[align=center]سيرت اول هالفايت على ابو غازي مار لقيت عنده المخاوي وذيباااااااان
تريهم يبوني اكمل لهم رابع
ودق بلوت اكا الليله طبعا ابو غازي وذيبااااان مايصيرون خويا
يوم قضينا وهو ينبر مخ مخ بله كلمه قال ش رايكم يالربع نقنص .... مامداه يكمل كلمته
الا وذيبااااااان يرضخ بروحه على الطفايه ياجبهته دم قال قدام مشينا
الوكاد اتفقنا على الموعد وهو باتسر مع فجة النور نشلع
وسيلة النقل ....... جيب ابو غازي المقفص 82 وعليه له سله وهو الدليله يمشي على النجوم
مسعول العزبه مخ مخ مسعول مسعوليه تامه عن الغرضان كله
انا ياشنقل على اجيب الطير والسلوقي
ذيباااااان هذا مباري العريس حق وناسه وخوي خط على الدين الولد ونحتاجه لاخربت السياره
خبره بالسيارات وله بعض المحاولات بتوضيب مكاين القطارات
ويوم تجمعنا العيال تقل جايين لحفله تنكريه
ابو غازي كاشخ الولد ولابسن له دقله وكابسن العقال ....... عاش واقف
ومغسلن الجيب والكفرات ممسحهن بفيري
المخاوي متحيزمن بشماغه( يدور الذيخ يبي حلقه) تقل يبي يجزر له ذبيحه
ذيبااااان لابسن له وزره>>>>> يسمع يالموضه
انا يامحاتسيكم حازمن روحي بلي جنز والشعر يقطر من الجل>>> مابقى الا يختم جوازه
تعلن خطوط فلة الحجاج عن اقلاع رحلتها رقم 385 والمتجهه بمشيئه الله الى الربع الخالي
على الركاب الاعزاء البقاء بمقاعدهم وربط الاحزمه متمنين لهم رحله سعيده
مع تحيات الكابتن ابو غازي
وهو يقول بنا ابو غازي>>>>> وحنا نثكب>>>>> ثكبة عين جدي
مخ مخ داقسن بين الشناط له شخير
وانا قاعدن اداعب طيري ولاهان السلوقي
وابو غازي زي العاده مخانق وهو ذيبان واحدن يقول يمين واحدن يقول يسار
وذيباان رد عليه سق بس سق
ابو غازي قال يالربع انا قارصن قلبي عسى مانسيتوا شي
قلنا بصوت واحد لاااااااااااااا
قال وجعاااااااااااااااااااااا مداعبه من ابو غازي امحق مداعبه
الوكاد وصلنا للربع الخالي عقب طلعة الروح بعد عشر ساعات ممشا
وعاد احسبو كم كيلو بعشر ساعات بالنفود
وعلى ماوقفنا وانا اطبح الا الحبارى تدورج قدامي وانا اهد الطير ( هو طير حر بس متربي مع دجاج)
وعلى وجهه شفتكم ولا شفته
وانا اطلق السلوقي بثره وهو يكفخ من عندي تقل لومينا ss اللون فضي اللوحه م ع د 549
والسلوقي مولع الفلشر يشربك
انواع الاستفهامات والعقد تقل بشارع نادك اللي بالسلي ( الرياض)
وعلى اكا الخشه
وانا ارجع لخوياي بخفي حنين (الا حنين منهو)
وهو ينشد ابو غازي
طيري غدا والسلوقي راح لا واحلولاتي ياطيري>>>>> اتشت معي
ابضيع السالفهيالله نزلوا العزبه
فتحنا شنطة ابو غازي الا به بشت( ليه تبي تخطب) وصبغة شعر (غزاه الشيب) وثوبين الدفه
يمار المخاوي شنطته ام سحاب اللي عليه صورة طياره ومكتوب عليه رحله سعيده
مخ مخ ماوده بفتحت الشنطه وحننا نثر قشه ولقينا به شرطان بلايستيشن2 وبطاقة انترنت وجوازه
ونعول حمام
فيدان ذيبااااان شنطته مليانتن صواميل واشتراك سياره وسكاريب ووجيه مكينه
وهم يجون يبون يقتحون شنطتي قلت معصي محد يقرب له
وانا اهرب به
وهم يتقامزون وراي تقل ذيبابه
اطرحوا شنقل
وانا اقمز فوق الطعس وانا اتزغلب وهم يجون وراي لهم وشيش
وهم يعيبدون بالشنطه
وهم يطلعون حبوب
حبوب كيرم
وعيدان اسنان وصورة اخوي شمقل وفواتير كهرب وهيلا هب اصفرحق وغدان
مادري من حطه بشنطتي
وحنا نتجضع بظلال الجيب
الخيمه مامن خيمه نساه البايه مخ مخ
وهو يصيح ابوغازي عطونن ماء
وهو يشهق مخ مخ اويطي اوخذنا
قال ابو غازي وش بلاك
قال انت ملزم
الا مخ مخ يتلون وجهه
قال ابو غازي ماذا انت مهبب
قال انا جبت معي اربعه مويه صغيره
وهو يلخه ابو غازي ياهو يفتر
قال ااااااااه اهلتستنا يا مخ مخ
الحين مامن ماء ولاحولنا والي
ذيباااااان يغرد خارج السرب مادري
يوم سمع صياح ابو غازي تقعطل ( عجز عن الحركه)
قال يحلولات من شاف الهوز موبيل قبل يفطس
انا مستويتن عندي من يوم يغدي طيري والسلوقي بايعه بجلخ بصله
وحنا نتسفت على الجيب ونفتح كبوته نبي ماء المساحات يمار ماطبه الماء له سنين
وهو يجي المقرود ذيبااااااان وهو يفتح الرديتر وهو يثور الماء بوجهه
وهو يغدي وجهه تقل مجاغف خبلن بالنفود
ووخذنا الحين ويشلون يشتغل الجيب والرديتر مابه ماء
باءت جميع محاولاتنا بالفشل الذريع
ويجي ذيباااان وهو يجدع وزرته ويحطه فوق اكا الشجيرات وهو يندعس بظليله
واجهته راحت وطي مايبطي ويدقس
بلغ منا العطش والجوع مبلغه
ذيبااااااااااان طب الفيضه وهو يغني
يامل قلبن دابلن تسبد راعيه
قلت ونت بك حيل تغني
وهو ينطق مخ مخ قال ياملا الفشاش انتم بكم حيل تنطقون
وهو يصوت لي انا ومخ مخ ابو غازي
قال يالربع عند الضروره تحل المحرمات
قلنا ايوه
وحنا ذبحنا العطش والجوع
قلنا ايوه
قال وش رايكم بالمحموس
قلت انا ودي بمندي
قال مخ مخ انا ودي بمفطح
قال ابشروا بالخير
قلنا وينه
قال اذاك هو اللي منجضع بظلال الوزره
قلنا ذيباااااان
قال ايه نبي نتغداه
قلنا بس واجهته معدومه قال ماعليكم راسه نشلوطه
قلنا تم
وحنا نلتفت على ذويبااااااااااان يويسي
اتريه يسمعنا وهو يصيح اكا الصيحه اللي تقعد الميت
وهو ياخذ هذا وجهه
وحنا بثره نطابتسه
حدوا ذويباااااان اطرحوه
وهو يطير عن رحمه الله تقل قارصه له داب
وراك وراك ياذويباااااااااان (400متر تتابع)
انا ومخ مخ لزيناه عنده نتخطف وزرته
ابو غازي ورانا يالله نقطع عليه
يوم فطنا الا اكا الوايت قدامنا وعنده له غنم
وحنا نعطيه الدعسه الثانيه
ونمر لك ذيبااااااان تقل صواريخ توماهوك وابو غازي قدامنا (ينطل على الكتاف)
وذيبااااااان خليناه ورانا
الا والله الغنم متكومتن عند له حوض وتشرب من الماء
وننتواقع بالحوض
اااااااااااااااه ياربي يازين الحياه
وحنا بغينا ناكل ذيبااااااااااااان
وهو يسفط علينا اكا الشبهه عليه له جيب شاص
قال وخروا عن الحوض خلوا الغنم تشرب
قلنا الا والله تبطي توكل
قال هذا حوضي وهذي غنمي
قال انتم منهم
قلت انا شنقل وهذولا خوياي
قال انا الشبث
قلنا وصلنا لاهلنا
قال بس بشرط
قلنا اشرط منهانا ليا باتسر بس تقعلنا لهلنا
قال راعيي ماجت فيزته للحين
ابيكم ترعون بالغنم وترضعون الصخول وتكبون لهن علف مدة شهر
قلنا تم بس تودينا بس نبي برد القاع والعيشه
ورعينا عند الشبث شهر وعقب شهر وهو يودينا لهلنا
ياعل ماعاد هالقنصه
شكرياااااااااااااااات
شنقل عشير كم
رد مع اقتباس
مشرف مضيف الترحيب والتعارف
ياخوي ياكبر يد ابو غازي تكل يد افغاني عساه ماتمر عليك 
والا حنا مانبي هالمقرود بس انا تخيلناوه مندي بحزته ولادرينا انوه ذيبان 
تصدق من شفت اسموه هقيت انوه يبي يلعوزنا دايمن وهو غاصن بحلوقنا 
[/align]
المشاركة الأصلية كتبت بواسطة شنقل
المفضلات