غــزليات للشاعر الأحسائي ..
[align=center]
محمـــــد بن مسلـــم الأحســـائـــــي ، شــاعــــر من اهل الأحســاء ، له عـــدة قصـائــــد غــــزليـــــة جميـــلة ، ومن بيــن هــذهـ القصــائــــد ؛ القصيـــــدتيــــن التــاليتيـــــن :-
يقـــول:[/align][poem=font="Simplified Arabic,5,black,normal,normal" bkcolor="orange" bkimage="" border="double,4,gray" type=0 line=0 align=center use=ex num="0,black"]
غـــروٍ على خده نبات الحيا ذاب=وبكوثرٍ ثغره نبات الجناديب
قلبي تولع به وانا جاهلٍ شاب=حتى كبرت وصرت من حسبة الشيِّب
انا إن طلبته حبــةٍ قال ماناب=وانا إن غصبته مشّها بالجلاليب
ما هوب سالي عن ودادي ولاناب=سالي من اوداد المحبه تعاذيب
لو غاب شخصه عن نظيري فلا غاب=طاريه عن بالي وانا عنه ما غاب
اطرب واغني له وإلى جبت له جاب=عذب السجايا في الهوى مثل ما جيب
قالوا من انت وقلت ضيفٍ ورى الباب=جنّ الدجا به ما لقى له معازيب
نجلٍ إلى لجلج بهن اوضح الناب= اصير كما الجني إلى وافق الذيب[/poem]
[align=center]ويقــــول في أخــرى عندما دخل السوق ـ سوق الثلاثاء بالحساء ، وسوق السبت ببقيقـ فوجد جماعة متزاحمين فسأل عن السبب فقيل له إذهب وتحقق ، فلما نظر رأى إمــرأة من الباديــة جميلــة المنظــر ، فعــذر عنــدئــذ المــزدحميــــن وقال هـــذهـ الأبيات :[/align]
[poem=font="Simplified Arabic,5,blue,normal,normal" bkcolor="orange" bkimage="" border="groove,4,gray" type=0 line=0 align=center use=ex num="0,black"]
اسباب ماهيّض ضميــري وهاجــه= صبـح الثلاثاء والبوادي يدوجون
لقيت غـروٍ يشتري له حواجه= ويلا عليه الناس وقف يضولون
سألت وش هالضول قالوا تواجه= وقِّـف وشف بعيونـك اللي يشــوفون
فن كان مالك في هوى البيض حاجه= فإضـرب سبيلك وخل فاتن ومفتون
بغيـت اسير وصـرت قضّاي حاجه= نفـسٍ توزِّيني ملاثيـم وعيـون
وجْـدك على من لاتنوشه سماجــه = مايشتهـي الفتنه فتى كود مجنون
قمت اتهايق شفت مثل السراجه= غـروٍ حجاجه باحمـر الموت مقرون
إذا هرج هرجه يجي به غناجـه =يحيون من عنجـه ومـرٍ يموتون
هـرجه قروضات تقل في حجاجه=قوسٍ يجر ووقينتين يدفون
قوسـة جبينـه والوتـر في حجاجه=وعيونه اللي بالمقادير يرمون
بين إعتداله لا مشى وإنعــواجه=غصـن يميل وحرمتين يشيلون
قلبي جٍرحتـه وإبتصـرفي علاجه=عسى جروحه من علاجك يطيبون
وش ذا التمخطـر والتعـب والدواجه= تجوز منها فالبدو عيشهم هــون
تلبس ملابيس البهـي البهاجـه=عن ذا الوساخـه ما تغسّل بصابـون
تشرب من الماء بارد في زجاجه =في روشــن عن واهج القيظ مصيون
او من وهو مسرور واطرب مزاجه=ياهيه وين اذنيك اللي يتوحون
حلفت لو اعطى الحسا مع خراجه= عليّ بيبان الحضر ما يصكون
عندي احبّ من القرع مع دجاجه = هيــمٍ مجاهيــــمٍ بالأقفار يرعـون
واحب من لبس العبي والعلاجه =شاويـةٍ شقرا بها الشـوك مدفون
كلٍ يدوِّر عينته في زواجه =فالبدو ما للحضـر يوم يعـرفـون[/poem]
[align=center]
هنا وكأن بالشاعــر يتمثل بقصيدة عبدالله بن رشيد يوم يقول :
الحيضري ما يستوي كود ببلاد ** والبيدوي ما هو لذيذ تحضريــه
وســلامتكــــــم ...[/align]
رد مع اقتباس
المفضلات