تلاعبي ****للمواصلة

**سويلم الشمري** · 09-01-2002 17:58

الاخوة الاعضاء ورواد النتدى ارجو قبول هذة القصيدة واعذرونا عن القصور انها للمواصلة فقط

تلاعب بي على ما تشتهي نفسك تلاعبي
رزين العقل لاشافك انا اشهد ضاع مندوبة

تلاعب بالمدى والصمت والغفران من ربي
واذا حسيت في ذنبك فربك يقبل التوبة

خذيت المجد والتمجيد واللعنات والسبي
من اللي ينصفون الحق واللي ذاقوا الكوبة

وخذيت النور والبلور وهبوب الشام لاهبي
وهوى حايل ليا منة تنسم منك بعذوبة
n

وصباح الخير لامنة فهق ليل اسود شبي
تلاعج بة بروق الصيف والضيان مشبوبة

وصباح الورد لافتح معطرة الحلا ربي
على خدك يماري بة عديم الوصف عذروبة

تعليت الضلوع العوج بالمرقاب ترقبي
مكانة مهجتي واسمع بصدري طقة كعوبة

الا ياللي جرحت الحال يالجاني تطببي
ادواي الخصلة اللي منك مدري لية مسلوبة

دواي العطف يالقاسي انا الحرمان يلعبي
ترفق في حبيب لك يبي منك الوفا نوبة

وانا مالي اعتراض الا مشارية على حبي
يقولون الصديق اللي صدق في حب حبوبة

وانا لي كلمة قلتة من اول ياعطا ربي

تلاعبي تلاعبي عليل وخفف ذنوبة

**سيف الاسماء** · 09-01-2002 19:16

تلاعب بي على ما تشتهي نفسك تلاعبي
رزين العقل لاشافك انا اشهد ضاع مندوبة

اخي سويلم ...

ان كانت هذه للمواصله فاين التي للابداع ....

اخي تشكر بقوة على هالابداع اخوي ...

**الاديب** · 09-01-2002 22:46

بسم الله الرحمن الرحيم
جزاك الله خير اخي على التواصل
صح لسانك ومن دون مجامله ماقصرت الله لايهينك

**فلاح العماش** · 10-01-2002 00:23

الاخ العزيز/ سويلم الشمري

مساك الله بالخير

وحياك الله بيننا

ولك كل الشكر على القصيده الرائعه

التي عرفت بها ان تتلاعب بحروفها كيفما تشاء

والمهم

انك عرفت ان تلاعب احاسيسنا ومشاعرنا

لاتبخل علينا بجديدك

اخوك/ فــــلاح العماش

ـــــــــــــــــــــــ

انا عزاي ان مت مامات همسي
لو مات حظي في وجيه المقابيل
هذي حروفي ترجمت بعض حسي
وهذي مشاعر خافقن يشكي لويل
(فقيرالحظ)

عادل الشمري · 10-01-2002 01:41

هلا و غلا بالاخ الشاعر العزيز سويلم الشمري

اشكرك يا الغالي على قبول الدعوه و تشريفنا

قصيده تتمايل عذوبة و جمالا

وما هو غريب عليك هذا الابداع

تقبل تحياتي

لا عدمناك يا الغالي