[align=center] احبتي الكرام اعضاء وزوار مضايف شمر
اثارني احدهم فجاءت هكذا [/align]
[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هين مادام انه كذا قلت لاباس=
هالسالفه كله دعايه وتبليس
يالخبل* ماهو ضحك او برم هلاس=
جنب قبل صبحك يحول خراميس
وينك ووين الشمري يابن محماس=
لو تجتمع انت وجميع المحاميس
اليا نويتوا ابشروا بكثر الاتعاس=
واحلامكم بالزود كله وساويس
حنا الطنايا الله رفعنا على الناس=
ما ننزل لمنزال راع الدنافيس
اليا طنينا ينعدم كل الإحساس=
نفرح بشرب الموت فرحة معاريس
حنا الطنايا نشربه شربة الكأس=
اليا انتخينا ننكس الضد تنكيس
وساع الطعون محدرة يابس الرأس=
كبار الصحون اللي خذينا النواميس
يومه بضرب السيف مع حبس الأنفاس=
ربعي خذوها وانت ربعك مفاليس
يوم أمكم تصرخ وتصفق بالأخماس=
الله من علم ٍٍ لفا به قرينيس
تاريخكم يشهد لنا بكتب قرطاس=
وتشهد لنا العقّيل قبل القراطيس
حنا الطنايا وطيبنا ماله قياس=
وافعالنا فاقت جميع المقاييس
عزٍ من الله مسسينه على ساس=
مايهزنا عصف الهوا والنسانيس
مالك بها يالخبل فرحه ونوماس=
الشمس ماضره وقيد الفوانيس
حنا الطنايا الله رفعنا على الناس=
كن البشر قسمين: ناس ...و(سناعيس)[/poem]
*لم اتعمد خدش حياء ذائقتكم الشعريه بهذه الكلمه-الخبل- الا انها جاءت هكذا ولم استطع منعها فلكم العذر وله مايستحق
.
.
.
.
.
رد مع اقتباس
المفضلات