[align=center]
تحفة شعرية من روائع الشاعر " عبد الله الدواس "
،،،
،،
،
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش فيك ياقلبي من الشعر مستاء...=وأنت إن كتبت أشعلت( بطويق ) ( وسواج )
ياقلب من عقب ( الألف ) مالنا ( ياء )...=عونك وأنا لك والقلم نور وسراج
آمنت بك يارب ( مكة ) ( وسيناء )...=يارب هب لي من لدن عطفك إفراج
عبدك ولد عبدك ولا اعبد الأهواء...=واسجد لوجهك لو طغت فوقي أمواج
لجئت لك باأعظم صفاتك والأسماء...=هبني رزين العقل عن كل منعاج
ومن صوب من شدت علي هد الأضواء...=ماعاد فيني حيل سلهام وغناج
بنتٍ تسريني على كيف متشاء...=ترسل سكاكين الجفا فرد وأزواج
أواه يااقرب لي من ( النون ) ( للهاء )...=وابعد علي من بعد لندن للافلاج
أنا وهي والقلب في شد وإرخاء...=أجي تصد أصد تلحقني أفواج
ماكن بحروف الهجاء غير هـ ( اللاء )...=وأنا على عرش الغنا بس محتاج
تجي كذا ضوضاء وتروح ضوضاء...=ماعندها باالحب مله ومنهاج
قلبي هجير الشمس ووصالها ماء...=وحلمي مثل حلم الفقيرة وهي تاج
أفدا دلعها لابغت تنطق الراء...=وأفدا صباحٍ مالعب فيه مكياج
وأفدا شروق الشمس بين أربع أشياء...=العين والشفه وخدين وحجاج
تموت فيني لاأسمعت مني إطراء...=والخد يعلن للدماء ( حالة إحراج )
برموشها دواءٍ وبعيونها داء...=فتنه ورب البيت تأليف وإخراج
تمرني بااسم الغلا ( موجز أنباء )...=من دونها غير الحرس سور وأبراج
كل مااتحدى لوصالها سوء الأجواء...=وكل مالمحت النور من ثغر ينباج
وكل ماشعرت إني على حد ميناء...=وكل مابغيت أروى من الريق ثجاج
تقول وضعي يابعد خافقي ساء...=حظك مثل ( بغداد ) وآبوي ( حجاج )
يلعنك حظٍ كله أخطاء بــ أخطاء...=ويلعن دخولٍ مابقى فيه مخراج
ويلعن أبو قلبٍ وعدني ولا جاء...=ويلعنك يابابٍ طعن فيك مزلاج
تسري بي الدنيا كذا ( خبط عشواء )...=صدري ظهر ( مكه ) والأوجاع (حِجاج )
ليه أتمزق وأنتثر كلي أشلاء...=وأنتي تقضين الشعر فوق ديباج
ليه إن بغيتي شي ياصلك بـ إيماء...=تقفين من ميراج في بطن ميراج
أكبر همومك بس ( توقيع وإمضاء )...=شيك وتفتح دونه أفجاج وأفجاج
يافاهمه يادارسه ( علم الأحياء )...=هونك على حيٍ تقلب على صاج
عُذراً حياتي إنني ( حيل مستاء )...=كتبت لك وأشعلت ( بطويق ) ( وسواج )
وأكلمك من منطلق ( باب ماجاء...=في حب " ست الحسن " " للشاعر الداج ")[/poem]
،،،
،،
،
أختكم
الدهور[/align]
رد مع اقتباس
المفضلات