[align=center]الشعر عذر الاحباب للاحباب
بعد الغياب
اهدي كل قلب خضر هذي (المليحه) :[/align]
[align=center]
.
.
.
.الاهــــداء :
لـــــــــــــــ روح :
خميـــــس الاسلـــــــمي
.
.
.
.
[/align]
[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
على تضاريس الورق ما مل هالحبر العدي = الياانتفض خلف الضلوع العوج همي واستقام
هذا قنيبه ماهجــد ليله ولاضيّع جدي = مادامني من لمة احزاني اعيش بــ اهتمام
ضاقت بي الاربع وهي اربع وانا بس وحدي = وفليتها بالخامسه شعر وسلام الله سلام :
على خميس.الخيل. والصولات . والـسيف الندي = والشعر والقلب الخضر والغيم وعلوم الغمام
والعشق. ورموش الصبايا العكش والطعن اجودي = لامال واورق فالدما غصن ابجديات الغرام
يالاسلمي والقلب ماهو بالحنايا مهتدي = ضل ايسر ضلوعه بتنهيدة شرايينه وحام
واللي لها بساطي من ضلوعي خفوقٍ احمدي = فرشت لعيوني بضفة ثغرها برد وسلام
لايامهاضحيت بالمسرى وتنهيدي فدي = وكنيتها عشبٍ تشعب في دهاليز العظام
على ضفاف اعذوبة الكلمات صرت المعتدي = على سلال السلم فالضحكات لا طار الحمام
علمتها كيف انتشاء الطيب فالليل الردي = وكيف العبث بــ ايامنا رغمٍ عن نقاط النظام
وودعتها في دمعة النسيان والعمر يحدي = على ثلاثيني وانا وضعي على ما لا يرام
على غفاة الجرح ماطحت من عين وعدي = قنبت فوق رجوم ليلي للغرام بــ احترام :
الدرب هذا لا ورب البيت ماهو بــ بعدي = تليتها يوم المسافه: عشب. والنيه حمام
والليل بارد. والسهر دافي . ودربي جرهدي = وانا الشفوق لطوية القيعان والدعوى غرام
والعمر يابس له عمر. والدرب يومي بــ بردي = والعصر ذا عصر الربوع وبكرا ماعندي دوام
كم لي وانا اسلم على الدنيا اذا الشوق يعدي = اليا تواجهنا ووجهنا على الدنيا السلام
يالاسلمي: (قل للمليحة في الخمار الاسودي = اني تعبت من المسا والجرح وشعور الهيام
وخبرها تكفى عن بياض الطيش فــركاب جهدي = كل ماسرابي جرحي المعهود واوضاعي تمام
عطيتها قلبي وما مده وما مدة يدي = يوم الليال ركابها وضح النقا والشوف هام
ملت سنيني من طعون الدرب تبكي بجسدي = (لــ استعذبوا ضيعة جداي )بدربي طيور الظلام
هوجست واوجس بالضلوع اوجاع رمحٍ سرمدي = من سلهمة دربٍ كأنه طفل بعيونه كلام
(هذي جروحي هزها ماتهزها) ياسيدي = فمجرد تطري الحسنااااااااااااااء رَاوِيْةْ القوام
ناظر طعون ايامها وشلون سوت بسعدي = متمركيه بــ ايسر ضلوع الحزن ماودها تنام
اللي خذتني من عيون الناس وحدود بلدي = من يومها وآنا الى هالحين عَلَّي الحرام:
عايش كذا ياصاحبي . حبر . ومساحات . وعدي = الجرح يستاهل واردى اوراقي اعرفها كرام
تعبت وادمتني سنين العمر واهدتني نكدي = بكبر على دربي وابكبر في عيون اسمي وانام
وقل للمليحة في الخمار الاسودي ياسيدي = الى هنا يكفي بلاش : اشواق ودروب وغرام
[/poem]
[align=center]كلي : لكل من مرني هنا[/align]
رد مع اقتباس
مشرف مضيف الترحيب والتعارف
المفضلات