(32)
واللي انا شفت ياعيال اسم مورده تقل غلتس شوين لكن عطونن رقم القاضي (متى) ماتهية لأي منكم شوفته وانا اتصل عليه وتسان اللي عندوه له 12طنب بسسسس فهااااااااااااااااااذي اللي انا ابي

محارش احس انه هي اللي تعني لكن مسألة الخف الا والله هي اخف بالوزن (مقارنة بالصباحيات الاولااااااات) <<<<وارثين الصباحيات ورث
واما السعر فهي على ماقلت لاني اخبر راعيه طرى هالالفين وخمس وحول للـ5×9(بتله شوين عنك )
ان حصل لك يالطربة شف حدى ارقام اللي يبيعونه وانشدهم لي عن الـ4×6 كم قيمته وعلمن قبل عشان امهد له عند شبة القدس هالرزلين خصوصا عند هكا اللي يعمرون منهم وان ماشروه ابطلع من الشبة

عمو سلمان
الخلفات اللي ماهن خلفاتك اخبرهن والله
راع الملح منهن بصالة الجفالي والوضح بصالات الناغي والفحول اطيبهن راعه عند عبداللطيف جميل
و وليه مااطلع ياعمي؟؟
والله ياطلعة.ن بدوار الساعة وطقة الخيمة بوه انه اصرف من طعوس شرقيتك هاللي مابه الاطوابز الببسي وجوالين الشل سوبر وخلفاتك هاللي مايلقن من العيشة غير القراطيس وانت وسودانيك هكاللي متسحل.ن وجهه وطالعة.ن اسلاكوه بينهن

أخبر القاضي (على الوصف) واخبر الصباحيات ولو انا منحد على التفصيل بوه ياعمي مصنع توافق بالرياض سبق اني فصلت عنده خيام لهالحين يكرفن ومواصفاتهن وجودة اشرعتهن عالية صراحة لكني راغب العمودين وهالنوع اللي انا مدري وش اسموه بالذات للاسباب اللي قلت

تسلم ياعمو وماقصرت والله

اليم
ام حمار هذي هي قريبة لكن ياخوي ماااااااش .. شي.ن فايعينن بوه هالقصمان ينعاف مانبيه
وبعدين حقت نوم وبس هاذي ماهي فيدت جلسة بوسطه ومعاميل الطبخ بشنقه وفرش النوم بشنقه الثاني خصوصاً لاصارت تهثل وانت اما حول الشرى ولا بالمختلف ومعك خبول.ن حوايل فاضين تحطهم على يمناك وتمشي باثرهم تطق لهم بصبع

[المخاوي]

بوه لوه خيمتن عندنا من هالسنين منا خفه يطير به شيخ الذبان واطنابه حول ذكرك

اول ماطلعنابه لهالنفود وبنيناه ليامار تشوف الشمس من وراه بس انه زينه يعني وانت داخل بوسطه عدك جالسن لك بمشراق

واسم هالشركه اللي يبيعون هالخيام شركة ( سليمكو لبيع الخيام ) وموقعها بهالشرقيه تسان تبي من هالنوعيه نبي نبحث لك عن رقمهم :wink:

[ابو غازي]

[align=center]

[poem=font="Simplified Arabic,5,black,normal,normal" bkcolor="white" bkimage="backgrounds/17.gif" border="outset,10,gray" type=0 line=0 align=center use=ex num="0,black"]
مشاء الله اقول الشمس منينهي طالعة اليوم..
عبدالعزيز انت وين والخيام وين ...
يعني اني راعي بر وراعي... مكشات الله ...الله.
اقول شوي وتنشد عن الخلفات وبيوت الشعر ..
اقول خلك الله يسلمك من سوبرمركت الراية وجاي
دوار الملعب ان ابعدت يالغالي .....
[/poem]

:Goodstar:

عزوز

يامل زوال النملة ..... صايرن لك كنحان بعد إنت وخشــــــــــتك

اقول لاتدلي تنافخ علينا تسنك ..... إســـــــــــــــمع كلام عمك النبهان احسن لك لا ...... :32_f:[/align]

[مناكد]

بالخير يابو سعود...

الليله حصلت هالدعايه بجريدة المبوبه...قلت بس هذا اللي يبي عزوز...



رابط الصوره: http://shmmr.net/vb/uploader.php?file=TENTS.jpg


الا يابو سعود إنت حصلت رقم القاضي وإلا أدوره لك...


.