[poem=font="Simplified Arabic,5,red,bold,normal" bkcolor="sienna" bkimage="backgrounds/32.gif" border="double,4,darkblue" type=2 line=0 align=center use=ex num="0,black"]
طير(ن)يرفـرف بالجناحيـن مكسـور=يبي المطير او لا قـدر مـن جناحـه
شفته مريض وصرت له مثل دكتـور=قعـدت اعالـج بـه واداوى جراحـه
خف او تنهض بالجناحيـن مسـرور=عانق بها نوض السحـاب او رياحـه
اخذلـه ايام(ن)مـع الجـو ويــدور=يضوى عليا الليل او يشعق صباحـه
وانـا اتحـرا واقف(ن)تقـل ناطـور=ماذقت لـذ النـوم ولا شفـت راحـه
اثره رجع يـم ماكر(ن)لـه ومخبـور=عاود حنينـه يـم شوفـت امراحـه
غلطه واحسبه حر من ماكر اصقـور=طبع الوفا مـع صاحبـه والصراحـه
كنت احسب انى عارف(ن)سبع الابحور=واليا دخلت البحـر اعـرف السباحـه
مسكين ما عرف السراحه من الـزور=وحيد بارض(ن)خاليه وسـط واحـه
فكرى قديم(ن)ماضين ليبـه اعصـور=ما عرف عصر الفبركـه والفصاحـه
ياطير لاياخذك فـى نفسـك اغـرور=خذ لك سكن واتـرك دروب الوقاحـه
بعطيك كلمـه برمجـه هيـه بالفـور=الكلـب مـا ينفعـك كثـرة نبـاحـه
من عافنا لو هـو خـذا بالهـوا دور=منـى تـراه اليـوم مطلـق سراحـه [/poem]
[align=center]وسلامـــــــــــــــــتكم
الاشدف.....عقاب النهار[/align]
رد مع اقتباس
مشرف مضيف الترحيب والتعارف
المفضلات