[poet font="Simplified Arabic,5,darkred,normal,normal" bkcolor="transparent" bkimage="backgrounds/19.gif" border="groove,3,gray" type=2 line=200% align=center use=ex length=0 char="" num="0,black" filter=""]
.......مواجعنـــــــا .........
***
تضــج بهالجســد هيبــة مواجعنا ونتألــّم
ويسبقنا ألــم روح ٍ خطاها من مطامعنــا
نلـم أرواحنا بين الخضـوع ودعـوة المسلم
عسى نور الـدُعا يشفع ورب الكـون يسمعنا
بشـر ..\.. ياما خطينا .. الخطا وارد ونتعلّــم
لأن ( اللــّه ) خالقنا طـِـهـر والديـن وازعنا
محـد منــّا تبع درب الهروج ولاقــدر يظلم
ولايمكن يكون الظلم نسخــه من طبايعنا
أحد يمكن وهـب نفسه ( قضية حــق ) واتكلـّم
وبـَعـض الحق مايلقـا أحـد يستوعــب المعنــى
كثير اللي رخص قيمة كلامه حِـسّـه المُـظلم
قليل اللي حكى اشرق حضوره في مسامعنا
ضعيف النفس ماكنــّه أبــد صـلّى ولاسلّــم
ذليل الدرب ماتقوى شياطينــه تضيّعنــا
عزيز الروح مايترك قناعاتــه وهو يعلـــم
بأن الروح في ظل القناعه كنز يرفعنــا
يبوح القلب واوجاعه من الآآآآهات ماتسلــم
ونبني للتفــاؤل والأمـل احساس يدفعنـــا
نبي نكتب ونتبادل أحاديث الورق للحلـم
نبي نرسم جنونك يالقــلم ويفيــض اروعنــا
نبــي نستر جروحك يالزمان القاسي \ المؤلــم
تبعثـرنا أماني هالعمــر والشـوق يجمعنــــا
محد منــــّا كســـر شوكة هواه واسْـتمـر يحلم
لأن الحلـــم لايصبح حقيقـــه ضمـن واقعنـــا
تضــج بهالجســد رهبــة مواجعنا ونستسلـــم
لــ رب ٍ نرتجــي عفـــوه وغفرانه .. ومرجعنـــا
نلـم أرواحنا بين الخضـوع ودعـوة المسلم
عسى نور الـدُعا يشفع
ورب الكـون يسمعنا
[/poet]
رد مع اقتباس
مشرف مضيف الترحيب والتعارف
المفضلات