[poem=font="Simplified Arabic,4,orange,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
( مجنون الهوى )
لو بغيت اسهر بليلي واستخير = عن زمانآ بالمحبه مابتلاك
في عتيمآ لانجوم ولا سفير = وانت ماناديت من عالي سماك
كل مارفرف خفوقي للمطير = ينزعه مجنون ميت في غلاك
يوم شفتك صرت عندك مستجير = وفزلك مجنون قلبي واغتلاك
اعترف لك بالهوى توي صغير = والقدر والحظ يمشي للهلاك
اعتليت القلب واصبح لك اسير = لاتزيد جروح من جا في حماك
ياعيون الوجد قومي للمسير = وارحلي يوم الهوى توه سقاك
ياعذاب الروح وانتي له نظير = جيت يمك لوذبح نفسي جفاك
انتي اصلآ عن جميع الخلق غير = الشفا كله بقايا من حلاك
يادوى المجروح وعيون الضرير = شافته سبحان تصويرآ عطاك
بك نسيم الليل ياخذله مصير= ولك سراب الصيف يروي لك ظماك
ومع نجوم الليل لك نجم شهير = في عتيم الليل يسهر مع ضياك
ولك انا كلي بحك مستجير = لو طعنت القلب قلنا لك فداك
ياليالي وصلها دمتي بخير = يوم خلي بالوفا عانق سماك
البحر والليل وسلوك الحرير = مايملن لو تمادى في خطاك
المحبه طبعها طبع الغدير = لاتحوس الطين بالما من جفاك
لاتخلي راكد الما يسثير = خلنا بالعشق نطمح في لقاك
خل وافي حبنا وسط الضمير = يبعد المظلوم عن درب الهلاك
اسعفيني عن ظما ذاك الغرير = واسقي العطشان من معسول فاك
شربة تطفي لهيب الزمهرير = لحظة فيها روينا من شفاك
والليالي كلها تبقى بخير = يافرح مادام قلبي مانساك
وان بغيت امشي معك لحظه واطير = فز مجنون الهوى لحظة لقاك
عزام[/poem]
رد مع اقتباس
المفضلات