[align=center]الغاليات : مجد وتذكار ,,
أنا ماقلت كلامي دفاعاً عن تصرفاتهم ,,
أنا أقول إن الواحد مايتألّى على ربه ويستبعد إنه يقع في مثل هالمحظورات بحجة أنه واثق من نفسه ومتربي صح وحافظ دينه ,,
النفس بين أصبعين من أصابع الرحمن يقلّبها كيف يشاء ,, يعني قد تُمسِين مسلمة وتصبحين كافرة والعكس كذلك ,,
خلوني أرجع بكم شوي لفترة ماتقل عن عشر سنوات ,, أيام موضة البلايز السترتش ,,
ترى هالنوعية من البلايز أول مانزلت للسوق كانت بشكل نادر جدا ,, وأذكر إن بعض البنات كانوا جايبينها من برا قبل ماتوصل عندنا في السعودية ,,
كان أغلبية الناس ينتقدونها ويتحاشونها وينكرون على اللي لابستها ,, ليه ؟؟ لأنها تصف الجسم لشدة ملاصقتها له ,,
والحين صارت مثل أي بلوزة عادية ,, يعني حتى الحياويات والملتزمات يلبسونها ,,
ولو رجعتي ورا مرة ولبستي لبسك الساتر حتى لو ماكان سترتش ,, يعني تنورة طويلة وبلوزة بأكمام طويلة بعد ,, وشافتك جدتك أو أم جدتك بعد 
كان اعتبرت لبسك هذا منتهى قلة الحياء ,, لأنه ماسك على جسمك ,, تذكري ان ملابسهم كانت ثوب أو دراعة على قولتهم فضفاضة بشكل لايمكن انك تعرفين صاحبة الثوب ان كانت سمينة أو نحيفة ,,
أتمنى تكونون فهمتوا قصدي ,, وأنا كل اللي حبيت أنبهكم له هو ان الواحد مايعتمد على ثقته بمستواه الديني والأخلاقي ,, اهم شيء انه يسأل ربه الثبات وانه يكفيه شر الفتن ,,
ثبتني الله واياكم على الحق [/align]
المشاركة الأصلية كتبت بواسطة مجد
[align=center]
رد مع اقتباس
المفضلات