[align=center]
الى الغالين في المضايف
متواضعة اتمنى ان تحصل على اعجاب ذائقتكم
"
"
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما أبي من قاري أبياتي هنا = غير تركيزه ,, ويحرص عـ الهدو
جيت كلي باشرح ظروف العنا =افهموا ,, ثم بعدها لاتنقدوا
ولاقريتوا مطلع جنوني (أنا) = ادعوا ان الهم يرحل للعدو [/poem]
"
"
"
()( 2 )()
"
"
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان ياما كان .. والقلب العليل اللي بصدري = لا لمح زولك خفق خفقة عن الباقي غريبة!
تنتشي عيني فرح بك وانت عن حالي مَـ تدري = حتى انا مدري ولكن! أشعر لطلتك هيبة
وتتعلّق بك عيوني لين اشوف الزول يسري=واتبعك في ناظري واقول : ياربي تجيبه؟
فزتي لك طيش؟ مدري حب؟ مدري حس فطري؟ = الوكاد انك نهبت القلب من صدري نهيبة!
يعني وش اكثر من اني لا لمحتك فز عمري؟ = وصار يوم اللي اشوفك عيد عندي واحتفي به!
يوم اشوفك,, احفظ التاريخ ميلادي وهجري = وارسم لعين المحبة قلب به سهمٍ يصيبه
و أتهجى كلمة ( ا ح ب ك ) واغنيها بشعري = واكتبك بين القوافي واتسمّى لك حبيبه
من كثر ما اسعى لوصلك , اذكر انه كان نذري = (لو يجي والله لاجي له لين اصير اقرب قريبة)
ومن عقب ذاك التمني عاضني ربي بصبري= وجيت تشكي لي جروح الود والشوق ولهيبة
نذري اوفيته.. وفي قلبك علا شاني وقدري = نلت وصلك ياحبيبي طيب.. ولابالغصيبة!
ما امداني اشربك واروي ضما روحي وعمري = ما دريت الاانت مقفي تلعن الحب وتعيبه!
كيف يقوى قلبك القاسي على صدي وهجري = وانت تدري في ليالي عمري بدونك كئيبة
من بعد عينك ترا صار البكا لـ الليل يغري = والليالي ترتدي ثوب الالم وتشق جيبه
كل دمعة تنحدر تكتب على الخدين (بدري)! = ايه بدري لاتروح القلب دونك ويش ابي به؟
باسألك وشلون تسفه قلب وانته فيه تجري = وان تدري من بعادك دقته صارت صعيبة
ان تماديت بجفاك.. بتنقل عظامي لقبري = صدتك عني تبرهن لي على ان للحظ خيبة!
أسالك بالله ان صدقت او كذّبت عذري = لاتزيد الهم في قلبٍ به جروحٍ عطيبة
آه لو تدري وش اللي دايمٍ بالبال يطري = لاطرالي قلبك وحبٍ تذكرته بطيبه؟
يختنق دمعي بعيني وقلبي اللي وسط صدري = يرتجي وصلك .. وصارت دقته دقة غريبة[/poem]
"
"
وسلامتكم
السنافية[/align]
رد مع اقتباس
مشرف مضيف الترحيب والتعارف
المفضلات