وداعيه

**--(برق النفود)-** · 02-10-2004 22:45

السلام عليكم ورحمة الله وبركاته
اخيرا اقدر اقول وداعيه مع السلامه باي باي( سايو نارا)<<< الكلمه هذي بلغة اهل هونق كونق اسالوا واذا ماهو صحيح صفقوني ( )
اخواني واعزائي اعضاء فلة الحجاج
يامن تحملتم الامرين لتحقيق اهداف حضرات نفوسكم <<< بدا العجن
ابشركم اني صرت الحين نعم نعم لكد تكرجت
يعني الحين تقدرون تقولون صار معنا واحد خريج
وبما اني تخرجت اصبح من الواجب ان اغادر مدينه عشت بها ثلاثة سنوات
ياسبحان الله العظيم ثلاث سنوات مرت وكأنه ثلاثة ايام يالله رحمتك
ثلاث سنوات ماعرفت غير السربته وقله الاشغال من نفود لشعيب ومن شعيب لاستراحه ومن استراحه لقيله وهكذا وفجاءه تخرجت
عاد هاه الحين كاتبن الموضوع ابي اودع هالديره
مع السلامه يا ديرتن عشت بك ثلا ث سنين
- مع السلامه يا برق النفود
هلابك هلا والله سلميلي على بناتك كل ابوهن الشماليات والشرقيات والجنوبيات وخصّي من الجنوبيات الشنان والغربيات
- يبلغ يا بعد حيي انت هالوجه
الله يلمتس
- تكفى لا تقطعنا
ابشري
- كل ماحصلك فرصه مرنا
خلاص يابنت الحلال روحي بس
- ناقص عليك شي يا الغالي
لله سلامتس ما ابي شي فارقي عاد
- يا ولد اخاف ناقص عليك شي ومستحي
يا بنت الحلال اذلفي عاد تريك طولتيه عاد
- أأأأ....
قطعتن وخسوه يالله اقلبي وجهتس
اعوذ بالله لا احد يعطي حايل وجه يالربع تروه نشبه اعووووووذ بالله مابغت تولي

عاد نرجع لموضوعنا مثل ما قلت لكم يالربع انا تخرجت
على فكره ( اشكر من كل صميم قلبي كل الاخوان الذي قاموا بمتابعتي والاتصال علي سواء هاتفيا
او تلفونيا او جواليا اوبريديا مع اني ما ادري وش السالفه مدري وشهم لاقينن بي لا تشخيص مثل العالم (( طالع الصوره تحت الاسم )) وا النظارات امهات خمسة اريل (( طالع الصوره ايضا ))
والوجه ما يساعد (( لا تطالع الصوره )) الف شكر لأحبائي يعطيكم العافيه ما انتم الا على اجر ) واللي يبي رقم حساب للصدقات يدق علي
اووووووووووووووف
وصلنا يوم اني تخرجت عاد مهو تخرجت وانا ازيد عدد العاطلين عن العمل ببيتنا
وماسك طابور التوضيف اللي ما يتحرك ابد ( مثل طريق الملك فهد الساعه 2 الظهر )
وصرتمع القوى الكبرى اللي اسمه البطاله
تعريف البطاله : هم مجموعة من السلنتح معهم شهادات ولا لقوا وضايف
يا اخواني الاعزاء ابي انقطع عنكم ياما يرزقنا الله بلنا وضيفة ننذخ به عند الرجال
واتمنى ان يغير اللقب من سنعوسي ساخر الى سنعوسي يبحث عن وظيفه
هذا وسبحان الله العظيم استغفره واتوب اليه
والسلام عليكم ورحمة الله وبركاته
بطحا بطحا واحد راكب للبطحا

**شنقل** · 02-10-2004 22:52

محجوز

لي نكسه

شكريااااااااااات
عشيرك شنقل
زعيم فلة الحجاج

**سالم** · 02-10-2004 23:41

[align=center]اهلين برق
الف مبروك التخرج يالغالي

بس .. خذ لك اجازه
و انكس لنا ترا محتاجين لمواضيعك الحلوه

ماننحرم ياغالي [/align]

**الشبث** · 03-10-2004 01:39

[align=center]هلا وغلا بالكاتب الكبير برق النفود

ياخوي حنا ماصدقنا انك تجي تبي تروح

ابد مانسمحلك مره

برق لا لا لا تقول انك تخرجت

ته ته ته ( بتسوه )

الله يعينك حسبي الله على اللي كان السبب

بس هذي حال الدنيا خبر زين وخبر شين

اخوي برق لا تطول بغيابك فنحن بانتظار كتاباتك الجميله

والله يوفقك دنيا واخره

وتقلد تحيتي[/align]

**شموخ** · 03-10-2004 02:59

ياخوي كان رسبت نفسك

الحقيقه اتمنى من الله العلي القدير ان يرزقك بالوظيفه المناسبه ويوفقك " شفنى دعيت لك وعلينا مطر " الحذيه من أول راتب اذا استجيبت دعوتى

تحياتي لك
اختك
شموخ

**شنقل** · 03-10-2004 16:23

[align=center]برق النفود

الف مبروك التخرج

وياعله خير

بس يافلان لاتقاطع

وتسانه على الوظيفه ابشر بعزك
ارسل لي مؤهلاتك وشهاداتك على الخاص
اذا هذي تناسب الوظيفه اللي عندي
وابحاول غديك تنشب
انا ماوعدك بشي بس احاول لك

شكريااااااااااات
عشيرك شنقل
زعيم فلة الحجاج[/align]

**راعي الوقيد** · 03-10-2004 16:45

افااا يالبــرق

ماهـــــــي خــــوش خاتمـــــــــــه

لالا ازعلتن << لا تحاول

اجل وش هالحتســـــــي اللي انت تقــول

ياحيفــه منــــــــــك والله

وش السالفــه

**الشمري محمد فهد** · 04-10-2004 00:01

[align=center]

المشاركة الأصلية كتبت بواسطة --(برق النفود)-

( سايو نارا)<<< الكلمه هذي بلغة اهل هونق كونق

اسالوا واذا ماهو صحيح صفقوني (

)

إلا أبشر بالتسطير ونا ولد ابوي

أجل سايو نارا لهل الهونغ كونغ

<< --- خبرة 3 سنين كراتين يابانية

بالبركة التخرج

وهانت يا عم

كلها 6 سنين و يعينونك بالجنوب ..

لا تقاطع

و ترا الفلة بلا فلسفتك ناقصة ملح

\/
|

على طاريه معك سلف

C ya
[/align]

**مفتاح14** · 04-10-2004 03:37

[align=center]
والله بغيت اغير العنوان من وداعيه ل(هوّنت ماهي وداعيه)

نعنبو بليس تسان كل من صار بحياته منعطف خطر ترك المضايف مابقي أحد

لا يابعد حيي خل عنك هالحتسي وكلنا نمر بمنعطفات وحفر وقلبان وبالاخير تصير سهالات

ولو انا داري انك لا تخرجت تبي تمشي وتخلينا تسان داعي عليك بالصقوط

انكس لنا لا عدمناك [/align]

**ابو غازي** · 04-10-2004 17:07

[align=center]أفا يابرق

اخرته متعطل ترهم يسمونهم ســــــــــــــــــفاتي الله يجيرك
بلاك عشــــــــيرن لطااااااااااط الفاضي دايم فاضي :0016:
والله ماتلقى الي يهدفك
مار شــــــــــــوري عليك تعال عندي بهالرمضان وأبي إفت على حنوكك
من هالشــــــــــوربان والمعكرونه هالي تقل مصراااان بساسه
هههههههههههههه

:Goodstar:

اقول يابرق
ماتبيلك نمرة ن بالجهاااااااااد ......... هالي يقالهم الفشيش :0022:
ترن خابرن لى واحدن عندوه مقضب بارود بالجهاد :0026:

تسان تبيه تره جيتك :0022:

مبروكن النجاح يافلان
[/align]