المشاركة الأصلية كتبت بواسطة المخاوي
وصلنا في الحلقه الماضيه عند التمرينات اللي اكتشفت تالي ان ماله سنع لان كان بوه واحدن مايعدى بالصاله الرياضيه يتمرن لدرجة اني رحت للصاله وابي الاثقال ادورهن مالقيتهن اثريه شايلهن كلهن 
المهم ان هالشخص كل يومن وهو مدبوغ وياطون بطنوه بالشارع قلت ياولد الشجاعه مهي والله بالجسم الا بالقلب وانا عاد من هالناحيه متطمئن 
الزبده يوم طلعنا الظهر رحت للبيت والغدا هكاليوم ماذقتوه لاني قاطع حلف على نفسي ماكل حتى اخذ بثارنا من ذلك المتغطرس وبوجهي للسطح تخبرون ليامنه ضاقت بي لازم اتعلى فوق 
والا وانا اخطط وافكر قلت مالي الا خوياي وربعي اللي كل ماهذا وانا فازعن لهم والله وانا اروح لجحرٍ لهم يجتمعون بوه كل ظهر بعز القايله , ويوم جيتهم قام ابو مسمار , ومطرح الخرفان , ومسح الريضان وابو صرعه , يهلون ويرحبون وكلن يدق لي صدروه وقالوا ابشر والله باللي تبيه مننا اما ابو نشقه , والذيب المنهلس , صابتهم الرعده والجفال وصدوا عني هالسلق وانا كل ماهذا اجدع بروحي فزاعن لهم لكن حسايف والله 
وتذكرت قول احد الشعراء المعاصرين :
[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=1 line=0 align=center use=ex num="0,black"]
احد ليامنه بدا لازمك قام = يفقد شعوره لاوقفت ونخيته
لاقلت نبي فزعتك قال قدام = ماهو لاجا لازمك مالقيته
وأحدٍ لياجيته يعضض بالابهام = ويقول هذا وين جاني وجيته
لو كان له في ماكر العز وسام = تروح منه ولازمك ماقضيته[/poem]
ابو مسمار: اكبر سروق بالحاره ولايسرق الا محلات مواد البناء 
مطرح الخرفان: نشيط ومتعافي ومستغلوه ابوه بطرح الخرفان والغنم ليامنوه بغا يجلب للسوق
ابو صرعه : هذا تجيه لوه حاله لياشاف هوشه يصيح ثمن ينصرع ويغمى عليييه لكن ليامنوه صحى وخر عن طريقوه مايعرف ابوه من اخووه ينطح الدبابه ولايذل
مسح الريضان: سمي بذلك لكثرة دوجتوه وكل ماتجي حاره يذكرونوه لك ورادار الحاره في نفس الوقت لاشارده ولاوارده الا عندوه علمن به 
ابو نشقه: طبعوه اقشر بس لوه نشاق ولاينفعك بشي فاطس يمشي وذروق
الذيب المنهلس: من اسموه ماترجي من وراوه خير لكن احسن مابوه يمشي ولااحد يحسبوه ماتدري الا وهو بجنبك يستانس عليه السروق ابو مسمار 
الزبده قلت لهم ماابي منكم الا طرحتوه لي بالارض وعقبه ازهلوه وش تقول يامطرح الخرفان والذيخان قال بشرط تعطيني فسحتك بكرا قلت تبيه غصيبه ولا عطيه قال الا عطيه قلت ابشر وقال مسح الريضان الذيخ هذا كل عصر الساعه 4:23 دقيقه عند بوفية نعمان قلت اجل الوعد قبله بثلاث دقايق اضبطوا ساعاتكم على ساعة مسح الريضان تروه اضبط من قرينتش 
ويوم جاء الوقت المحتوم رحت واخذت قليل البخت اخوي قلت اَن الاوان للاخذ بثارك والذود عن فلافلك 
ويوم جينا من دون البوفيه ليامار يصفرلنا مطرح الخرفان وحنا نجيه وليامار عندوه الربع قلنا هااه وشعندك قال وشرايكم نأجل السالفه لبكرا 
قلت لاهالحين لييه انت تجبصنت قال لله بس هذا ذيخ ماهو خروف وانا اليوم منخلجٍ ظهري مهو كل هذا 
اياملا البواطن يالدجاجه مانبيك تهوش نبيك بس تسدحوه لنا بالارض وعقبه فارق قال ابو مسمار انت بس تخيلوه خروفٍ قدامك وانهد علييه قال ابشروا قلت لحظه خلونا نعرض عرضة الحرب
قبل لانلتحم بوه :wink: والله وهو ينطلق الماخوذ من عندنا وهو ينطح الذيخ نطح ويقعون بالارض
والله ولياانا من امس وانا فارطن وجامدن على علمتوه :00110: واخوي رابطن رجليه بلوه حبل يقول اضمن لنا لاينحاش 
وانا اصوت لبو مسمار قلت انخاك والا انخا الذيب قال لاوالله انخ الذيب المنهلس قلت يعقب هكالوجه عطن بس مسمارك قال وشتبيبوه قلت انت بس مسكن ياوه وهو يعطيني اياوه والله وانا ارزل الذيخ لوه شوين ياما غدى مايسوى جحش قلت نوبتن اخرى لاعاد اشوفك تاكل فلافل بالمدرسه كله انت تسمع والا لا وهالحين نظرا لجرائمك السابقه والمتغطرسه حكمت عليك بخرق اذانك مثل البنات
حتى ماترفع وجهك بوجيه الرجال:wink: وانا اخرقهن لوه وغدى لوه صياح وجعير الماخوذ ويقول توبه يعله ماعادت وحنا نفك رباطوه وهو يهج يضرب شامي عامي ماهو عارفن طريقوه والله ليالتصفيق والتصفير والتشجيع من اهل الحاره ودلي يعرضون قدامي وبهاللحظه اهتاش وانفتن ابو صرعه ولاصحى الا بوقت العرضه وهو ييرثعبنا ويحوسنا البليه
وتغدي لي سمعتن طيبه بالحاره وقاموا هالجذعان والطلاب بالمدرسه يتمنون القرب مني وبعد ايام اتى الذيخ يستسمح ويطلب العفو وان يكون خادمي الخاص فقلت ايه هالحين ادل يافنوص , ومن بعدها مانعرف زحمة الفسحه وتجينا الفسحه وحنا مرتاحين وليابغينا نهرب من المدرسه ركبنا على متون هالذيخ ونطمر مع الجدار
وهاقد انتهت هذه المعركه الداميه وعسى ان اثلجت صدوركم
واسمحولنا من القصور ياجماعة الربع والى ملتقى اَخر .
المخاوي 
[poem=font="Simplified Arabic,4,orange,normal,normal" bkcolor="transparent" bkimage="" border="double,3,blue" type=0 line=0 align=center use=ex num="0,black"]
ياعل جحر ضمهم دوم عامر = عصر وصبح وصنقرة القوايل [/poem]بعدي توك رفغعععععت روسنا لا [align=center]وسويت شي ماخطر على بال احد انك بتسويه يعني كسرت عينوووووووووه بس حز بخاطري ابو نشششششقه لو انت حاطن بخشمووووه له شكيمة هو الاخر كان مامثله
تسلم على هذا الابداع عطنا هذيك لاتبطي به [/align]
رد مع اقتباس
وسلم على اخوك الكباير كثير السلام 
المفضلات