( أبلــى تهــانـــي ) ......؟!!!
[align=center]
أحبتي
مساءكم ورد و ودّ
أهديكم هذه المتواضعه وأستبيحكم العذر
أن هي أتت مرتبكه بعض الشي ودون المستوى
بس كلّها من تحت راس ( نبراس ) .....!!!
لأنه أستعجل على تواجدها هنا
له ولكم ...../[/align]
[poem=font="Simplified Arabic,5,limegreen,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلّص الفصل الدراسي والحبيبه=جت نتيجتها ( معاها دور ثاني ) ..!!
قلت / أنا وشلون ...؟!! قالت / مو غريبه ..=كلّها من تحت راس ( أبلى تهاني ) ...!!!
أدري موقفها اتّجاهي فيه ريبه=وأدري أن المسأله لعنة أناني
وأنت تدري عاد وش هي المصيبه...؟!!=تنقهر وتغار من ( لثغة ألساني ) ...!!!
تمتحنّي في سواياها العجيبه=فبسط الأشيا وحتّى في مكاني ..!!
حسبي الله من نواياها المريبه=ضيّقت كل الزوايا والمحاني
خايفه أرسب ولا أصبح ( طبيبه ) ...!!=خايفه فجأه تبدّد هالأماني
وألا تدري بتعليمي نجيبه=شاطره .. متفوّقه في أمتحاني
أيه أنا أدري يالبعيده / يالقريبه=ياطبيبة عاشقك ياشمعداني
أيه أنا أدري والغلا منهو دريبه=غير ( كشكولك ) وخفّاقٍ يعاني
أيه انا ادري غيبتك ماهيب غيبه=موحشه جداً وأنا اللي ماخذاني ..
عنك شيّ الا أجي يمّك وأجيبه=وأعترفلك بالشعور اللي أعتراني
وأنتي لك في داخلي سلطه وهيبه=مثل سلطة حظّي وهيبة زماني
علّمي ورد الحدايق بعض طيبه=وقّضي فيني سواليف المواني
أقطفي كل الغصون اللي رطيبه=واصلي رحلة مواويل الأغاني
وعلّميني لي كذا أنتي رهيبه...؟!!=وقولي للترفات والنجمات ( ماني ) ...!!
وقولي والله صاحبي كلّي نصيبه=قولي والله صاحبي ماقد نساني
والطريق اللي خذاك الله حسيبه=أبعد من الجدي وسهيل اليماني
لايهمّك لحظةٍ مرّت عصيبه=لايهمّك كل أبوها بس ثواني
وكرّسي جهدك وجدّي يالحبيبه=ولاتهمّك سالفة ( أبلى تهاني ) ....!![/poem]
[align=center]
شكراً لقلوبكم
.
.
.[/align]
رد مع اقتباس
" ...
المفضلات