[align=center]يقول خضير الصعيليك يمدح محمد العبدالله بمغزى له يم هالشمال:
[poem=font="Simplified Arabic,5,orange,normal,normal" bkcolor="black" bkimage="" border="double,4,gray" type=1 line=0 align=center use=ex num="0,black"]
حر شلع من راس برزان واعتلى=طلعه بعيد وجاك للصيد عاير
شاف العلف بأطراف ابا القير واحتدى=واودع جول الخلب بريشه نثاير
خم الكبير وادلى على الطير والعلف=ادلى على خلب سمين الفقاير
من عقب ماتشرف على الحرب كله=يسمع مناجيهم مشير وشاير
عقب الحرايب قشّعوهن مع الدجى=وكل توسحل فطّره راح ناير
اوثب عليهم عقب ماقاد مالهم=وخلى عجاج الخيل بالجو طاير
وخلى رزيز الماطري فوق نزلهم=رزيز مزن باول الوسم صاير
جاهم هديب مكلف الزمل بالسرا=حر تعلاّ بالجناحين طاير
يشعث بنواف من الصبح الى المسا=والبيق هو وغبير راحوا كساير
وفلان هو وفلان ومالم شمله=يشرب ملاح ويسري الليل ناير
من حاربه لو هو ورا ساحل البحر=يمسي بكبده موقدات السعاير
من خوف دمام يدير بيوتهم=يضيق نزله والعذارى غراير
زيزومهم محمد زيزوم سربه=شيخ عنيد وشمر له ظهاير
يسحم عليهم فوق شقرا محجله=تشبح بها شول على البوش عاير
خطير من زومه تكسر عنانه=من شلعها لليمنى عليها خطاير
ياكافي السيّاه يادافع البلا=ترفع عنه كل الأمور الضراير
لا قايله كذب ولا لي بالمرا=ولانا على طمعات الزمان داير
مار الثنا راعيه يشكر بالثنا=ويستاهل التمديح عز الظهاير
وخلاف ذا ياراكب صيعريه=تقطع فيافي طاير فوق طاير
يلفن لصيوان وبيت ومختصر=وخيام تلقى بها شيوخ ذخاير
تلقى شبيه سهيل الى جيت بينهم=الى جيت يقفن بك عيون حراير
لله يامير الله يفكك من البلا=يافرحت المضهود الى جاك ناير
يامير ياسيل وطى العلو والسهل=تلقى مداهيجه بها الورد صاير
يامير يانجم تهلفى من السما=مودع شخانيب الوعاير كساير
يامير يازيزوم من طبوا الوطا=والى ادبرت شهب السنين العساير
يامير ياهدّاج الى زاد ورده=الجم يزمي من غميق الحفاير
يامير ياما اعطيت من شمّخ الذرا=كبار الجماجم مطبقات الحراير
يامير يامعيش المساكين كله=ويشبع بمذراتك طفال القصاير[/poem]
فلان هو وفلان : شيوخ بهالشمال
وسلامتكــم ...[/align]
رد مع اقتباس
مجاويز ياحتسي
المفضلات