[align=center]سلاااااااااااااااااااااااام
>>>> صباح الخير لـ اللي يشوفونه بالنهار
>>>> مساء الخير لـ اللي يشوفونه بالليل
>>>> تأبروني كلكم
الصراحه ياحبايبي ياماصلين
اشتقت لكم و من زمان ماكتبنا موضوع هون
فـ قلت لازم ننبسط شوي و نضحك هنا
قبل مااروح لـ المانيا الاسبوع الجاي >>> من اولها شلاخيات
ايام سادس ابتدائي يوم انا وغد بكبر الفاضي والغثه الحين
كنت عند اهلي >>> اجل وين بـ كوالالمبور انت و وجهك
كنت ساكن عند اهلي>>> لاتواخذونه الدوام قرب
وعمامي ساكنين بالرياض .. والاخرين بجده >>> والاخرين بلاس فيغاس
الوكاد ياطويلين العمر و طويلات العمر .. حدا المرات جونا عمامي بالشمال
عمامي اللي من الرياض >>> وبعدين معاك
الا و ولد عمي الكبير معه جهاز زغينوط ماادري وشو ..
الكلام هذا عام 1416 هجري
فيوم جونا الا و ولد عمي كاشخن باللي معه
وحنا ياعيال الحاره حول عشره ماغير ندودل روسنا وراه
عاد هو شافنا خبول ناكل النكوث ماندري وش السالفه
حط الجهاز باذنه و هو يحتسي
ومدري وشو ومدري كيف الحال .. و كلام هندي >>> انجليزي بس مايعرفون خبول
يوم خذا ربع ساعه و هو يقرق .. حط الجهاز بمخباه >>> مخباه : جيبه / لـغير الناطقين بالعربيه
حنا : يابو خالد وش ذا الجهاز اللي تسولف معه
هو : يبه انتم بدو وش عرفكم بالبيجر
حنا : وشو بالله عيده ماسمعناك , اسمه حلو
هو : ياخبول بيجر .. هذا ماتعرفونه .. اصلا ابوي شراه لي بـ 500
>>> اقول معك ريال الحين انت و وجهك
هو : اصلن انا قبل شوي تدرون من اكلم ..
حنا : لا والله ماندري بس نسمعك تسولف مع هندي
هو : لاياخبول هذا صديقي بأمريكا >>>> الجو برد
حنا : طيب وشلون متى .. كيف وش السالفه
هو : اذا كبرتوا و رحتوا للرياض تعرفون كل شي
.
.
و منذ ذلك اللحظه قلت لازم اروح للرياض .. بس ابي لي مصرف
و خوي .. و نفل والدينه هناك >>> كنت اسمع بالرياض بس مااعرفها
راحوا عمامي .. بس قبل مايروحون عمي قال لابوي ليه ماتخلي سالم يروح معنا
نوديه للملاهي
نرسله لكم
عاد قال لهم ابوي والله ماله لزوم >>> دايم يقولها تسن جدتي فاطمته على الكلمه هذي
و حنا نبي سالم يودي اخوانه ويجيب لنا اغراض البيت .. و يودي للغنم معالف وشعير
>>> لو ماقلت الجمله الاخيره احسن
انا بتسيت وقلت يا اذبح نفسي او اروح للرياض مع عمامي >>> يسمع باللي يبتسون
قال ابوي انطم يهاللي ماتستحي ,, انثبر لاقوم عليك الحين وتخبرن انت
الصراحه يوم سمعت ابوي يقول كذا بلعت العافيه .. جاني مغص و اسهال
قلت لامي قولي لابوي ابروح او اهج .. اذبح روحي
عاد امي بلعت العافيه يوم سمعت اني ابذبح نفسي
ياوليدي ماله داعي تروح و المدارس قربه ,, و و و ..
قلت امي ماتنفع .. مالنا الا عمي
وانا اروح لعمي .. واقول له كل السالفه
قال خلاص انا اقنع ابوك واروح له الحين
عاد انا رتبت اغراضي و حطيت ملابس بكيس >>> مااعرف الشناط اكا الوقت
على اساس اني ماشي
طبعاً ولد عمي الصغير ماراح مع اهله .. دايم يروح بعد اهله قبل المدرسه بيومين او ثلاثه
.
.
فقرننا اننا نروح .. طبعاً بعد موافقة ابو سالم
فالحمد لله وافق ابوي اني اروح واجي قبل المدارس
وقال لي لازم تاخذ اخوك معك ..
لووووووووووووووووووووووووووووووووووول
من وين جانا النشبه هذا بعد
مسكته وقلت له ياويلك تعلم احد وش نسوي
عاد هو حروش نمره واستماره
خذينا ملابسنا و مشينا مع حمار الدوله >>>>> النقل
ومتى على ناصل الرياض
مشينا الصبح الساعه 6 من رفحاء
وصلنا حروة المغرب ..
الا وانا اشوف اللي تفضخ العقل
ياويطي .. ياويطي .. وين انا الفتره اللي فاته
جالس وماادري بالرياض
عاد ولد عمي عليه له سوالف .. ابد ماتمل منه
صاروح ينطح صارروخ
اخوه الكبير يثبت و هو يشوت
الوكاد وصلنا عمامي .. وتعشينا عندهم
وقلت لولد عمي مشينا يم الحيوانات اللي تقول
قال قل لابوي يودينا ,,
انا طبعا استحيت منهم وقلت باتسر ان شاء الله نروح للرياض كله
نمنا وليتنا مانمنا ,, ياحلو الحلم بالرياض
احلام حلوه شوي
احسن من الاحلام عند اهلي
عند اهلي احلم اني اتهاوش مع لي عيال وماافطن الا العقال من
ابوي .. اتريه صحيح مو حلم
هناك ابد محد يسأل عنك .. وين تبي .. لاتطلع بالقايله .. ازعجتوا الجيران
صحيت الفجر على زقزقة العصافير
مو عند اهلي على لجة الوغدان
افطرنا وعينا من الله خير .. ولعبنا كمبيوتر
ياحبي له حباااااااااااااااه .. حركتات
يوم جا بالليل قال لنا الصايع ولد عمي مشينا
نفرفر بالرياض
طبعا انا الريوس مفصول عندي
الوكاد وحنا نشر لـ الموزينات ...
ونرتسب .. معوه انا و هو و اخوي الافدغ
وين يبغا .. يبغا ملز .. معلوم .. ايوه معلوم
مشينا للملز .. وكاسره ولد عمي لين اعطاه 5 بس
فيه محل اسمه فيفا به حيوانات
اول مادخلناه الا اكا المطوع قدامي ..
يالوح طف الزقاره .. ولد عمي بلع العافيه و وطا الزقاره
انا قال لي طفه .. قلت معصي
قال يااخي حرام تحرق زهرة شبابك و من هالنصايح
قلت له ياعمي روح .. انا جاي من الشمال استانس مو اطفش
اي زهرة شبابك .. هذي تنقال لـ سكان الرياض ..
قل شوكة شبابك .. الوكاد مالكم بالطويله كلنا بلعنا العافيه
وطفينا زقايرنا
انا حطيت حرقة الزقاره بشبك العصافير
فتحته الا واكا العصافير انواع واشكال
لونن اخضر و لونن ازرق وعد واغلط من الالوان
الوكاد رثعنا بـ فيفا رثيعه
طلعنا منها مطرودين طبعاً ..
بعد ماطلعنا قال لنا الصايع مشينا لـ بنده العزيزيه
طبعاً هو مو خسران شي .. كله بظهري انا و اخوي
رحنا لبنده و فيه ثلاجات باخر شي ..
به اي شي يطري عليك
فتحنا من العصيرات لين قلنا بس
شربنا لين طقت بطوننا
الا فيه دجاج مشوي ياعندهم او اللي بجنبهم
كلينا و غسلنا بالصبه .. >>>> البلاط / الارضيه .. لغير الناطقين بالعربيه
الوكاد وحنا نرش الماء على الارضيه
ومن بعيد .. تزحلق .. الا والواحد على دماغه هههههههههههههههههه
هههههههههههههههههههههههههه
والعالم متهوله مننا
طبعا طلعنا من بنده مطرودين ..
رحنا لـ محل على مااعتقد ان اسمه ماكدونالدز ..
ولد عمي جلس وقال اطلب لي وجبه مع الببسي
واخوي جلس وقال لي نفس الطلب ..
انا رحت يمه .. وقلت وش عندك صديق ..
قال قر قر قر قر قر قر . وانا مافهمت شي
قلت 2 وجبه مع ببسي و واحد سندويتش بيض بدون شطه
الا والعالم كركركركركر يضحكون
قلت .. عناد لهم حط شطه كثيره
>>>>> احسبهم يضحكون علي اني ماابي شطه
جاني ولد عمي وقال فضحتنا الله يفضحك ..
تبي شطه بماكدونالدز .. هذا عندي راجو وبابو اللي تبي
امش للعقاريه الله ياخذ عمرك
طلعنا ماتعشينا
قبل مانرتسب التكسي .. مريت بقاله و خذيت 2 شطه
>>>>>> احتياط ..
قلت وشي العقاريه .. قال هذا سوق به ملابس وكل شي
انا : طيب مامعي فلوس
هو : ياحمار نروح نرقم .
انا : وشلون ..
هو : هذي ورقه و قلم .. واذا وصلنا هناك اعلمك الباقي
>>>> مايدري وش السالفه الى الان
.
.
وصلنا العقاريه وانا اهج عنوه وانا القى مكتبه .. و خذيت ظروف حقات
الرسايل منوه ..
واجي لولد عمي .. قلت له تفضل ياولد عمي العزيز
الظروف جاهزه واكتب الرساله
لفعني على وجهي .. انت حمار .. ماتفهم
الا وانا ماادري وش اللي جاني ,,
>>> تذكر الفلقات اللي ماليات دماغه
قال ياحمار حنا جايين نرقم ) مو نكتب رسايل
انا : وشلون طيب .. فهمني ..
هو : المشكله انك ماتفهم ..
الوكاد تعلمت .. بس قلت بقلبي الحين يدبوننا >>> يضربوننا لـ غير الناطقين بالعربيه
مرت من قدامنا وحده .. قال ولد عمي رح بسرعه قبل ماتنزل من السلم
اعطه الرقم ..
انا طرت زي الصقر اذا بغى ياكل فريسته
قلت هيه هيه هيه .. طالعت لي : وش عندك ياقروي تنادي ؟
انا قلت هذا من ولد عمي هذا .. وانا اشر بيدي لوه
( كنا واقفين عند السلم الدور الثاني اللي يروح لـ الأول )
عاد يوم طالعت بولد عمي .. الا واكا الابتسامات من يمين و من يسار
وهو حول خمس امتار عنها .. ويقول ياحلوه خوذي الرقم
مافطن الا علبة الببسي بوجهه نيهاهاهاهااااااااااي
تحسبونه سكتت على الببسي
شافتن اضحك .. وتحمالي على وجهي دردب ..
من الدور الثاني للاول
مافطنت الا العالم تضحك .. واللي تمدد من الضحك
واللي جته سكته قلبيه من الضحك
كلهم علي
وانتفخت اوداجي >>> تنتفخ وتاكل هوا
قلت انا اوريها الشغل .. واطلع برا العقاريه ادور حصا صغير
>>>> النباطه ماتفارقه 24 ساعه بجيبه
وانا القى لي رضمتن ياكبره ..
وانا ادوره .. و يصوت لي اخوي .. وجدناها . هنا هنا هنا
وانا انظر له .. دردب .. والا والبلاط احممممممر
مافطنت الا ولد عمي قال اهرب جوك الهيئه
انا ماادري وش الهيئه .. بس احتياطن هربناااااااااااااا
ويلحقوني اكا المطاوعه ( طلعوا هم الهيئه
امسكوا به .. انه فاااااااجر .. الحقوه ..
وانا ماغير افرفر بهم .. حاطن ثوبي بسروالي .. نعولي ماسكهن بيدي
والنباطه حاطها برقبتي
انا : تبطون تمسكوني .. اصلن ماتعرفون من انا .. والا مالحقتوني
امسكوا به .. اغلقوا البوابات
ومااشوف الا اللحا وراي .. والعالم فالين والدينه ..
وانا اركض اعطاني ولد عمي حصوه زغينوطه
وانا انظر له .. طرااااااااااااااااااااااااخ
الا بجبهة المطوع
وهو يركد الوضع .. وانا اتمشى و محد قال لي شي
طبعاً .. انا قلت مااطلع لين ارقم بنت انا واخوي ولد عمي
فيه ثلاث بنات قدااااامي
اللي لابسه له طرحه و نص وجهه طالع
واللي لابسه بنطلون ازرق >>> جينز
واللي لابسه مدري وشو .. الوكاد ماشفت احسن منهن بالعالم كلووه
ولد عمي وش قال .. قال شوف سالم ..
هن ثلاثه و حنا ثلاثه .. كل واحد يتخير اللي يبي
وقفنا قدامهن
واللي تبي اخوي واللي تبي ولد عمي
قالت حديهن تقلع لا اصوت للهيئه الحين
>>> عادي مااخاف الحين منهم
اقول اعلى مابخيلتس اركبيه
والرقم معطيتني ياه غصبن على اللي خلفوتس
>>>> ياويطي يالخبل مايعرف شي
قال لي الصايع خلهن لي وانثبر هناك ..
ماادري وش قال لهن .. الوكاد قامن يضحكن معه
مو مثلي يضحكن عليه
اعطاهن ورقه بيضا .. وقال لهن ولد عمي بطل يشرب الشطه
ومايخاف .. صوتت لي تعال ياحلو
>>>>> طبعاً مارديت لاني ماادري من الحلو انا او اللي وراي
قالت انت انت تعال ... جيته وانا ماادري وش اقول ..
تلعثمت .. اول مره اتكلم مع بنت
قالت ولد عمك يقول انك تشرب الشطه صحيح
الا والصايع يغمز لي
>>>> تذكرون الشطه اللي شريتها يوم طلعت من ( فيفا )
.
.
.
طلعت الشطه وانا اشرب نصه و يطق بطني
وعيوني 1 متر قدااااااااااااااااااااام
عفت الدنيا والعقاريه والرياض
شربت النص و قطيت قلت اصلا ماني مشتهي
توي شارب 4 قبل شوي
.
.
.
خلصنا من العقاريه رحنا .. لـ اسواق حجاب
تمشينا هناك .. والا زحيييييييييييييييف
مو مثل شباب العقاريه اللي الواحد يالله يمشي
تميع هو و جهه
هناك تلقى شماغ الواحد على كتفه وشنبااااااااااااااات
مو شعرتين مثل متسلبة العقاريه
وصدفه ويلقى ولد عمي خوياه هناك
ويصوت لهم تعالواااااااااااااااا
وحنا نروح لهم ركض
الا واسمائهم تخرع الله يدفع البلا
جلسنا و تعللنا و دخنا مع بعض
.
.
و تفرقنا .. رحنا وين ..
اكيد لـ البيت ..
.
.
توقعوا من لقينا .. لقينا عمي واقف عند الباب ..
جينا نبي ندخل
>>> توي ضيف ماثلثت
قال تعال ياسويلم .. وانا اجيه واحب راسه ..
قال منين جيتوا
وبعد منين جيتوا .. من حديقة الحيوانات ..
قال يالله حيهم .. وتمحيط بالعقال ..
و منين مايوجعك
والكاد بلعنا لنا دبغه ملونة جدف
وحنا نجلس عند التلفون
ونتابع اكا الفيلم اللي ماادري وش القناة للحين
اول مره اشوفه بحياتي
ومنسجمين مع الفيلم الا والتلفون يدق
وانا ارفع السماعه الا وبنت .. الو
و تطيح السماعه مني >>> ماادري وش السالفه اول مره يسمع صوت ناعم
قال لي ولد عمي من .
قلت له : مدري فيه صوت سمعته ياحلوه حلواااه
بطني قامت تمشي يوم سمعته
قال اغد رجل و رد
قلت : من سلطان .. قال قل له وبس ..
انا : ياولد اي سلطان مااخبر سلطان بالبيت
.
.
قلت : الو ..
قالت : ياهلا والله بالصوت
انا : من معااي
.
.
.
مافطنت الا العقال جاني يمشي الفين من عمي )
يهاللي ماتستحون على وجيهكم
انقلعوا اطلعوا عني لاذبحكم الحين
,
,
,
هربنا برا البيت انا و ولد عمي .. واخوي تركناه نايم
.
.
.
طلعنا وتمشينا بالحاره
رجعنا الساعه 3 ..
لغينا باب الحوش مقفل .. قمزنا من فوق
على مانزلنا الا ولد عمي الكبير موجود >>> اللي معه البيجر
و هو يمطلنا .. وياطا ببطوننا لين قلنا بس
,
,
و من بعده ماعدنا اكا التمشي .. اسبوع ماطلعت الا لـ اسواق المنصور
و لنده
.
.
.
ماننحرم
رد مع اقتباس
المشاركة الأصلية كتبت بواسطة سالم الشمري
المفضلات