[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عذر مسبق للوجود ..
يعني ماكفاك حبي واشتهيتي حب ثاني "=" وكل هذا يالجحودة مر بك مر الكرام
ماسراك الليل هاجس ولاانجرح قلبك عشاني "=" ولافقدتي شيء غالي يحرمك لذ المنام
كنتي اجمل من دعيتة والتفت يمي وجاني "=" وطرت بك فرحة ورحنا نطرد اسراب الحمام
كانت دموع الاصابع تنتثر لك من حناني "=" وكنتي بس اللي بيدها تلمس جروحي وانام
يووووه ماكثر من جنانك وقتها الا جناني "=" مالخطوتنا حدود ولالفرقانا دوام
وقتها كم كنت اردد وينشد لقلبي لساني "=" (ياسلام ياسلام اد اية حلو الغرام )
وفجاة رحتي للبعيد اللي تقربة الاماني "=" حلم جابك من ظلام وظلم ردك للحلام
قلت مالي غير انسى من نسى الود ونساني "=" واحتفظ لة قد ماقدر بالوفاء والاحترام
ولاتركتيني لحالي ماكفاك اني اعاني "=" صار همك كل همك وش يحط من المقام
قلت مادون الحلوق الا طويلات اليماني "=" ولو فزع يمنى ل يمنى وش يطولك يالسنام
ابك انا مارخيت راسي ولاذكر ان القلب لاني "=" للرجال اللي توردها ولاتصدر حيام
تقدرين انتي ووجهك يالغريرة حط شاني "=" اصحي اصحي شوفي غير سعود ثاني يامرام
ذوقي كاسً نفس كاسك صاحبك ماهو اناني "=" وشرهة الغادي على راسة الااغداه الظلام
من سقوطك ماعرفتي العلو الاتزاني "=" وان كثر الارتفاع يوصلك للانعدام
وان نصر الشر فيك تموت بة اسمى المعاني "=" ولاعرفتي ويش يعني للرجال الانهزام
هذا درس وباعتقك لله لو قلبي عصاني "=" ماتحمل كافي ذنب الضرب فالميت حرام [/poem]
رد مع اقتباس
المفضلات