فزعتكم يالسنعات

[هـــلا]

[align=center]أبي طريقة حلى سريعة

وتكون مقاديرة من المتوفرة دائماً بالبيت

وياليت لو يكون شكله حلو [/align]

[بو رائد]

اخت هلا والله احسب بوه (خنقه) وسليت القناه ليه ماقلتي
فزعتكن لازم به نون النسوة لكن حصل خير وخوياتك مايقصرن
واسفين على العجله ربع عمرنا جنوب مسامحه

[هـــلا]

[align=center]بورائد
مرة ثانية تنحنح قبل تدخل

بعدين العنوان يقول يالسنعات <<< جمع تكسير

والله مدري هو تكسير وإلا تجبير المهم الصيغة موحهة للبنات (باللهجة العامية)[/align]

[مجموعة إنسان]

.

[align=center]هلا والله وغلا

لازم تحددين لنا نوع الحلا اللي تبينه ؟

يعني حلى قهوة أو حلا سفرة ؟؟

أنتظر التحديد منك وتبشرين بالفزعه من إختك

لي عودة بإذن الله[/align]
.

[ديمــــه]

[align=center]يعني حلى قهوة أو حلا سفرة ؟؟

لي عوده[/align]

[هـــلا]

[align=center] حلى قهوة يا حلوات [/align]

[مجموعة إنسان]

[align=center] حلى قهوة يا حلوات [/align]

[align=center]8
8

إيه قولي كذا من الأول ياشيخه

أبشري والله

لكن اللي فهمته إنك تبين حلى سريــــــــع ومقاديره متوفرة دوماً بالمطبخ


خذي هذا حلى إذا بلشت وباقي نصف ساعه على جيّة الزورا سويته بعشر دقايق



إسمه :

عش العصفور

مقاديره + الطريقه : << ماعندها وقت

علبتين بسكوت شاي مطحون ناعم
ملعقتين جوز هند

تخلطينهم مع بعض

وبعدين تعملين توفي ( كوب سكر يحرق على نار هاديه + علبة قشطه تضاف على دفعات له)

وبعد مايخلص التوفي وإنتبهي لايحترق معاك

أضيفيه على البسكوت وجوز الهند

إعجني الخليط ثم قطعيه الى كور حسب الرغبه (يفضّل يكون حجم الكورة صغير)

صفّي الكور بصينيه واضغطي بشئ مدبب أو طرف اصبعك على كل كورة لين تصير فيها حفرة

وبعدين صبّي في كل حفرة (شوكلاتة جالكسي مذوّبه على النار)


ودخليهم بالثلاجه ..


وصحه وعافيه،[/align]

.

[هـــلا]

[align=center]مجموعة إنسان أنتي

للحين ماسويته بس أتخيل طعمة جناااااااااااان

الله يعطيك العافية غاليتي

غاليتي ديمة لاتنسين تعطيني طريقة حلى غير اللي جابته لي مجموعة إنسان

أبي أسوي لأهلي اليوم خلهم يستانسون فيني يقولون بنتنا سنعة تسوي الحلى بثواني




[/align]

[تركواز]

[align=center]

هاي عسولات

يعطيكي العافية مجموعة على الحلى

ذكريني اقولك على توفي احلى و اسهل و اسرع


هلا والله و غلا عندي حلى سهل جدا و لذيذ

----

حلى البف باستري


المقادير عجينة البف باستري المربعات الصغيرة (كيس واحد )

الحشوة


جبن كيري 6 قطع


مغلف واحد كريم كرامل

علبة قشطة


---------

الطريقة

قطعي العجينة مثلثات يعي كل مربع اقسميه اثنين بحيث يعطيك مثلثين .

و ادهنيها بزبدة و رصيها بصينية و حطيها بالفرن

راح تنفش و تحمر من الوجهين


طلعيها و تكونين حاطة باقي المقادير ( القشطة و الكريم كارميل و الكيري بالخلاط )

تصيرين تفتحينها من النص و تحشينها مثل السندويش ( بس انتبهي ماتفتحينها للاخر )

و بعدين رشي عليها سكر مطحون و بالف عافية

و لاتنسين من دعوة صالحة اختي [/align]

[هـــلا]

[align=center] تركواز

تسلمين لي غاليتي

هذا حنا نسمية (( قُلاش )) <<<< مسمى حجازي

ولا نسوية غير برمضان

<<< عندنا عادات غريبة

حلويات معينة بس لرمضان ولو أشوفها بغير رمضان أحس بإساس الصوم ورمضان

جزاك الله ألف خير ياحلوة[/align]