قصيدة للشاعر طلال الرشيد رحمه الله يمدح فيها البحرين
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
طار سرب الحروف وسالت الشمس نور
سرمدي تعلّى نور مسرورها
جيت أعزم القصايد واثر شعري غيور
قبل أجي للمنامة كان دورها
ياعيون قرتني صدق بين السطور
وش لقت من تدورني وانا دورها
أنفض العهن عن صدري وافج البحور
في يميني عصا موسى ومسحورها
ماتخيرت أجي شاعر جبرني الشعور
ولو جروحي تعاف الشعر ما ازورها
امتطيت القصايد والجوارح صبور
والمعاني تذل العز مغرورها
نوخ الشعر بهمومي وعيّا يثور
قلت حيّ الضيوف ودوك ميسورها
كان فحل المعاني بالقياد مهجور
جيت افكه تهبد نار محذورها
ماأردّه علي الله ولو هو هدور
لين يروي ظماه ويحتمي سورها
دام ذلم غدير النور ليه العفور
باغتسل من زلال الظي بحضورها
يالمنامة أجي طايع واجيب الطيور
لجل عينك تغني الأرض وطيورها
سندريلا المدائن جيت بعد الحضور
جيت اقيس القصايد عقد بنحورها
سندريلا الخليج وشهرزاد البدور
مالقى الشعر مثلك يلبس بحورها
تذخر الماء عذاري والصناديد بور
دام عز الديار وعز مذخورها
قلت ابي امدح هل البحرين فرع وجذور
واثرهم غرسة التاريخ وجذورها
قلت ابي امدح هل البحرين مدح العطور
واثرهم جنة الفردوس وزهورها
قلت ابي امدح هل البحرين فكر بكور
واثرهم للحضارة نور بلورها
قلت أجل بمدح البحرين دور وقصور
صرت انا الضيف والبحرين وقصورها
بالعيون المشاعر والقدر بالصدور
والعرب تدرك الخافي ومستورها
حااام سرب الحروف وشربت الشمس نور
وش تقول القصايد ؟؟ دامكم نورها[/poem]
رد مع اقتباس
المفضلات