لمضايفكم ياربعنا جـيت زوار

[ضاري]

سلام ممـزوج الخزامى والازهار ........سلام من ضاري على (النت) مرسول


سلام يا شمر هل الطيب والكار ....... عـبر الاثير انضـمن الشعر ونقول


نقول يا شمر تحـياتنا اكبار ........ ياللى لك التاريخ بالفعل مكفـول


تاريخ شمر ماعلى حرفه اغبار ....... جيلن بعد جيلن على الناس منقول


تلقى به الضيغمي صيت واخبار ....... وضاري اخو صلفه ابو سيف مسلول


والزوبعي لامن نهض سي مادار ........مثل العلم والنار ولاهوب بمجهول


لمضيافكم ياربعنا جـيت زوار ....... جيت أكحل العينين والشوق محمول


محمول في قلبي كما ضلع سنجار ....... ولا كما سلمى وآجا عرض والطول


هـذي قصيده قلتها عـبر الاقمار ........ وانا على ماقـلت ياناس مسؤول

[الاديب]

بسم الله الرحمن الرحيم
جزاك الله خير اخي ضاري وصح لسانك وننتظر منك اكثر وافضل.

[ضاري]

هلابك .. اخوي الاديب وتسلم على ردك المميز

واتمنى تقبلوني عضو جديد .. ولكم تحياتي

[غازي العلي]

الاخ ضاري

على الرحب والسعه

نحن الضيوف وانت رب المنزل

تقبل تحياتي

اخيك محارب الخيّال

[العذب]

هلا هلا تـرحـيـبة كـلها ازهار ... باللي لفانابالمحبة على طول

ضاري وهو ضاري على الضد كرار ... سبع الحراراللي بهالكود مزهزل


وعلى المحبة ,,,

[الداعيه / براك الفريسي الجربا]

تاريخ شمر ماعلى حرفه اغبار ....... جيلن بعد جيلن على الناس منقول




تسلم يا ضاري

وشكلك ضاري بالشعر

ياهلا بك بيننا ومرحبا

[عادل الشمري]

هلا و غلا


حيا الله الاخ ضاري بين ربعه و ناسه


نتشرف بوجودك معنا



و1000 شكر على هالقصيده الشامخه



تقبل تحياتي


لا عدمناك يا الغالي

[ضاري]

الاخ محارب الخيال :
تسلم يابعد روحي على هالترحيب


الاخ العذب :
الف شكر على هالترحيب صح لسانك يالغالي

الاخ براك الفريسي :
تسلم يالغالي وانا ضاري وبين ضواري

الاخ عادل الشمري :
ياعلك تسلم على ترحيبك الحار .. وفعلا انا بين ربعي وناسي

[فلاح الشمري]

هلا بسمي الذيب والناس شطار
ومثلك يعرفه فارس الكون والهول
يامرحبايانسل من شب هالنار
بيتك مضايفنامن العرض للطول

[نافع بن طواله]

يا هلا وغلا ومسهلا ومرحبا


يالله حيوه بين ربعه

ولا توقف عند هالموضوع نبي أكثر

وإنت تاريخ مشاركتك 6/1

واليوم التاريخ 21/1

ولغاية اليوم بس خمس مشاركات لأ وياليتهن مواضيع كلهن

إسمع أو إقرأ تر إسمك ضاري
تدري يعني وشو
شـــــــــــــــــــــد حيلك