[align=center]سلام
لكل الشباب والصبايات هون
راح احكيلكووون حكايتي >>> إجل حكاية من .
أول شي إمصعوا سلك التلفون لاهنتوا
تخبرون انتم ياشباب ان الواحد لما يقولون
له اهلوه انوه يبي يدرس .. وش كبر فرحتوه
أنا حفظني الله و رعانن من اول المستانسين
بالدراسه .. طبعاً بعضهم يبتسون
انا اقعدوني >>> ( صحوني : لغير الناطقين)
صحوني أهلي .. وقالوا اقعد مدرسه
طبعاً أنا كنت مولمن اغراضي و الشنطه اللي به 10 دفاتر
تقول بيدخل جامعه مو اول ابتدائي
الوكاد ماافطرت على طول وينتس يالمدرسه
والجو فيه زراق شوي
وامي تقصد بي و انا الفح براسي
وماصدقت خبر ادخل المدرسه
واخوي اللي اصغر مني طاق من القهر
يبتس المسكين انه مايدرس بس انا .
جيته وقلت لوه عادي كلها سنتين و تدرس اصلا
الصغير يخافون عليه .. الا الرجال ناوي يروح معي ؛)
فـ قلت لووه يالغالي انت صغير و اذا رحت معي ترا ماافزع
لك من التسلب اللي تخبروووه
بلع العافيه وقال ماني دارس ..
وداني ابوي للمدرسه
وقام يموح بي بالطريق و يبنصحن
ويقول لي ترا والله ثم والله اذا جاني حدا المدرسين
والا الطلاب يشكون منك لاعلقك بالمروحه
قلت له انا يابيي >>>> عدنا
قلت تأبر ألبي بيي متخافش عليي
بوعدك اني مابتعرض حدا وكلياتهوون ماابئول لهن شي
رحت للفصل الا ماشاء الله تقل غنم
تقول انهم حول الخمسو اربعين طالب حول العدد هذا
اول مادخلت للصف .. تقل مستحي
وبصوت واطي السلام عليكم
>>> ماعندهم مدرس اكا الحين
الطلاب : و عليكمووووووووو السلااااااااااااااااام و رحمتووووووو اللهي و بركااااااااااتوووووه
>>> معلمهم المدرس قبل شوي
وشلونك ياخوياي
كثر مااوطى ببطونهم
ادور لي كرسي مالقيت .. يمين يسار مافي كله فل ..
قلت لهم ياشباب قياااااااااااااااااااااااااااااااام
الخبول قاموا >>> يحسبوني مدرس
قلت لهم : جلووووووووووووووووووووووووس
الخبول جلسوا >>>> يحسبوني مدير
.
.
طبعاً مثل ماقلت لكم الفصل مليان غنم
و الريحه .. الله لايوريكم
جلست انا بطاولة وكرسي المدرس الكبار تخبرونهن انتم
وقلت لهم واحد يتكلم ياويله
شحط حديهم : وش دخلك انت منت مدرس
انا : كل تبن و اقعد .. لاعودك عوايدك
قال : تحسبنا برا .. اعلم عليك استاد يوسف ..
انا : سعد بالله نيابتن عني قمت تمردغ ببطنووه
>>>> سعد و لد خالي .. و انا و هو وجهان لعمله واحده ..
نشكل خطراً على أبناء حارتنا و دايم يعلقنا ابوي بالمروحه
قام سعد و ماصدق ماسمع ,, و هو يتحمالووه على وجه كفن حامي
الورع بلع العافيه وسكت
تخبرون سعد رافع ردونه لين ابطه و شكله يخرع وشماغه على كتفه حاطه
>>> ابو عنتر جاب ابو عنتر
عاد قلت سعد تعال اجلس عندي .. بجنبي ..
تسننا مدرسين
الا مافيه كرسي كبير و طاوله
وانا اصوت للورع اللي دبه سعد ..
انا : تعااااااااااااااال ياحمار
هو : أمرك يا ستاد سالم >>> حشا عسكريه مو فصل
قلت له رح لـ المدير وقل له استاد يوسف يبي
كرسي كبير >>> بلع العافيه استاد سالم
راح للمدير وقال له .. وجاب الكرسي
وينزله عند سعد .. و يجلس سعد .. ويلقي كلمته المشهوره :
.
.
السلام عليكم يامعشر طلاب المركوز ..
إسمعوا وعوا .. إن من الدب لعبر .. ومن التمطيل لـعبر
وان سمعت احدا يتكلم علي انا او الاستاد سالم
أقسم لاوطى ببطنهي
وانتم يامعشر الورعان تخبروونن
و أقسمو اني لو سمعتوا كلمتن واحدتن من فم حديكم لاخليه
زلابه ؟.. ولاخلي العالم كلهم يضحكون عليهي
ولاخليه زي البنت بالفصلي
يامعشر الطلاب .. ياقوم .. لقد قلت لكم ماقلته
وابن امه يفتح فمه >>>> يصلح شاعر
ان احدكم اليوم لميت علي يدي .. و إني لداخل السجن عن قريب
وان مرافقي سالم .. و سوف تصبح البلده خالية من المشاكل اثناء
دخولنا السجن .. و لكن :
اسمعوا وعوا .. لن يتجرأ أحد أن يصير مكاننا
وان لم ندخل السجن .. سوف ادعكم تعيشون بأمنن وامان
والسلامو عليكم و رحمتوا الله وبركاته
.
.
.
الا و تصفيق يسمعه اللي بالرياض
المدير سمع التصفيق قال اكيد مدرسهم نشيط
و طلاب ممتازين
.
.
.
جاء دوري انا :
السلام عليكم و رحمة الله وبركاته
انا ماراح ازيد على كلام الاخ العزيز سعد ..
ومثل ماقال لكم .. واحد ينطق بحرف اقص لسانه قص
وانتم تخبروني انا وسعد .. يعني ماشاء الله علينا حفظنا الله ورعانا
اذا مشينا بشارع الناس هجوا عننا ... >>> طبعاً هجوا من الخوف ..
وانا احذركم
والسلامو عليكم و رحمة الله وبركاته
الا والعالم تصفيق والمدير عطا المدرس رخصه اول يوم
وقال يعطيك العافيه
وهو مايدري وش السالفه
والفصل مستانسين
تحبوا مين
نعم نعم نعم .. سالم نعم نعم
>>>> مظاهره نوعاً ما
و تخبرون انا ارفع يديني فوق واصفر و اطبل وزحمه حييييييييييل
و هو يلحقوننا طلاب الثاني والثالث
ومعنا تزمير و تصفيق و مهرجان
>>> طبعا كلهم ذالين مني
وبنفس الوقت المدرسين يفطرون بغرفه مقفلينه عن الازعاج و المدير
معهم و مايسمعوننا
و حنا نطلع بساحة المدرسه
وحلاو وشوكولاته
جايبين ماشاء الله كراتين
وانا اجمع الفصول كلهم بالساحه واخطب بهم خطبتي المشهوره
.
.
.
انا واقف على طاوله لقيناه بالساحه
.
.
ياقوم .. يامعشر المدرسه
ياقوم .. اليوم ومن ومن اول يوم دخلت فيها المدرسه
سوف اوزع عليكم الكيك و العصير والبقل و البقلاوه
واني لاحبكم في الله ياقوم .. واعزكم معزة كبيره
ولكن .. كلكم سوف تخضعون لي و تطيعوني
والا والله ماتنسّون اي شي من اللي امامكم ..
انا : منو عمكم ؟
الطلاب : ساااااااااااااااااااااااااااااااالم
انا : من خالكم ؟
الطلاب : سااااااااااااااااااااااااااااااااالم
انا : بتحبوا ميييييييييييييين ؟
الطلاب : ساااااااااااااااااااااااااااااااالم
انا : ابو الملايين
الطلاب : ساااااااااااااااااااااااااااااااااالم
انا : اللي يعطيكم كيك مين ؟
الطلاب : سااااااااااااااااااااااااااااااااالم
انا : اللي يعطيكم عصير مين ؟
الطلاب : سااااااااااااااااااااااااااااااااااااالم
اسكتوا ثكلتكم امهاتكم
يسألون عن عيالهم هم صملوا او هجوا
جاني واحد الله يذكرووه بالخير ..
هاه سالم اشوفك صاير عمده
اكيد المدرس حطك .. انت والله مؤدب بس محد يدري
يعطيك العافيه و اي طالب تشوفوه مو مضبوط بهـ الخيزرانه
وهو يعطيني الخيزرانه .. وقال ماشف ولدنا ماادري وينه من مشوين ادوج
بالفصول مالقيت احد .. قلت وش اسمه >>>>
قال خالد .. وانا اصوت له .. و يجي
ويسولف لابوه .. تصدق يبه استاد سالم طيب
ويبي يعطينا كيك و عصير الحين
ابوه : عفيتن والله ياسويلم اتريك طيب بس العالم يقولون
انك شريرومنو حطك مدرس
انا : استاد يوسف قال لي صرح عليهم مدرس
والمؤدب اعطه كيك و عصير
الساعه 11 راح امشيهم
راح ابو الشباب
.
.
قلت لهم ابروح اقول لاستاد يوسف حاجه واجي
وانا ازرق شوي و اجي
وقلت لهم الحين كل واحد يروح للفصل و يجيب شنطتووه
وشوي شوي لحد يشوفكم ترا اذا واحد بس شافه المدرس مااعطيكم
وانتم تخبرون الخير يخص و الشر يعم
وينطلقون واحد واحد ويجيبون شناطهم
ويجوني
و قلت لهم .. لاشوف ولا واحد هنا انقلعوا عن وجهي
قالوا وين نروح
وبكره لحد يجي وتعالوا يوم الثلاثاء من شان اوزع كتب عليكم
اعد للعشره اشوف واحد موجود اخليه يداوم بكره
لا لا لا لا لا يااستااااااااااااااااااد
وهم يركضون وماتشوف الا عجاجتهم
الا والمدير جاء
ومايمديني هجيت الا و هو يمسكن و يمسك سعد
ايا اللي ماتستحون .. ليش تهججونهم وليه وليه وليه
ويرسل حدا المدرسين ويخلي ابوي يجي
وانا وسعد واقفين قدام الاداره ويجي ابوي .. وش عندكم
قلت مدري المدير يبي يعطيك جائزه لاني افضل طالب
قال ابوي اعقب .. منت بسيط >>> بسيط ولا كعبول
ويدخل ابوي ويسلم على المدير والمدرسين ويسأل وقال وش عندكم
طالبيني سالم وسعد وش عندهم واقفين برا .. تكريم او فصل ؟
قال يابو سالم كيت كيت كيت
ويصوت ابوي لي ولسعد
هاه وين الجائزه ؟
و دب و دب و وين مايوجعك
يمااااااااااااااااااااااااه جداااااااااااااااااااااااااه
و حنا نهج
و الطلاااب معطيهم انا رخصه 72 ساعه :icon_eek:
وانا ادخل انا وسعد بلنا بيت خرابه
و ولد عمي الصايع تسانكم تخبرونه يجيبون لنا الامدادات
و بعد اسبوع صدر عفو من ابوي
وجينا و رجعنا للمدرسه
وكملنا الدراسه وكل يوم والثاني جيب ولي امرك
.
.
.
اسف على الاطاله
ماننحرم[/align]
رد مع اقتباس
المشاركة الأصلية كتبت بواسطة المخاوي
المفضلات