[align=center]قصيده للشاعر // خلف بن جزاع بن معيبي الشمري[/align]
[poet font="Simplified Arabic,4,white,normal,normal" bkcolor="transparent" bkimage="" border="double,4,gray" type=0 line=200% align=center use=ex length=0 char="" num="0,black" filter=""]
بعض الأسامي مالك الله تصلح=مثل القناة اللي يسمّون الإصلاح
إسم جميل وعكس معناه يصبح=زيف الأسامي صايرٍ رمز ووشاح
اللي بغرات الأجاويد تفضح=تزعم بنفسه للمشاكيل الإنصاح
غلطان بأفكارك ترى مانت مفلح=دوّر بداله بالهمل كل سراح
هذي شيوخ للمعادين ترزح=على العهد وافين يهدون الارواح
عند النوايب بالجناحين تلفح=ذخر الوطن لاصار به ضرب وصياح
يابن فقيه اللي بلندن تصرح=الناس ماهم بين الاصباع مسباح
واللي نهج منهجك ماظن يربح=وش جبت ؟ للشعب السعودي من أرباح
هذي قناة العار بالخزي تنضح=وانت اللئيم اللي للأنذال نباح
منبر فساد وفيه الارهاب يسبح=وأكبر دليل حمايته كفر وأشباح
ليتك تطيع اللي لك اليوم ينصح=والله ما تحتاج يالهيس لسلاح
انعم وعيّن خير بالروض وأفلح=وأقبل بدارٍ به ينادي بالإفلاح
دارٍ لأخو نوره له المدح يصلح=والشعب آمن في ذراء الحكم مرتاح
حكم الذي مضّى لياليه يكدح=عبدالعزيز اللي للأمجاد مفتاح
وخلّف حرارٍ للمهمات تنطح=ستر الوطن والضيف والجار ياطاح
والشعب بسلاح العقيده مسلّح=ماهزهزه طوفان الأنذال لو جاح
ناخذ عبر منهو بالأدغال يمرح=عقب القصور اللي بها تقام الأفراح
وختامها صلوا على خير مصلح=شفيع خلقه يوم زوغات الأرواح
[/poet]
رد مع اقتباس
المفضلات