المخاوي والذيخ الاطوق !!!!

**المخاوي** · 12-09-2004 16:22

نظرا لكسلي الشديد , وكثرة التمغط والتمديد , وتشره عضو.ن سديد
اليكم ماصريته منذ زمنن بعيد , فعسى ان يكون له وقعن وتيد

هذا مرتن من النوبات كنا بالمدرسه بالابتدائي انا بالصف الرابع واخون لي بالثاني وكالعاده لياضرب جرس الفسحه انهدينا على المقصف تقول غنمن قاهره من دون علفه وكلن يشري فسحتوه اما اخوي هذا معيي يقول انا اشري فسحتي اقولوه وشنوحك يقول عادي انا اقدر اشري لحالي وخلن اعتمد على روحي احسن قلت ايه هين المهم ذات مره لهو جاين الماخوذ لوه جعيير مثل جعير الشبث يوم حنا بالرحله البريه قلت علامك ياأخي ماذا دهاك هل من مصيبتن حلت بك قال بل اعظم منها بل كارثه حلت بي وليس لي غير الله ثم انت التجئ اليه في هذا الزمن التعيس والاغبر يااخي فقلت انا لها يافتى لو تريد راس الدريعي لاتيت به اليك قال الدريعي جاب راسوه شقردين قبلك والا خابرك مايعجزك هالطلب لكن بوه لوه شخصن دبل قاعة تسبدي وغاثن ولاعنن خامسي ومتولجن ومشوفن نجوم القايله >>> اوخذ ياماخوذ عايشن على الله ثم فسحتي كل يومن وهو تاغصن وماخذن رياليني لاومن الذله اروح ازاحم واشري لوه الفسحه وهذا اللي ماخلاني اعطيك فسحتسي تشريلي معك لانوه متوعدن يوكلن التراب وياطى على علمتي ان علمت احد >>> الا ياسبد حيي تسبدوه اثريه يعاني الماخوذ ولادريت بوه فاستقبلت ذلك الخبر وكانه رمح ركز بصدري او سيف مسموم قطع مصاريني فانتخيت بحصنية جدي دريميحه من هالسنين فقلت حرام علي شرب البيبسي واكل الفلافل حتى اَخذ بثأرك والقنه درس لن ينساه ابدا ويكون عبرتن لجميع الطلبه والفراشين والحارس بعد فهيا بنا يااخي خذني اليه ولما ذهبنا اليه وجدناه قد ابتلع سندويشة الفلافل ويطرقع بالبيبسي فقال اخي هو ذا فقلت ثكلتك امك يالنعجه يالرخمه ياللي ماتستحي ولاتنتخي تسيف تاكل حلال هالفقير مار انطح عن روحك جاك الموت ياتارك الصلاة فلما انتهض من مكانه كان كالبعير بجثته وكالزوافه بطولها وكالبقره بعرضها وسمنها وكالعنز بوجهها وياليته ماقام من مكانه وفي هذه اللحظه قامن ركبي ترقل وصابن جفال مثل جفال شنقل يوم حنا بالرحله البريه وعجزت لااقف على قدمي قالي وش تبي فأبت الكلمات ان تخرج من فمي والله وانا امد لوه فسحتي قلت اخاف ان فسحت اخوي ماكفتك واسمحلنا من القصور وهذي حبت خشم ايه هين قلت وشنوحك على اخوي كل ماهذا وانت اخذن فسحتوه انا بهالحتسي اتفطن من اي جهه باب المدرسه :wink: قال ياحبيبي انت فزاعن لوه قلت ليه مانت ذالن مني ترن بصف رابع ( أ ) قال والله لو انك برابع ( ج ) مار عطن فسحتك تر فسحة اخوك ماسدت جوعي وعطشي قلت هيهات لك ومعصي يالذيخ والله لتبطي عظم وهو يتغصن يبي ياخذهن مني ولكن ابت عزة النفس والافتخار بالذات ورجولتي ان اعطيه ماطلب وانا انثر البيبسي كلوه بالارض وقطع السندويشه وقطه >>> وشرايكم مااعجبتكم وعقبه مادريت الا والمدير والمدرسين مسعفينن باسعاف المدرسه وهي ددسن مديله 79 وحاطينن بالحوض ويوم صحيت ليامار اخوي واقفن على راسي ويقول الله يخلف علي وانا احسبنك داهيه اثري كل اَفتن عليه من الله اَفه اثري بس جودك علي تفغصن بهالبيت اخييييييييه ياليتن مافزعتك :00118: قلت تصدق عاد انوه غدربي غدرة جساس بكليب ياأخي قال اقوول قم بس قم وهويقفي من عندي ويضرب يدن بيد واخماسن باسداس وقام يلطم الماخوذ لطم الشيعه بعاشوراء , قال العوض ولا القطيعه مار خلن اعطي فسحتي لهالبليه هذا واصادقوه لانهم يقولون ( اليد اللي ماتقواله صافحه ) ولياصار معي هوشه والا شي عندي هالبعير هاللي انا اعلفوه كل يوم على الاقل يفزع معي ومعروفي بطنوه

ولكن انا لم اتوقف عند ذلك الموقف ولم اجبن ولم اتخاذل فذهبت اتمرن كل يوم لاواشيل لي ربطتين تبن اعزكم الله كل يوم , وادور على شبك الغنم نوبن هروله ونوبن حبي , وقمت احط المعاليف حواجز واقمز من فوقه لاواحلب المعزى كل ساعتين حتى تتقوى يداي للملاكمه على الاقل ارد اعتباري عند هالوغد اللي يبي يتولجن

وبالحلقه المقبله سوف تستمتعون بما فعله المخاوي بذاك الشرير المتغطرس اللذي لايرى من الارض شبر ولاذراع

تحياتي للجميع

**ابو غازي** · 12-09-2004 16:37

[align=center]

قلت تصدق عاد انوه غدربي غدرة جساس بكليب ياأخي قال اقوول قم بس قم

هههههههههههههههههههههههه

ههههههههههههههههههههههه

يســــــــــــــعدني أن اكون أول من تشرف بالرد على هذه ااالرائعة

المخاوي ........ ياخلصت التمرين علمن ترن جاهز تسان تبينا ندق خشم
هالمســـــــــــبوع

هههههههههههههههههههههههههههههه

المخاوي

[/align]

**المخاوي** · 12-09-2004 16:53

هلا بالبناخي

اثرييك على خط النااار بعدي والله

ويسعدني ايضا ويشرفني حضورك وتعقيبك

وفزعتك مانستغني عنه مار خلك والم وهات المخطر :wink:

**متفاائل** · 12-09-2004 17:12

قم يمال المحنقط ماعطاك سالم الشمري لو شوين من بتاعتووووووه <<(شجاعته) عن الغلط
لا وماليتن تسبدوه يسولف والله ياحليب المعيزاء عدي اشوفه على الذرعان .
ابوغازي وش تضحك عليه على خيبت اللق لاتوهق الرجال تقول تبينا ندق خشمه يفلخ ويخليك خخخخخخخخخخخخخخخخخخخ

**ابو خليف** · 12-09-2004 21:37

[align=center]

ماسكن طبع الشبث

احراق دم

اخلص علينا بتاليه

لا اتغصك تغصة هالدب لخوك[/align]

**الشبث** · 13-09-2004 00:36

[align=center]فودان

انت ماسكن علي هالجعير ممسك

انا كنت وغيد

لا تقوم تشوه سمعتي

وبعدين تر المثل يقول قولة خواف ولا قولة الله يرحموه

ههههههههههههههههههههه

عارفن الجزء الجاي

ومثل ماقال ابو غازي ترن والم تسان تبيني اعجنوه

( ترن العب كرتيه )

خخخخخخخخخخخخخخخخخخخ

المخاوي انت

ونعتبرك استاذ انت وعشيرك نستفيد منكم

وخلك على هالوزنه

وتقلد تحيتي[/align]

**شنقل** · 13-09-2004 02:00

[align=center] اخوووووو دريميحه

العشير

علمن باسم هالذيخ

خلن اهشم عدسته

وتسانه على وصفك

عطن ايميله ابرسل له فيروس

>>>>>>>> الذله بنت حلال

شكرياااااااات

شنقل[/align]

**عـتـريـس** · 13-09-2004 06:10

ترى جانا نداء يقولون به قبسه ياتلحق ياماتلحق.

ترى به فلقتن منازينها عند الوالد تسانك تامر عليها اعتبرها وصلتك ومعها ذا الخيزراان اللي منا زينه من اللي يحبه قلبك وتسانك تبي الفزعه تاراانا بهو

نحتريي وش سويت معه.... سلملم

اخوكم عتريس

**اخو سعدى** · 13-09-2004 08:28

[align=center]المخاوي ..
يا عشير عشير شنقل ..
والله انت رااااااااااااااائع
وكل هذه السوالف عندك ولا تقول لنا ..وشنوحك ؟

والله ضحكتنا من صج ..

لكن لا تبطي بالجزء الثاني وشد حيلك بالتمارين [/align]

**راعي الوقيد** · 13-09-2004 11:18

الله يذكرك بالشهادة يالمخاوي

طرى علي بناخين لي عندهم عشاء مثل البارح وتخبر اللي عندهم العشاء ما احد يتعرض الراس وطبعاً هم آخر قلطه (اهل المحل) عاد سالفة الراس قم يوم قام من العشاء وخذ الراس وغيبه بالشنطة يبيه فسحة له من باكر والله وفعلا اكل اليوم يوم جت الفسحة وكل واحد يقول تعال هنا صديقي ابعدوا عن صديقي
^
الجيل هذا سلمك الله قبلي يوم ان الدعوى فتستس ماهناش والناس هلتسه

والله يعطيك العافية واضحك لك سنك كما اضحكتنا وامتعتنا

ننتظر الحلقة الاخيرة

سي يوووووهووووو