تحيه من القلب لجميع الاحباء هنا ويسعدني المشاركه بهذه المتواضعه علها ترقى لذائقتكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=1 align=right use=ex num="0,black"]
دام الفراق المر أصـل الحكايـه
مافيه داعي نلتفـت للتفاصيـل
أرمي القلم والمحبره والروايـه
دام دخلت طياتها عتمـة الليـل
ودامك كتبتي عالغلاف النهايـه
أنا وهبت لقبر الاشواق أكليـل
فيك أجتمع ذنبي وذنب المرايـه
الياابتسمتي نبتسـم دون تعليـل
سقتي علينا أحكام فرض الكفايه
لامن هرجتي يلتغي كـل تحليـل
لانتي طفل ونقول تحت الوصايه
ونعدل أسلوبك أذا أحتاج تعديـل
ولانتي رشيده فيك وعي ودرايه
بالحق حق وتعترض ساعة الميل
عقلك جمع أنداد ظـل وهدايـه
وقلبك تكوّن من هدايه وتظليـل
وان كان هجرانك وصدك هوايه
ترى شعوري محترف بالمواويل
أنا شعـوري مايبيلـه سقايـه
ياتي بحزّات الوفا كنـه السيـل
ياما رفعت لحزن الايـام رايـه
وياماأحتضنت من الليالي بهاذيل
ادري المصيبه كبرها في البدايه
بعدين تصغر لين تصبح تساهيل
وانا نويت أسد بـاب الحكايـه
دام أفترقنا وش نبي بالتفاصيـل
أخـــــــوكـــــــم
مـحـمـدكـابـدالـعـيــاده [/poem]
رد مع اقتباس
المفضلات